اجمعيني والا .. لا .. لا تجمعيني=اتركيني .. منتثربك .. وبسماك
أن قدرتي ترسميني .. ارسميني=انحتيني وانقشي حولي غلاك
وبدفاتر .. ذكرياتك .. بروزيني=والله اني ضعت يوم الله (هداك)
ياهدوءٍ ما هدى عاصفك فيني=وياسكونٍ حرك الساكن جفاك
حدديني في اناملك ... وعطيني=بعد ثالث انتهي به عن هواك
ومن مشاعرك النديه ظلليني=واحفظيني .. لايعريني .. شقاك
وياظميتي ( شوق ) سمّي واشربيني=قرطعيني انتعش واروي ضماك
وبالخيال استعمري واستوطنيني=أملكيني ...في دلالك وبحلاك
وكل صبح اليا قعدتي صبحيني=وعطريني واكرميني في لقاك
ومن حنانك و الدفا لا تحرميني=أحضنيني .. ما دفيت الا بدفاك
وان غفيت ونمت أكثر قربيني=واتركيني مت وانا اركض وراك
وقبل لا تنعس عيونك أقعديني=وابعديني .. (وقولي اااالله يهداك )