أحيان نغرق في متاهات الاحلام=ولانشوف النور والدرب تعتيم
نعيش في بؤرة متاهات الاوهام=ونكتب على الما حلمٍ يقزّم الغيم
ياهيه لاتامن طرف سنّ الأيام=يبي يجي يوم وتصح المفاهيم
ماشِيّد بباطل كما دعوى الازلام=يبي يطيح ويلحق الحال تغريم
الحال ميسوره على دين الاسلام=أخير من دعوة ضعوفٍ مظاليم
ياكبرها لاجتك في شخص مقدام=وياعبرها يومٍ تموت المجاهيم
الجرح مايجلب على الميّت ايلام=بسّ البلا حيّك عليّ الملازيم
ضايق ومتدهور وظايم ومنظام=مثل الكريم اللي جفته المعازيم
امكن شعاع الدرب من قبل الاظلام=ومن قبل ماالطلقه توازا لتلقيم
دامي حكيت وهرجتي وصلت شمام=يبقى دعائي بين ركعه وتسليم
نوبٍ نفيق ونفسره كمّ الاحلام=وياكثر ما نضرب بلا درس تعليم

لاتلتفت للي تحت بند الاوهام=دام الملامح ثابتات التقاسيم
وان طاح ماترجي مقامه ولاقام=خله يولِّي لايجي خاطْرَك ظيم
والصبح صبح ولو تدالاه الادهام=منهاة شمسه تستبيح التعاتيم