البارحه والبيوت أجزال = ماهي سوالف أعليّمه
شفت القوافي ضعاف أهزال = والرد ميه على ميه
زايد وزودك على أيت حال = لو حاولوا مالهم نيه
مشوارهم بس خمس أميال = والا أنت بكور العمانيه
(عـلـيا) ولا روحـن زرفال =ما تلتفت لـ .. الشواوّيه
سلّم على أربوعي العّـيال = يثنون لا ثارت الهـيه
لا يابعـد شوفة الانـذال = أهـل الحكي والحساسيه
مريت متصفحٍ لا زال = تنعش حروفه قوافيّه
يعني كذا ضربة الابطال = ياحي كف النداويه
الحرف وقعه كما الزلزال = لا حل والنيه النيه
أسهل من طلوعه المدخال = ولاني بحال الحراميه
لا شفت أنا الاعور الدجال = تليّت أنا أيات مقرّيه
يْسِّلم لها الجن والاهوال = وتركد معه الف جنيه
والميّجنه ياهل الموال = بيروت غنت لسوّريه
يامسوقين اللحم بريال = وشلون سوق الشريطّيه
ياعل بست الطرب لا مال = ومالت معه كل حورّيه
ونادى على بضاعة الدلال = رقـِي والاخلاق شاميّه
أقول والا بلاش أقوال = القول مفضوح خافيّه ؟
هذي رسالة بلا مرسال = لهذاك مع ذاك مع خيّه

ياكم رجالن عليه عقال = منظر بليا صحاويّه
من وين ماهب الهوى ميال = ولاله مواقف رجوليّه
يرقص على نغمة الموال = ويطرب على الحان شامّيه
لا سمع لاله . يالالا . لال = تقول مسكون جنيّه
وقت الرخا فارس وخيّال = أقوال زيف وخياليّه
وعند الشدايد ردي أفعال = مابه من الطيب ماريّه
(منصور) يفعل لامنه قال = مايعرف الكذب موليّه
سيفه شطيرن يهز أجبال = يجتث رؤس الشواوّيه
دوم لخويه .. دفا وظلال = مطنوخ والعزوه رويلّيه
لا شاف رؤس الطغاه اطوال = تصبح بفعله دويّنه
بالطيب يسوى كثير رجال = أفعاله على ساس مبنيه
ماهي حكاوي ولا فيها أجدال = مثل الذهب نادرن زيه
حروف شعره سمان .. أجزال = موزونه ميه على ميه
شاعر شمالي يسر الحال = من يسمعه قيل ياحيه
في قمة العليا ولا زال = بليهان في راس عاليّه
سلام مني عدد ماسال = على (ابو نايف) وطارّيه
وسلام للاطرق الهذال = شيخٍ افعوله بطوليّه
وسلام لزيد وسيع البال = أعداد ماناح قمريّه
ولاهل المواقف سلام أجلال = من شاعراً صادق النيه

محمد هايش الرويلي


أشكرك كل الشكر على مجاراة قصيدتي

وهذا من طيب ذاتك وسمو ذوقك ايها الرائع