قصيده مسنده للشاعر منصور حواس الخضع

يا لنور يا رب الملا مطلع النور=يا عازلٍ ليل الدجى عن نهاره
الو ذبك عن ظالمٍ شاهده زور=وعن زلة بالشيب ترمي قداره
وعن من يسوق أقدام رجلي لديجور=عوج الدروب لمن سلكهن خسارة
وعن كشف ستر اللي مغطى ومستور=أنت الحكم والكون بيدك مساره
وجعلت لأمر الناس من بينهم شور=وجعلت خيره في مشورة قراره
ولحدٍ على السيات ملزم ومجبور=ومن جالها طايع بجل اختياره
ومن مد في يمناه يوثب ومشكور=يمناه تخفي ما تشوفه يساره
جزاه بالجنة مخلد مع الحور=بجنات خلد وسلسبيلٍ أنهاره
مستبشرٍ فرحِ بملكه ومسرور=ويا حظ من هذا جزٍ له بداره
وكم نحسب الأيام ونحسب أشهور=وكواكبٍ كلٍ يدور بمداره
وكلٍ يقول الدور ما هو لنا دور=من ما جرى بالوقت ذقنا المراره
يا ناس يأهل العرف من سنين ودهور=يومٍ يجي صافي ويومٍ كداره
ومدام كل أمر مسير ومأمور=معاتب الأيام ماهو شطاره
وقفت من ما شفت سامر ومسمور=ونفضت عن جزل القوافي غباره
وأرسلتها للي مجرب ومخبور=يصوغ من جمٍ يفيض بغزاره
مبطي وأنا مارسلت قافي لمنصور=وعساه يقبل عن بطاي اعتذاره
يا بو عبدالله منك عذرا ومعذور=وقت شغل بالجار عن شوف جاره
تشوف به ناسٍ بقصات وشعور=وشيٍ يسمونه مواكب حضاره
ومكارم الأخلاق يحفر لها قبور=والطيب يا قربه من ألاندثاره
من سلم ناسٍ ماتجنب عن الطور=معاندين وبالمعاند جكاره
ناسٍ نبي من عنترة ينطح الثور=والثور هاجم صوب عنتر بغاره
يا مسندي نبغي نسوى لهم سور=والحرب نعلن به صريح العباره
بجحافلٍ تشوفها كنها نسور=حربٍ عليهم كاسبين انتصاره
وليا صحا من بينهم كل مخمور=نشد من عضده ونرفع قداره
وليا احتاجنا المحتاج نهدن له صدور=ونقوم بالواجب بكل افتخاره
ولو قيل رجم الطيب من دونه حفور=دونه شعيبٍ قيل كله جحاره
نشد له فوق الركايب على الكور=ومجلاسنا به فوق رأس المناره
نرقى سنود الطيب ما ننزل حدور=وإلا الردى بعيد عنا دياره
وختامها في ساعة ينفخ الصور=نعوذ بالرحمن عن حر ناره

صح لسانك ملياااااار

يابومتعب

لله درك
وشهادتي فيك مجروحة



وبانتظار رد ابو عبدالله