أجي للزيارة كل جمعة وأنا شفقان=وأروِّح وأنا هموم المخاليق مالكها
سدى بلا مدى عندي بها صك بالمجان=على سلعة ٍ جعل الولي ما يباركها
يا قشرك يا قشرك يا أسود الشبك والسجان=تحرك أمور ٍ قِرد من هو يحركها
أصير إلغريبات القوافي تقل سندان=أثوِّر بنات اشيوخ وأخرى أبرِّكْها
ولو إن القصيدة بنت شيخ ٍ من الشيخان=ما لدَّت على عوجان الألسن اتكتكها
وحتى الهبيلة ما تعبَّث بها خبلان=ضعيف الرجال اتمِّيزه من امحكحكها
لكن المقرَّد جعلها من ورى ( وِدْرَان)=لو إنِّي بسراها وأنجبر في معاركها
أصف بسراها كل جمعة يا ابن رمَّان=وأنا حاجتي شِعْث العرب ما تفككها
جعلها ولي العرش بيدك عظيم الشآن=سميع ٍ قدير ٍ يفرق الذر ابحالكها
له آتوب وآسبح وأنا أرجيه بالغفران=عفو ٍ غفور ٍ رحمته سِعْد مدركها
إلهي ، وأنا عبدك ولد عبدك الحيران=دروب السعة هم المقاريد شربكها
هموم ٍ بصدري كِنَّها القيق بالمرحان=صباح ومساء خضر الشرايين تعلكها
وأنا لو رضاكم بس يذكر مع الصلبان=لا أقبِّل قدم كل اصلبي ٍ وأفرِّكْها
وتكفى ، وتكفى ، ثم تكفى يا ابن رمان=عساها نجاتك من جهنم ومسلكها

القدير / بربروسا

اللهم آمين يا رب العالمين



صح بدنك ورفع الله قدرك


شاكر ومقدر مرورك الكريم


مودتي وتقديري