ما آتاه صغيراً الا وقدم له النصيحه وأبتهج خاطره له ووقف لمصافحته رحمةٍ به وجعلهُ يحس في كبر قدره
[ رغم فارق السن ] .

بالنسبة لجدي هجهوج هو خال الشيخ / مثقال بن سطام الفايز شيخ مشايخ بني صِخر
وخال الشيخ / هايل بن زيد الشعلان
وخال الشيخ / متعب الجندل

جونا ضيوف من بني صخر على لهم أركاب [ جيش ]
جونا للقريات وكان يومها عجاج وكان أبو منصور الذي هو والدي
غير متواجد في البيت فقامت أمي بعمل عشاء لهم وأعطائهم حق الضيافة
وكان أيامها لايوجد أعلاف [ من شعير او برسيم ] ولاهو بوجيهكم
حيث يوجد عندنا قمح وفي ذلك الوقت كان القمح يعتبر مونة البيت
وقامت بتعشية أركابهم من هذا القمح
وقالوا لها :-
[ يابنت الحلال شلون تعشين أركابنا من القمح ]
قالت لهم :-
[ أنتم تعشون وأركابكم ماتعشاء مايصير لازم أنعشيهن ]
فقالوا لها :-
أسواتك هذي ماأحد يسويها جزاك الله خير وكثر الله خيركم .
وقامت بواجب الضيافة كاملاً ..

(ن) اضت الفكره بشعري وجاك ساري = وكل عرقاً بالجسم يمه تهيا
(ا) مدح الي لا نخيته جاك شاري = نسل حراً لانخيته قال هيا
(ص) يرمياً مايفكر بالضواري = والصراحه عند ابو فيصل تفيا
(ر) ايتك بيضا تراها . وانت داري = عاليه لين لمست نجم الثريا
(م) ادريت الطيب في يمينك عاري= فطرتاً بالقلب من رب البريا
(ت) بتسم في وجه طفلاً جاك جاري = والكبير تقبله وسط المحيا
(ر) وحك المرحه معك ليل ونهاري = اشهد انك نادراً مالك سوِيا
(و) الله انك يابو فيصل دوم طاري = لك مكانه عندنا واكثر شويا
(ك) نك انت الذراي وقت الذواري = لا .. وربي ضلنا لاصار شيا
(ا) لقبيله تفتخر فيك افتخاري = بصراحه اخاف تذبحك الحميا
(ل) يت فيه مثلك ولو هو بختياري =بس ربك ماخلق بالكون زيا
(ح) ق ربعك حافظه بالقلب صاري = والاجانب حقهم بعينك هنيا
(ز) ين طبعاً صعب نلقا باختصاري = ومثل عطفك صعب نلقالك سميا
(ا) ليتاما حقهم عندك أجباري = وأنت ابو كل اليتاما وانت خيا
(م) امدحتك كذب يالذيب الصحاري = ولك ( نعفت ) القاف لو القاف عيا

الشاعر / حمود مناور الكويكبي

يارب يسرها على راعي الطيب = ناصر ابو فيصل هو الطيب كله
اللي كثر مايكره البخل والعيب = يحب فعل الخير يارب خله
ابطلبك ياعالم السر والغيب = توفقه في كل دارِ يحله
له طلةٍ مثل الكرم بالمواجيب = وان هل غيثه كل فرعٍ يبله
أنا فداه وكان عنده عذاريب = عذروبه انه ماتعقد يفله
هو بس يشر كيف لا قال ياذيب = نوقد برطب وكل سيفٍ نسله
مايلحقه في حبنا شك او ريب = وليا اظلمت هو دربنا اللي ندله
وان كان من يخطي احيان ويصيب = ابا الوكل مايخطي الراي لله
وان جت للحكمه فعنده أساليب = وان قال . قوله دايمٍ في محله

العيد هل وحرك أشواق وأحساس = وشعري تدفق مع نسيم الشمالي
أكتب حروفي كلها درّ والماس = وأفخر ليا خطيت صادق مقالي
آخذ أفكاري والمثايل من الرأس = ولاني بمن يجهل رفيقي مبالي
دام الهدف من هو للأجواد نبراس = وأنا به المعجب وجوي صفالي
أهني اللي صحبته لي نوماس = ياعلّ عيده دوم كل الليالي
شيخٍ تخطى بالملا كل مقياس = أكبر من السيدّ وصاحب معالي
ناصر عريب الأب والجدّ والساس = أبا الوكل ياناس ماني خيالي
به من فعل حاتم وأفعال جساس = وأخذ كثير من أبو زيد الهلالي
صلفٍ عنيد لضيم الأيام دواس = وبالحزم أبن حزام مابه جدالي
نبه لبيب مرهف الحس حساس = وكله أبو فيصل وربي مثالي
شرٍ على سود النوايا والأنجاس = للمرّ مرّ وللرفاقه زلالي
في مجلسه تلقى المناعير جلاس = حمر النواظر ياكريم السبالي
وإقبل تحيه ملئها عطر الأنفاس = وأحلى طعمها من حليب المثالي

سلام مني لشيخٍ نفخر بصيته = أسمه وعلمه عند الأجناب نفخر به
صغت القوافي على فعله وحييته = ولنا حنانه وطيب القلب نشعر به
على التواضع وخف النفس هنيته = وكل الرفاقه على حبه تبي قربه
ناصر بن حزام كم مثله تمنيته = والناس قلبي تسولف به وتذكربه
على يمين الطريق مشيدٍ بيته = والضيف والجار والعاني هم أخبر به
شيخٍ به العز يفرح دوم يأجيته = واجب علينا راع الطولات نشهر به
به أرفع الراس عند الناس ياطريته = أرفع صدى الصوت بأسمه دوم وأجهر به
من يفل الخير يذكر قلت ما أخفيته = ودايم راع العرف والمعروف يظهر به
لو قلت كل المعاني فيه ما أوفيته = يالله عسى الخير دايم جعله بدربه
شيخٍ ياضاقت عليه تنصيته = أبوه قبله لنا التاريخ سطر به
متروك راع الفعايل ماتناسيته = عقب حراراً مشوا للعز في دربه
عساه في جنة الفردوس ياليته = يالله ترحم أعظامه في هك التربه

أسمع صدى صرخة سجين ورى الباب = ماتنقطع رجواه من خالق الكون
رجل تبلوى بالخطايا ولا صاب = والله يدري والمخاليق يدرون
مما حصل له يا أهل العرف مرتاب = والرّب يغفر والمخاليق يخطون
بمصيبتي يهل المواجيب منصاب = وأصيح ياروس الرجاجيل تكفون
واللي كتبه الله ماعنه مجناب = أمر(ن) كتبه الله بالكاف والنون
تكفون رأسي يا أهل المعرفه شاب = وأصبحت بسباب المقادير مرهون
واليوم يا عز القبيله والأنساب = يا رأس روس اللي عن الجار يثنون
بصيح بسمك وأنت للطيب كساب = تكفى يبو فيصل ترى الحال في دون
يافزعة اللي كن ماحوله أقراب = إن قمت قام الحظ والحال مضمون
شيخ الشيوخ اللي ليا زار الأجناب = في حشمته ورضاه لازم يسيرون
لك وقفةٍ يا شيخ تدرك للأسباب = ويفرح بها اللي من عنا الوقت مغبون
طبيبها لا ضيعوا كل الأطباب = واسمه بصعبات المواقيف مقرون
ورّادها لا هابها كل من هاب = ريف النشاما اللي من البعد يلفون
للشعر والشعار في مدحك أبواب = وليا مدحت الشيخ ماني بمجنون
شيخ الشيوخ اللي يحلون الأنشاب = اللي مع أهل الطيب بالطيب يافون
مقدم هل الطولات عكفان الأشناب = ناصر ولد متروك وأبليس ملعون
حلالها مابين طالب وطلاب = هداج تيما اللي له الناس يردون
ينخاك مسجون له النوم ماطاب = عامين ياناصر ورى الباب مسجون
وختامها وعداد ماهل سكاب = على النبي صليت وأنتم تصلون

مرحوم ياشيخٍ بذكره عرفناه = تشهد له العربان بحسن الخصايل
مالوم دمع العين لو ينتثر ماه = ولا لوم من يرثيه ذرّب الفعايل
شيخ عزيز الذات والصدق مبداه = ياما عدّل حملٍ من الظيم مايل
الضيف لجاء له من القلب حياه = ولا يذبح الهزله عريب السلايل
في مجلسه تلقى البغاديد مرّكاه = ومشرعٍ بابه لكل الحمايل
شيخٍ عديم ويملك العز والجاه = متروك بفعله شرف أولاد وايل
وسط الشمال الكل لاضاق ينصاه = لعيون ربعه ماحسب للثقايل
لأجل العروبه كل صعب (ن) تحداه = شارك بعمره ولايهاب الهوايل
من نسل مديغم خضب المجد يمناه = أبا الوكل متروك راع الجمايل
فاق الذهب بين الأجاويد طرياه = نجمه لمع من بين كل القبايل
عز اليتيم اللي قسى الوقت عناه = وياما مسح دمعٍ على الخد سايل
من لابة ماتنثني بالملاقاه = ياما كسروا بالمعركة كل عايل
كواكبه على المراجل مرباه = عادتهم بالطيب كسب النفايل
خلف وراه أحرار سارت على أخطاه = نقوة رجالٍ مامشت بالرذايل
محدٍ مخلد ياعرب وسط دنياه = والعمر مهما طال لابد زايل
يالله عسى في جنة الخلد مثواه = يالله يامنشي صدوق المخايل

من اليمين سالم براك الكويكبي وأبا فيصل وفهد زبن الرويلي

.. ( كِبَارِ ) ..



تَنْحَنِيَ الْسُطُورْ وَيَجِفَ الْقْلُمَ لِمُعَانَقَةِ هَذَا ..

هَذِهِ الْشَّخْصِيَّهْ الْفَذِّهْ الَّتِىْ سُطِّرَتْ تَارِيْخِهَا بِكُلِّ مّاهْوَ

طَيِّبٌ .مِنْ نَسْلِ أَجْوَادِ ( ابُوْ فَيْصَلَ ..

كُتِبَتْ رَحْلِهِ عُمُرِكَ بِمَا يَلِيْقُ مِنْ يُتَصَفِحكِ ..

سِيْرَتَكَ عَطِرَةً مَوَاقِفِهِ شَاخِصُهُ حَتَّىَ هَذَا الْيَوْمِ

يَنْتَهِيَ الْعُمْرُ وَلَا تَنْتَهِيَ مَوَاقِفِكَ الْمُشْرِفَهْ

/

ابُوْ فَيْصَلَ حَلَلْتِ أَهْلَا وَنَزَلْتَ سَهْلَا بَيْنَ أَبْنَائِكَ

فَمَهْمَا تَكَلَّمْتُ لَا أَسْتِيُطّعَ الْوُصُولِ الَىَّ مَا يَكُنْهُ قَلْبِيْ لِكْ

فَأَهْلَا وَسَهْلَا



كُلِّيَّ شُكْرٌ وَتَقْدِيْرٌ للأَخَوَانَ ..

فَهِدَ زَبْنَ الرَّوَيْلِيْ وَسَالِمٍ بَرَّاكٌ الرَّوَيْلِيْ

عَلَىَ هَذِهِ الْمَجْهُوْدِ وَالَّلِّقَاءِ الْمُمْتِعِ ..