لاولد باشــا ولاجدك بيك =ولالك ذكر بين عربانك
ياهيه راجع سجل ماضيك = تلقــاه بأرشيــف جدانك
وأن مالقيته تـعال أنبــيك = أنبيك عن ماضــي أزمانك
أشرح لك عن فعلهم واعطيك = تقريرعن دور شيبانــك
ماغير فــعـل الـردا كاسيك = من هامــتك لين كرعانك
بليس عن درب السنع مغويك =نسـّـاك أسمك وعنو انك
ومشاك درب الطغى برجليك =وخلا قرايبــك عــدو انك
متغدي ومتعشي ولاعب فيك =ساري مع دمك بـشريا نـك
خـبـث النوايا كشف خافيك=ماتخفي بصدرك من أضغانك
لاتـرفــع راســك ياصعيليك =أصغرك مع صغـر شانـك
بالشعر افـرش لك وغـطيـك = ودمـدم عليـك بنيانك
النـــار شـــبيتها بــيــديــك = واطفيت نـارك ببهتانك
جيتك على مهرة ٍ تشـقيـك =تحوسك وتلـــعـب بحسبانـك
من جـدودي ورثتـها تمــليـك = صهيـلهـا وسـط ميـدانــك
خيالهــا لاضـرب يرمــــيــك =وتطيح عن صهوة حـــصـانك
ياطى على راســـك ويذكيــك =ويجتــث راسك مــن أمــتانـك
لوصحت منه محد يحميك = وتطيح من عــيــون خـلانـــك
الشاعر محمد هايش الغثيان الرويلي