دولاب فكري ذكرياتي تفرّه=لامواج طيفٍ يفتك بجور مدي
قصرٍ شمخ واستوطن بسوح مرّه=يشهد على رجال العزم والتحدي
من فعل يمناهم وصل للمجرّه=وتسهلت يمه دروبٍ تودي
لوجيه سمحه وافتخار ومبرّه=وطيبٍ فريد وكلمةٍ ماتردي
بناه جدي واغتشته المسرّه=والبسه علمٍ للثريا يعدي
ياقصر فكري كل ماانسى تجرّه=وبتراب قلبي ديم عزك مندي
اشره عليك وعادتي ماآتشرّه=إلا على من له كنوزٍ بودي
وادري بك حروق وحنينٍ وحرّه=ولسان حالك قولة الوقت ضدي
أدري بك كسور وجروح ومضرّه=بسّ ان علمك ناصعٍ مايصدي
تالي همومي تغسله ثم أشرّه=على طلك وارتشف عز جدي
ياقصر شفتك وارجف القلب مررررّه=والدمع ماهو دبلوماسي بخدي
بسبيب حزني قوسك اجتر جرّه=تخلق حضوري من رحم أم صدي
ياسوح مره هيه ياسوح مرّه=ماحد قبلك آلا على شان جدي