يا نجد أنا جيتك ؛ هلا يا مرحبا فيني اشمام=من قبل أنثِّر قشَّها وأقصد وأزاحم من قصد
شاعر ، وأمثل حضرتي ،ما جيت أهايط بالكلام=لا شاش راسي واستوى تجي مثل طش البرد
والشعر ما هو راس مال ولو بصدري له مقام=ولا كل شاعر أحترم شعره ولا كل من نقد
ياكثرهم ياكثرهم ، ياقلهم مال الهدام=أفكارهم مستنسخة ، وأبياتهم يداً بيد
أحد ٍ يغني ليل دان ودان يا ليل الغرام=يا ليت أبوه الله يعينه في هاك الليلة رقد
فاهي ، خلي القلب ، بارد ، ما يشدْ (ابْه) الحزام=على المراجل مال أبو قلبين حيل ولا جلد
وأحب من يغرف رهى يصوغها بكل اهتمام=هذاك أوقف له على طولي وأحبه وأستعد
وأنا ما أقول إني ، وإني ، وإني الأول تمام=عيال العجايز عجزوا شمط اللحى وراس الولد
يا نجد ما جيتك سياحة لا ولا جيت انسجام=لولاك يا أبو أورنس والله ما أتعنَّى من البلد
يا شيخ جيتك من شمال المملكة صدري ازحام=هموم المقرَّد يا طويل العمر حبل ٍ من مسد
جيتك وشفتك ما على مثلي إليا شافك ملام=لو دنَّها مثل الوغد يا حيث أنا فاقد سند
أخوي ما عقبه أخو لو قالوا الناس اللئام=يا شيخ ما عقب الأخو أحد، أبد ، أبد، أبد
تكفى يا أخو بتلة وتكفى ما وراها ولا أمام=يا راعي العليا العديم ابن العديم ابن الأسد
يا الصاطي الضرغام يا ليث ٍ غضنفر يا همام=أنا أشهد إن الشيخ أبو ممدوح عقب له ولد
والشعر بك يزداد له قيمة وهيبة واحترام=والشاعر يزاحم بك الشعار لا منَّه قصد