اثنين في واحد ترى الناتج اثنين = وانتي وانا اثنين في قلب واحد
العين ما شافت مثلك مزايين = ولو ناظرتهن عندك القلب شارد
سبحان من سواك بالحسن واللين = متجمعن زينك بك الزين واجد
عندي على حبك شهود وبراهين = نقولها لا صرت بالحب جاحد
إسمك نقشته في صميم الشرايين = وشعر ٍ كتبته فيك للوقت شاهد
هذا شعور ٍ داخلي قبل عامين = يومك معي بالحب يا زين وارد
ويوم ٍ انك اقفيتي بليا عناوين = بركان حبك داخل القلب خامد
روحي بامان الله مع من تودين = دام الهوى عندك بليا روافد
حلفت لو صحتي وانتي تطوفين = ما صدقك واعلنت بالحب زاهد
ولا يطاوعك قلبي مهما تونين = قلبي عرفته كيف شال الشدايد
وكرامتي عندي تسوى ملايين = وراسي لغير الله ما احنيه ساجد
وان كانكم العام ابعد من الصين = اليوم في بعدك طفتي عطارد
وطبع العمل زرع ٍ وزرعك تحصدين = وما تعمله يمناك يرجع بزايد
وبدايتك من طين ونهايتك طين = ولا احد ٍ بها الدنيا يا بنت خالد
حروف اللغه للناس ثماني وعشرين = ونونك حذفته من الهجا والقواعد

المشاركة الأصلية كتبت بواسطة الناصري صح لسانك صح لسانك صح لسانك