الله على بنز جديـد وجفـالــي =اخر موديلً با أشبح وابيض اللوني
أبي اسافر فوقها افضي البالي=وامـر بـه لـبنان وبـلاد عجـلـونـي
والجيب فيه من الذهب عينة المالي=غير الذي في داخل البنك مخزوني
وعندي مكاتب للمشاريع لعمالي=واللي يجيني بشهر حول مليوني
واحقق الي كنه الحلم في بالي=وادوس روس عداي وابليس ملعوني
وليا مشابي عارفن وين منزالي=ملفاي بيتن ساكنن فيه مزيوني
ابو جديلن فوق الامتان ينهالي=امعطرن من زين للطياب مدهوني
والغره اللي قصها كنها اهلالي=فوق الرموش السود وحجاج مقروني
والخد كنه بارقن فيه همالي= اليا شع نوره باضلم اليل بمزوني
ونهود زمن كلفنا جيل للدلالي=حمرن ثمرهن كنهن طلع ليموني
لوهو يويق بداخل القلب عذالي=كان اعذروني بالهوى مايلوموني
ويشوف نارن بالحشى تشعل اشعالي=والقلب من سهم الهوى صيب مطعوني
ليته يشوف بفرصة اللي مع الغالي= ساعه مسكت النهد والرأس ومتوني
وشربت من ريق العسل والطعم حالي=والقلب هاد من الغرابيل وشجوني
وردت من عقب التعب صاف لزلالي=وغرفت من جم الينابيع بجفوني
انشهد اني عندها دالهن سالي= كني صغيرن ماعرف هم وغبوني
هذا الذي ياهل الهوى بارين حالي =ومن سبته ياهل الهوى سرت مجنوني
صحيح من قال الهوى فيه غربالي= وراعيه بيح للبشر كل مكنوني