يا رب مكة وطيبة والحرم والمقام=رب السماوات محصي كل ذراتها
رب الشجر والحجر تفرق دبيب الهوام=في ساعة ٍ تكسي الدنيا بظلماتها
رب الثقلين ما يخفاك همس الكلام=رغم اختلاف ألسنتها واتجاهاتها
سبحان من هو فلق نور ٍ شرق من ظلام=سبحان من هو فرق خلقه بطاعاتها
مبدئ معيد ولك القدرة وكل الأنام=في قبضتك من بدايتها إل نهاياتها
ملكك يا ربي وحنا به ركبنا الأثام=عفوك ولطفك يا ربي من عقوباتها
نعصيك وإنت الودود إنت اللطيف السلام=إنت الرؤوف ابمزالقنا وتيهاتها
وإلا المعاصي لها ظلمة بوجه اللئام=وكم فرقت جمع قوم ٍ في ملذاتها
ألم ترى صاحب الأفيال مثل الغمام=طير الأبابيل غطت زمرة اعصاتها
وألم ترى كيف موسى جاب تسع ٍ اعضام=وألم ترى كيف فرق زرق غباتها
وألم ترى كيف أبو الضيفان طبَّح اشمام=بنار ٍ أمرها الولي برد وسلاماتها
في كل شئ ٍ له آية واضحة للهمام=لو فلسفوها غبى فيها وبآياتها
يا رب يا رب يا ربي ردنا حيام=للكعبة الله يشرِّف كل ساحاتها
ندعيك خوف ورجا واللي لجأ ما يلام=امغربل ٍ من بلا الدنيا وسيَّاتها
فوق الصفا لك صفى قلب ٍ غشاه العسام=وبالملتزم غصَّت القشرى بعبراتها
يا رب افزع لنا من قبل سل الحسام=من قبل حالي عظيم الهم يقتاتها
ست وثلاثين شهر ٍ كمَّلت بالتمام=وأبواب الأسباب ضعنا في متاهاتها
نركض ونركض وتالي ركضنا للهدام=وأهل الحركات ما تترك حراكاتها
يا ذا الجلال العظيم الفرد جتني جهام=هموم بقعا غزتني بكل راياتها
مالي مطير ٍ ولا دبره ورى ولا أمام=وبين اصبعينك تقلب قشر نيَّاتها

المشاركة الأصلية كتبت بواسطة ميس{كاندي}كوين ست وثلاثين شهر ٍ كمَّلت بالتمام=وأبواب الأسباب ضعنا في متاهاتها نركض ونركض وتالي ركضنا للهدام=وأهل الحركات ما تترك حراكاتها يا ذا الجلال العظيم الفرد جتني جهام=هموم بقعا غزتني بكل راياتها مالي مطير ٍ ولا دبره ورى ولا أمام=وبين اصبعينك تقلب قشر نيَّاتها.. شاااااااااعرنا خــــلــــف ابيااااتك اكثر من رااااااااااااااااائعه...نااااااااااااااابعه من القلب,,, تحيااااااااااااااتي...

المشاركة الأصلية كتبت بواسطة الجهة الخامسة خلف ضحوي وقصيدة منفردة جدا بروعتها .. موضوع نادرا مايتتطرق له الشعراء ... مناجاة الرب .. تذكرني بقول الشاعر نايف صقر : سجد قلبي على رمل الضلوع وهزه التنهيـد .........................وانا في جوفي خيام الندم والخوف منصوبة فهذا خلف يقول لنا برائعته : مالي مطير ٍ ولا دبـره ورى ولا أمـام .................................وبيـن اصبعينـك تقلـب قشـر نيَّاتهـا تحية طيبه وقصيدة لايُمل من قراءتها

الجهة الخامسة


تشرفت بمرورك الجميل


ألف ألف شكر لمرورك العاطر


مودتي وتقديري