كـريـم يـا بـرق ثـقـيـل الـرواعـيــد =يـم الحـمـاد وثـم يـشـلـع شلـوعـي ‏
خلتـه وأنـا مابين عـرنـان ومشيـد= يمطر على الوديان وهك الفروعي ‏
سيله حدر من راس حزم الجلاميد= السيـل يـجـري والنواشي تـروعي ‏
خصب جنابـه يـوم جـوه الرواويـد= العشب واجد والـزبـيـدي فـقـوعي ‏
قـفـريـة يـلـقـابـهـا شـّرد الـصـيـــد= بـهـا الجـوازي خـانسات رتـوعـي

يالله بغرن ياسمن الهشيمه=على الحماد من الجلاميد لسحيم
خل المرا يركب عميمه طميمه=وإفتق على كتيفا شغار المراديم
ظلل على مظله من المستديمه=اللي تساقيها مساقاه بالديم
جودآ على صفيه تقطع بزيمه=وإبجد على الخور الفحل صادق الغيم
رازق خليلك والعجوز العقيمه=غث يامغيث أجرد حمادآ لك إمحيم

اعل تسقيكم مزون مزابير=تنشي من الغربي على كل وادي
من طريف للحره لحد المحافير=تسمع قشيط السيل مع كل وادي
وعقب المطر تزين به قنصت الطير=الأرض غسلت والمواتر اجدادي
وغدالنا مع كل فجن مداوير=والأجهزه بيت الرفاقه اتنادي
وهذا يقول انا بعيد المشاوير=وهذا يقول اسمعك ليه اتنادي
وعقب التعب تلقى ادلالن مباهير=وقودهن جمر الغضاء بالحمادي
وبعد العشاء يازين خبط المسايير=وتعللتن يالقرم والجو هادي
وصلاة ربي عد نبت النواوير=واعداد طشات المطر بالحمادي

يامن ايودي لي سلامي لابو زيد =هاك القبال اللي ضميري يوده
سلام احلى من حليب المصاعيد=في خايع ماسوم وارضه امجدّه
يشبع به الحاشي وسيله تراديد=وعشبه دماج و زايد البرد ضده
بين السمار و بين حزم الجلاميد=جنوبه الامحاص لاهه تحده
نباته الروثه و سكّانه الصيد=تلقا الوحوش ابجانبه مستهده
يلقى به القنـّاص شرد و ملابيد=و يلقا به المشطون هاللي يودّه
يسلى به الناظر اليا طالع البيد=ارضه سماح و سهلته مجرهده
فيه ام سالم ماتمل التناشيد=ياسرع مبداها و مسرع مرده
اصواتها واصوات خلج المفاريد=تعانقت والصبح نوره يمده
يطرب لها السامع ولو صوتها إبعيد=صداه سمحات العوالي ترده
عذبٍ هواه ومثلـّوه القواصيد=من طاب له طايب تهيـّظ وعـدّه

عديت سمر النايفات=المشرفات من التلال
و ارقبت روس العاليات=الطايلات من الرجوم
حزمين عن لاهه جنوب=و الحزم الاخر عن شمال
و اشرفت منهن عن يمين=و اشرفت منهن عن يسار

شفت الشروزيه=خباريها تتالا
تمتلي و ان سيل سال=صفيه لهن قبلة صلاه
و عنازه في راس الفلاه=عروس يزهاها الدلال

ما شفت حزم و لا حجر =و لاشفت سهل و لا وعر
ما غير له لونن خضر =روضن كساه الديدحان
دم حمرو روضن به النوارند=للقيحواني و الزهر

المشاركة الأصلية كتبت بواسطة إإرق إإسنود إبـــداع بريشة الريشه كم سرحنا متنقلين عبر تلك المعالم والمسامات وجـرة لأثار رسمتها لنا عبر الزمن أخي القدير مـــــدير مـنـتــدى قبيلة الروله الرسميه الريشه / جتكم العـلـيـا تحتدي يرعب القلب ضلالها يايمه ربي مهـرتي واكبر وانا خيالها ـــــــــــ الله يعطيـك العافيــة طــال عمــرك ودمـتــم ذخــرا وفخــرا ...