أقبلي ، وش علامك تقل مترددة=ما ورى الأزرق الفتَّان عذر ٍ سمين
طيبة حيل ، وأدري حيل متمردة=ما حكمك إنتماء ولا خضعتي لدين
تعشقين الفضاء الرحب يا سيِّدة=يوم غيرك على الظلمة واهلها رهين
لك فصول وطقوس وضحكة ٍ وانْهَدَه=وإنت النور وأخت النور للعاشقين
بين جمر الغضب والجور والهدهدة=يا عوض راسي إن جار الزمن والعوين
وبين ظلم الخوي ، وأمسه , وظلمة غده=آتنفس عبيرك كنك الأكسجين
إن حضرتي : مثل سيل ٍ حضب بزبده=لك جميل ٍ على كل الوطى وكل عين
وإن تأخرتي وعاشقك طال اسهده=جر مواله المؤلم بصوت ٍ حزين
نحرث الصدر غي , ونمطرك بشهده=زفرتين ٍ تفت العظم يا مسلمين
أجملك أسهلك , وأصعبك على حده=بين ضلعين كنه طلعت الياسمين
يا كثر من بغاك وعنك تقصر يده=أبلشوك وصرختي : أرقدوا وامنين

المشاركة الأصلية كتبت بواسطة خالد جازم البرمان صح لسانك يابو ضحوي -- حنا فيدين مشابط هاليومين وامتعتنا في هالغزليه وعساك على القوة مع اطيب تحية وتقدير

المشاركة الأصلية كتبت بواسطة واقعي بالحيل نحبك ياخلف هذا الأكيد