ابيات شعرٍ لنا يا اصفان مهدينه = من رأس قرمِ على الطولات معتادي
يذكر ديارٍ لنا بالقلب حاوينه = ديار عزٍ لها التاريخ ينقادي
ديار قومٍ طويل المجد راقينه = مجدٍ عسيرٍ وصوله لكل نقادي
ديار عليا تجر الصوت يا وينه = ماضٍ لأهلنا يعده كل عدادي
وبل المنايا على أعداهم امشينه = سيله تروح مسيره ياشم الوادي
وياكمِ أرضٍ لها كفٍ محنينه = بسيف منهو عشق موته و معتادي
خضب ترابٍ لهم يفتّح يدينه = متعطشٍ دوم لدم فريس الامجادي
فريس عليا شعورالخوف ناسينه = عرق الشجاعة سحبهم يم الاجدادي
عز الدخيل و بوقت الضيق حامينه = وكم من خلوجٍ تحن ردوا لها غادي
ويا كم عدوٍ حياض الموت مردينه = اسقوه علقم مريره فت الأكبادي
عهدٍ مضى "موزيل" اخلص بتدوينه = علمه مؤكـد ماهو محتاج لإسنادي
و"الليدي بلانت" ما تنكر عناوينه = اسم الرويلي على صفحاتها سادي
و بكتاب " كارل" شموخ المجد قارينه = رجلٍ تعايش مع التاريخ بركادي
وكم غيرهم يثني على كم فعل كامينه = ماهمهم مدح مادح او ذم هدادي
دروب اهلنا الى هاليوم ماشينه = لو هو تعثر زمنا بكثر الاضدادي

صح لسانك ياشعارتنا وزيره الله لا يهينك ع الابيات الرائعه


ويستاهل اخونا مجلع الصفا والاخ الكبير اصفان

كل الشكر لكم ايها الكبار ع حرصكم وغيرتكم ع قبيلتكم

وماهو غريبه عليكم الطيب يامنبع الطيب