يوم اسهم قياس المعزه تضارب=لها ثبت حبٍ رضع من هواها
لا فتنة المشرق وسحر المغارب=عجزن ينسّني طهارة ثراها
نحتتها بجوف الغلا والغوارب=وعين إنتمائي للحبيبه تباها
لي في عصاها حاجتين ومآرب=أهش همي وأتوكأ حياها
برعم جنوني نابتٍ بالمسارب=ونطفة شعوري ناميه في حشاها
رغم انها حقلٍ لقل التجارب=ونجم التناسي ساكنٍ في سماها
ابي امررها استراحة محارب=من بعد مااستفحل ركود برباها
تبقى الرحم لطوال عصم الشوارب=من حبلها السري تغذوا غلاها
لاجيت اودعها وقف سد مارب=همٍ يلازم دنيتي وايهامها
حزنٍ تفرعن مثل لسع العقارب=يستنزف البسمه ويسقي عناها
تشهد على حبي حدود المضارب=وطفولةٍ فيها لقت مبتغاها
اطريف مجدافي وعمري قوارب=يوم البحر ظرف الحياه وقساها
صافي غلاها داخل العين سارب=ويغرق صباحي في محاجر مساها
من ضرعها طفل الوناسات شارب=وشيخة شبابي ربعت في فلاها
لحبل المعزه لآخر العمر كارب=متشبثٍ فيها واذوب بغلاها
حضنٍ يضم الاصدقا والاقارب=يستاهل ارخص له عيوني وماها

^
^


مخرج :

مايعترف حرفي ليا فاض بطريف=بالشعره اللي بين تقتير واسراف
كتابتي فيها على الراس تشريف=بمشاعرٍ صبيتها بقاف شفاف
اكسير ضد الغربله والتحاسيف=وانفس محاره ضمها بطن الاصداف
والله لو تلمح خفاياي والطيف=ياغير تلقى بردها بجوفي لحاف
تدرك شعور الحب من غير تكليف=وتبصم غلاها عشر اصابعك الاطراف
قلبي معزب والهوى الساحري ضيف=وريم الطموح بحضنها صار ميلاف
حبي لها فطري كسر شوكة الزيف=وعلى ارقبة همي وقف حد سياف
والضيق فيها جيد مجرم وهي سيف=تطعن نسايم صيفها جور الانصاف
أمٍ حنون اتزمّنا للمشاريف=واضحت لنا في سكرة الريح مجداف
ريح التطور عاندت صاري الكيف=واحلامنا شاخت على حدّ (الاعراف)
ضعنا مابين الكعبره والغضاريف=ونئن من وطأة متاهات الاجحاف
ورغم البساطه وانكسار المجاديف=مهرة جموحي واطهر الحب: عسّاف
ألفه وتلقائيةٍ عزّت الريف=يوم التمدّن أربك اركان الاعراف
ملامحي شاهد غلا دون تحليف=ومن دون حاجه لانحيازات عراف
طفلة خفوقي ترضعك حب ياطريف=وتغاغي ترابٍ شرب عز الاسلاف

أبو سامي

لا تعيلق سوء أن أقول لك


/ صح لسانك حتى يطيب خاطررررررك \

في ذمتي عن معلقه