الــحُــب أنــتــي درّتــــه وبــحـــوره=وجــواهــره واْلـمـاســه الـمـنـثــوره
أنــتــي لـحـبــي رحـلـتــه والـغـايــه=وفـي لــبّ جـوفـه صــورةٍ محـفـوره
يـاسـيّـدة عـــرش الــحــلا والــرقــه=يـــاأرض قـلـبـي بـالـغـلا مـمـطــوره
إذا غنـجـتـي وانـتـثــر ورد اســمــي=مــات الغـنـج فــي فاتـنـات شـتــوره
وان سلهمـت عينـك برمـش نـاعـس=ضـجّ الرمـد فـي خُضـرة المنـصـوره
والـخــدّ مـتــورّط مــعــاه الـمـغــرب=ضـيّــع حَـمَــارْه واسـتـفـزّ شـعــوره
ورمشك يوم انّـه بـسّْ شايـف حالـه=يـحـقّ لــه لـيــه الـبـشـر مـقـهـوره؟
وخاتـم سْليـمـان إنـرسـم فــي فـمّـك=وشفايـفـك فـصّــه وشـهــد زهـــوره
رحنا وطي شفايفٍ ورديه=ماكنها الا بالعنب مخموره
كـنّ العـسـل ذايــب عـلـى مبسمـهـن=مــن جـمـر ورّطـهـن بـواهـج نــوره
وفـي دايـرة وجـهـك يـتـوه الـهـاوي=والبـدر يخجـل مــن بـيـاض نـحـوره
وانا ماغير الانبهار ابلشني =ولالي شغل غير احترق بالصوره
جيتي بلحظه وامتلكتي روحي=عجله ولكن بالضلوع احفوره
لا مـــن مشـيـتـي يـاحــلاة المـشـيـه=كــــأن تـحـتــك كــاســة مـكــســوره
كـــل الـشــوارع تـحـتـفـل لاجـيـتــي=وتـقـبـل أقـدامــك وهــــي مــعــذوره
وإذا وقفـتـي والـبـنـي مـــن حـولــك=شـفـت المـرديـان جـانـب المعـمـوره
ماكنـت أظــن أنــك سكنـتـي روحــي=حـتــى رفـعــت الكـلـمـه الـمـجـروره
وقمت أحْطْب ضلوعي وباقي جرحي=وأشعـل بـهـا لاجـلـك فتيـلـة ســوره
وحـيـرت تحليـلـي ووصـفــة طـبــي=ومـاتـت أمـامــي خـبــرة الـدكـتـوره
واخوان بدوه ربعوا بالدهشه=متهولين انظارهم مبهوره
قالوا هو انتي انس وإلا جنّي=تكفين مرّي للمشاعر زوره
بــس الصـراحـه مـاخـبـرت بـوقـتـي=فــتــاه مـثـلــك مــاهــي بـمــغــروره
لملمت حالي ثم قلت لنفسي=ابعد عن الداب ودروب شروره
لنّ الحلا يوجع حنايا قلبي=يذبح بقايا روحي المنخوره
ومع كل هذا باقيه في جوفه =وارضـيـة أرضــه بالـغـلا مـمـطـوره

صح الله لسانك وماقصرت

كلام جميل من شاعركبير


تقبل تحياتي