ياشيخنا وانت عندي غالي (ن) ومخبور=واللي بقلبي ابوحه واعترف به واطلعه
وانت من ربعي هل العليا شبيهين الصقور =اللي طعنتهم وسيعه في نهار المعمعه
صيتهم فوق السحاب وتحت غبات البحور=وطيبنا من طيب اهلنا وفي يدينا نصنعه
ومن يعادينا فهذا شخص مختل الشعور=عازين عمره وموته من يدينا يجرعه
هاك نبذه عن شجاعتنا وابرويها بسطور=هاك حكين ماعليه غبار انصت واسمعه
والحقايق ماتزيف وحكينا مافيه زور=وأسال ألتاريخ عنا صدق ماهي طعطعه
الروله ماتستجير وهي تجير ولاتجور= وليا من أحد(ن) نخانا كلنا نفزع معه
يبشر بعزه وحنا مايجي منا قصور=روله في كل حزه بالضياق وبالسعه
ننتخي بالعليا اللي لاسمعناها نثور=وفعلنا فعل الذيابه ماهو صوت وجعجعه
وتخبرون الزير سالم في قديمات العصور=جدنا وحنا عياله وبالفعايل نتبعه
نارد حياضا ألمنايا ولانوليها الدبور=واللي مضيع طريقه ندله بدرب سنعه
وكان للتاريخ ريحه مننا جته العطر=مارفعنا هو للاه حنا جينا نرفعه
ويلبس التاريخ منا فوق راسه تاج نور=يعني حنا تاج راسه أأأيه حنا مرجعه
والفخر يفخر بوايل والفخر منا غيور = وان سألت الطيب عنا قال حنا مرتعه
ومن يشاورنا نفيده وشورنا عن الف شور= ونعطي الجزله ونقلع مالنا مانجمعه
انتقهوا الطيب دله من فعايلنا تفور=وكاسة أفعال النشاما خادره ومنعنعه
جيت أبشربها وأنا اللي دايمن ليه حضور= والفتى فعله يرزه وعلم غانم يطلعه
جيت أشاركم ولاصيدي دعايات وضهور=واجب وغصبن عليه للأمير ومن معه
قلتها وأنا ابو صلعى لا ولا بيه غرور= وأفطن لزرعك ترانا نحصد اللي نزرعه
ياحياة (ن) مابها عزه عساها للقبور=وياهلا بالموت كانه بالمعزه لجرعه
يالله أنك تغفر ذنوبي وجنبني الشرور=عبدك المذنب تمادى ورحمتك هي مطمعه