سلطان قربلي بعيد المعاميل =ابغى اتكايف دام حظي غبيني
الوقت هد اللي بقالي من الحيل =وحال الزمن والترف عيا يجيني
انا سهرت الليل اجر المواويل =مابين منكوس اللحن و الهجيني
مال الدهر والحظ جاوب له الميل =و تعبت مشافيح التعب تحتريني
اسهر مع خوه زحول الحلاحيل =همي وحزن الدهر و الشوق فيني
انا اسهر ابنع له من اشواقي النيل =والنوم داعب رمش عينه يا عيني
تكفون يا ربعي ياجلابة الويل =البعد هستر بي و بعد ظنيني
احس في صدري هدير الزواميل =وان ضاقت الدنيا عسى الله عويني
الناعس اللي بعدته المحابيل =وحال الزمن مابين شوفه و بيني
يضيق صدري كل ما رحت انا اخيل =و اخيل يدينه براحة يديني
ثم تطري اصدوف الزمن لا ضوا الليل =واشتاق و اشوف الغلا يحتويني
اقول تفرج و البلاوي مقابيل =واقول خيره و الزمن يبتليني
اشوف من وقتي عجاف التهاويل =و ارجع و احسب ما مضا من سنيني
شف خافقي بعدك دروب ومداهيل =و ما فيه درب الا لضيق يحديني
شبيت لك من واقد الشوق قنديل =علك تجي و اخذ بحضنك حظيني
و اطش طش اشعور الحروف الهماليل =و اوقد لك من الضلوع صدري حنيني
شفني معك شعبان حبك غدن سيل =و بيحت لك ما باقين في كنيني
شف الهواجس بعد بعدك مهابيل =شف القهر من بعدكم يعتريني
و تكفون يا ربعي و تكفون يارويل =البعد هستربي و بعد ظنيني
(و الظيقه اللي دايما" تالي الليل =وش حيلتي واردها لا تجيني )

انور الرويلي

المشاركة الأصلية كتبت بواسطة الوهــــــــــيف احس في صـدري هديـر الزواميـل وان ضاقت الدنيا عسى الله عوينـي الناعـس اللـي بعدتـه المحابـيـل وحال الزمن مابيـن شوفـه و بينـي يضيق صدري كل ما رحت انا اخيـل و اخيـل يدينـه بـراحـة يديـنـي رائع اخي انور قصيده رائعه بروعة كاتبها نزف جميل تحسد عليه . تقبل ودي

المشاركة الأصلية كتبت بواسطة قصــتي فــي دفــتـرهـ صح لســـــــانك وعلا شـــــــــآانك اخوي أنــــــــور عز الله ماعليها كلام بنوب شكري وتقديري ومودتي لك وانا بانتظار جديدك المشـــــــــوق

المشاركة الأصلية كتبت بواسطة سهر صح لسانك اخوي انور الرويلي والله يبعد عنك وعنا الضيق والهم

المشاركة الأصلية كتبت بواسطة حامي المحسه الله يبعد الضيقه عنك يابو هايل صح كلك ..... وكلك صح . وطن من الشكر .. لقلبك على هذه الفاخره دمت بود