هات القلم واكتب على القاف إقرار = وأرسل معه ياخوك فلٍ و كادي
يا مرحباً ترحيبة الحر لأحرار = بطير الحرار اللي يحب الهدادي
وخل الخبر ينشر بنشرات الاخبار = بكل اللغات يكون هذا مرادي
تصرح به الحلوات في كل الأقطار = اللي حلاهن واضحٍ للعبادي
إني معك يا قصتي فوق الأعذار = وغلاك عندي دايمٍ بإزديادي
ويا صاحبي أقولها بكل إصرار = لك طلت تكسر جيوش السوادي
ولوطلبتك تشرى بمليون دولار = ابشر بشخص ٍ ما يعرف الرقادي
عشانكم افرش شليلي للأخيار = ونحفظ لكم القرش لوقت السدادي
ولو انها بالغصب والا بالاجبار = ابشر بـ ناس يلهمون الهوادي
وان كانها بالجاه جبنا لك كثار = على طلبك يجون كانك تنادي
لا يا بعد من جلسته دوم بالبار = ولا يا بعد من وقتهم بالنوادي
ولا يا بعد من عرفهم بس للزار = ولا يا بعد من هام في كل وادي
واوصيك انا اقدار اقدار اقدار = لا لا تغلط فيها وخلك حيادي
واجمع لها ورود ٍ في باقة ازهار = وخلك لطيف القول وخل العنادي
بطيبها ما فيه في كل الاعمار = هي الوحيده تنفرد بالمبادي
بحكيها حكمة وبير ٍللاسرار = وقولها واضح ماهو رمادي