أطلقت لافكاري لجام الاعنه = حتى تبلور من نسمها قصيده
قررت أقـــّــطــع قيد الافكار لنه = يزهد ليا حبْسِت نفوسً زهيده
دام الجمال أغطاه والشعر فنه = أمنتك الله يالافكار العنيده
طيف الخيال بغيهن وهقنه = في ظرف نظره الف فكره جديده
روحً تبوح السر .. روحً تكنه = من كنته للبوح صارت تسيده
أما فهمت اللي ذكرت ونسنه = والا أكرر ماتقول وتعيده
لقيت عذرك للمواعيد كنه = يقول ماكانت وعوده أكيده
خيول فكري قيدهن حطمنه = وبين الامل واليأس حطمت قيده
أطلقت زرقن وبلهن سيلنه = مكتوب لي لو كان ماكنت أريده
خانن رموشً دمعهن وقفنه = ياصعب والله دمع خطو الوليده
رجيتهن مايرسلن وأرسلنه = حتى غرق خدي بنار الوقيده
حسبي عليهن بالعهد خوننه = وخانتني الدمعه وصارت أكيده
لمحتها من فوق رمشً بلنه = نظرات عبدً خان في عهد سيده
عزيت خفاقً همومه حدنه = شح الامل وخان العضيد بعضيده
لاصار ماهدومك جسدك أسترنه = من عاد ترجي هم قلبك يفيده
عزاه من جور الليالي أبعــّدنه = يلين لو قلبه سوات الحديده
آهات صدري والجروح الاسنه = تزارقن صدري بغصت وريده
مثل الجميل اللي تقفاه مــّـنه = حت الورق والريح صاح بجــّريده
وكلن على الثاني حسامه يسنه = ملعون راعي التفرقه والمكيده
الاسئله وحلولهن دوّرنه = وضاع الجواب بظل جمله مفيده

وهنا اصول الشعر ذوقة وفنه
ومثلك فريد ومعطياته فريدة
سلمت ياقاف(ن) لعج واطرقنه
بنات فكر اللي وصلنا بريدة

الله خــــلــــق جــــنــــه وفــــــــي وســطـــهـــا حــــــــور=وانــــتــــي لــــكــــل الــــحــــور يــــاحـــــور جــــنـــــه
يـــــا الـنـايـفــه والــلـــي خـــلـــق شـــامـــخ الـــطـــور=أن الــــــغــــــلا مــــــشــــــروع والــــعــــشــــق ســــــنــــــه
أبـخــتــصــر لـــــــك والـــوفــــا نـــبــــض وشــــعــــور=مـــثـــل الــمــطــر لــــــلارض والـــوقـــت كّـــنــــه ؟
فــــي خــاطــري كـلــمــة وفـــــي داخــلـــي جـــــور=وفــــــي نــظــرتــي : عــــــزه وعـــطـــف ومّــحــنــه
لـــكـــن شــكــيــت الـــجـــور والـــصـــدر مـــعـــذور=صـــــدر الـشـمـالــي ضـــــاق مــــــن مــــــا يّــكــنــه
أنـــســـان رغـــــــم أمــانــتـــه ؟ عـــــــاش مــقــهـــور=مــــاكـــــن حــــولـــــه قــــلـــــب حـــــــــيٍ يّـــحـــنــــه !!
يشعر بضيق صدور . وصدور . وصدور=ولا يــبّـــدي الـشــكــوى عـــلـــى الـــنـــاس لـــنّـــه ؟
عـــزيــــز قـــــــوم وصــــــــار مــنـــهـــي ومــــأمــــور=يــعـــنـــي ظــــروفــــه فــــــــي حـــيـــاتـــه حّــــدنـــــه ؟
لــــــن الـــوِفـــي دمــــــه بـــهـــا الـــوقــــت مـــهــــدور=ونــــفــــســــه عــــــــــــن دروب الــــــرديــــــه تــــعّــــنــــه
فـــي هـالـزمـان الـلــي مـــن الـصــدق مـهـجـور=كـــــم مــــــن أســنــافــي بـالـبــشــر خــــــاب ظـــنـــه
راع الـــوفــــا (بـــــــا لــنــايــفــه) يــشـــعـــل الــــنــــور=لـــــو داخــلـــه . عـــبـــرة . وصـــرخـــه . ووّنــــــه
عـــنــــد الــشــدايـــد فـــعــــل الاحـــــــرار مــخـــبـــور=مــــافــــيـــــه لا شـــــــــــــكٍ ولا فـــــــيـــــــه مّـــــــنـــــــه
والا الــــــردي فــــــي كـــــــل الاحـــــــوال مــثــبـــور=لا يــخــدّعــك وقــــــت الـــرخـــا ضـــحـــك ســـنــــه
لا عــــــاش رأسٍ خـــاطـــره عـــــــاش مــكــســـور=ولا هــــــــان رأسٍ مــــــــا ألــــحــــق الــــمــــد مــــنّــــه