هاجسي يالهاجس اللي ماعشق غير الصعاب = هاجسي والشعر ملكك من جزيله لاجزله
ماحداني للقلم توصيف تلعات الرقاب = هاضني شعرن قريته والبيوت مزلزله
هاضني للقاف هاجس لاقنص بالشعر صاب = ولا ورد جم المعاني يرتوي من منهله
أرتقى بحروف شعره لين عداها السحاب = أبدع .. أبدع .. بالجزاله والجزايل مدهله
صاحبي عندك صحيبٍ لا بغاها مايهاب = يبتكرها من بنات أفكار فكره مابدعها مقوله
أنتهض صقر الحنايا شافها فوق الضباب = أعترضها .. واعتلاها .. لين جات محوله
صاحبي والليل موحش والقمر قفا وغاب = والمساء تزحف جيوشه والكآبه بأوله
كل سؤال وله جواب ؟ وللعذر الفين باب = ويش عذري للجواب ؟ ان جيت قدام أسئله
ويش عذري للخطأ لاجيت قدام الصواب = ويش عذري للعقل لاصرت أعّرفه وأجهله
ويش عذري للضمأ لاجيت قدام السراب = ويش عذري للمطر لاجيت بأرضٍ ممحله
ويش عذري للحضور ان كان عزّمت الغياب = ويش عذري والسلاسل والقيود مكبله
ويش عذري لا نشدوا عني عزيزين الجناب = ويش عذري والاسامي بالكروت مسجله
ويش عذري والدبش ترعى وجيعانه ذياب = ويش عذري والحقايق من سنين مأجله
ويش عذري للحروف اللي غدت وسط الكتاب = ويش عذري للعقل لاصرت أعرفه وأجهله
أسألك وأنا سؤالي مات بعيون الجواب = شاب عذري .. ويش عذري .. والليالي تخجله
جيت لك بالقاف وأطلب منك ترجيح النصاب = أقبل حروف المعُنى في جنونه أقبله

مسافر في بحر غربه .. مسافر والوطـن مجهـول=غريب أبعـد عـن أحزانـي الا ياحلمـي المفقـود
مثـل ماشفتنـي شفتـك ولأبـه للقيـود حـلـول=أعيش أحساسك الميت وأموت أحساسي الموعود
تقابلنـا وتفارقـنـا مـلامـح مالـهـا مـدلـول=ومات الحـب ماعنـدك ولا عنـدي عليـه شهـود
رحلنا والهجر ماهو عـن اللـي صابنـا مسئـول=قـدر وأسبـاب مامعنـا لهـا غايـه ولا مقصـود
بكينا هاجس الفرحه .. ضْحَك هوجاسنـا المأمـول=يبينا ننتحـر فينـا .. يبـي يحيـا بـلا مجهـود
نوينـا نبتعـد أكثـر وأكثـر والفـكـر مشـلـول=بدينا ننجـرف لآخـر مسافـه ماوراهـا حـدود
تناما الحزن أوعيّـا ينـام وفـاق معـه .. عقـول=مدام الجود من حزنك على حزني من الموجـود
دريت أنه نبت جرح .. وضعفت وصار مالي حـول=وعرفت أنه بكا حلم ولمحت أن الطريق سدود
مـن أول مابديـت أسئـل خفايـا قلبـي المقتـول=وأنا كنت المح الجاني ورى صـدري بـدون قيـود
شعرت أني تلعثمت . وتألمت . وكأنـي أقـول ؟=الا ياليتني ماعشـت حبـك وآخـره منقـود
تقبلت العزى .. والله يعوضني عن المجمول = حبيبٍ بالغلا يعطي ولا فكر بنقص وزود
وليه أنشد وأنا أدري من الواضـح مـن المجهـول=وليه إرخِص وأنا أغلا من اللي شوفهم محـدود

قلت ياماكان شعرك بالمذاق أعذب شراب
وايضاً ولازلـت نايـف في فضاه ومـدهـله
.
ايضاً وكم قلت صح لسانك بدون ارتياب
فخـرنا وقـت الـقـصـيـد وكل مـنّا مجـمـلّه
.
انت تشدا جبالها ماحولك من اهل الهضاب
حـضـرتـك فـيـنـي مهـيـبه هاك قلبي واسأله
: