نكتب الفرقا على بند الظروف=والظروف الدم والكذبه قميص
بالسهر بالهم بانفاس الحروف=صابرين وللأمل تالي بصيص
باقيٍ لحظات عن فض الصفوف= يايموت السم يايفنى القريص

لا جاس بي يشغل فكر هوجاسي=طيفٍ تفرعن في جفون عيوني
مجتاحني من عصري الجوراسي=محتاجني مابه نفًس من دوني
مايعترف في باسي وحرّاسي=عنوه يدكّ الزاويه وركوني
اتنفسّه رحلة نفل بانفاسي=عطرٍ يزفّ الدندنه للحوني
ديم بأمل يروي صحاري ياسي=امتدّ في صحصح ثراي وبوني
طفلٍ لقى طعم العبث في راسي=والتربه الخصبه لغرس جنوني
يخط طيشه في رمل كراسي=يرسم حضوري في سراب ظعوني
منديلٍ لدمعة زمانٍ آسي=قبل انكساري لا يبلّ ردوني
فيما سواه اِعلن حياة افلاسي=فيما عداه اكبح جماح طعوني
عسجد حضوره هزّ هم نحاسي=باقصى وريدي للنزيف الدوني
يهز غصنٍ راسيٍ متواسي=يقطف حصاد الضايق المغبوني
استبرقي !!لا !!سندسي بلباسي=اضمّ لونه واغرقه في لوني
لازورد غازل لمعةٍ بالماسي=زم ّالغلا (شعّوْه) فوق متوني
هو جاس بغيابه وانا هوجاسي=يزورني وان غاب بي : وآ كوني