يا الدايرة تعبت أحدد زواياك=أدور بك وأرجع لخط البداية
خافيك أشواك ٍ وظاهرك أشواك=وأنا مولَّع بك من أول صباية
ما أدري إدراك ، أو قلَّة أشوار وإدراك=كل ما انتهيتك صاح شئ بخفاية
يقول : يا صبي ٍ على الجود مرباك=اضرب على الكايد كفاية كفاية
دربك طويل وظلمة الليل تغشاك=والحر مثلك ما ايتتعتع برايه
أعطيك : أقلام ، وصور ، وآتحراك=تسفر بها ليل الدجى يا مناية
يسراك درّبها ومن جود يمناك=خل المهبَّل يتقنون القراية
ما ألمِّها من ضيق منَّا ومنَّاك=خبطت لك قاع البحر في عصايه
أنا ، أنا ،أنا أصدق إنسان خاواك=وإنت الوحيد اللي لقلبي مراية
أحيان أنا أهواك ، وأكرهك ، وأهواك=هذا الجنون اللي لأعز أصدقايه
لكن وعمر ٍ راح بك من فداياك=يا أعز من سرمد زوايا الحكاية