عساك بـ برد لاهه

#1 (**permalink**) 02-07-2010, 12:25 AM

السلام عليكم

بداية اسأل الله ان يبارك لنا بما رزقنا من خير وبركة وامطار

واهدي موضوعي هذا لاخي الغالي خالد جازم البرمان وجميع الاعضاء الكرام

في ليلة من ليالي طريف الباردة كنت بزيارة لعمتي اطال الله بعمرها وذكرت لها هطول الثلوج
فقالت لي : عساك بـ برد لاهه
استغربت من حديثها معي وضحكت وقالت عندما كنت صغيره واقوم بعمل يغضب امي مني
تقول لي عساك بـ برد لاهه
كناية عن ان ابرد مكان يعتبره البادية هو مشراف لاهه والذي يعد جغرافيا مرتفع عن سطح
البحر حيث يصل ارتفاع لاهه الى اكثر من 840م

وفي اليومين الفائتين حوصرنا بمنخفض قاسي نوعا ما وهو مناخ طبيعي لطريف في فصل الشتاء

الصور من اعضاء بوابة طريف

اضافة الى صور تذكارية من كمرتي وبعضها اهداءات من الزملاء

دمتم بخير ،،،

02-07-2010, 12:33 AM

الله يسعدك على هالصور
والله الجو خيالي ..
ولنا كم سنه محرومين من هالاجواء
ومنً الله علينا بأفضل أجواء يشهدها طريف

صوره للصادر العام / الرياض
ومنه الى الفلبين لسعاده الآغا / عويد ركاء

02-07-2010, 12:36 AM

والله توقعت يالريشه ان هالصوره تأثر فيك من بين الصور

جلست ام بواري ماتخبر بهالبرد

02-07-2010, 12:51 AM

ماشاآآآآآآآآآآآآآآآآآء الله
هذي طريف ولا باريس ياخساره والله راحت علينا هالاجواء

02-07-2010, 01:15 AM

الله يبارك بهالصور اللي خلتنااا نشوووف ديرة الكيف

نفسي ازورهااا لو مره بحياتي ماقد جيتهااا بالمرره

شكرااا لك على النقل الخياااالي

02-07-2010, 01:38 AM

بردلاهه يهبل ياعماااار وشموخ حياك الله تعالي شوفي الديره اللي مامثل صيفها صيف ماسمعتي خلف المشعان صح لسانه على القصيده طريف جوها خيالي حتى بالصيف
(يعطيك الف عافيه على الصور اللي تنعش الروح)

02-07-2010, 01:50 AM

مــا شـــااء الله << الله يهنيـــكم

تعـــالوا شــوفواا الريااض وجــوهاااا كله غبـــااار
ولا واليووم شي ثااني أكيـــد عاصفه رمليه << ربي رحمتــك بس نقطــه ميه

مشكـــور أخـــووي مــرشد على الصــور اللي تفتـــح النفـــس

يعطيـــك العــافيه

02-07-2010, 02:44 AM

بسم الله الذي لايضر مع اسمه شيءٌ في الأرض ولا في السماء وهو السميع العليم

تمتلك ميزة يابو نايف مع وجودها إلَّا أنها نادرة تحياتي لك والف شكر على هالإهداء المنعش

دام المشاعر صدى والوقت واقعها=وش حيلة الساكن اللي بين سكانه
والا المساكن على كثرة مجامعها =على فضاها يضيق الخاطر اكوانه
عايشتها في بلاويها من اشنعها=حتى خطوط الفرح للمرج والوانه
نفوس سكان كون الواقع اسنعها=اللي بكلمه يجيك اقصاه و جنانه
والا انت فاضي بطان الفكر جامعها=من ماكر(ن) حر وحمياك ولهانه
على التكاتف شهادة حق يمنعها=عن التملق أنا من فضل سبحانه
رب(ن) حفظني الزلفه وسافعها=الحمد والشكر للي عالي(ن) شانه
يامرشد المتعب اخلاقك وطابعها=تبني عن الهدم للشايح وعنوانه
بيوت عز(ن) قريت أكبر مطامعها=رفعه لعليان لين تقوي اركانه
علياك فجوة هرم والميز قامعها=من عقب ماكانت الارقام والخانه
شف هالكرامه وتذرف مع مدامعها=آخر متاع الحيا بالروض واغصانه
تلميحها مايبي تصريح ينشعها=فتفوتة احلام سهله كنها الدانه
عن لايقولون بعد اعوام مرتعها=باحه عن الجمع مدري من واعوانه
ومادامنا الارض من مصباحها معها=يبقى الأمل أم والمحصول قنيانه
ودام الأماني صدى والوقت مانعها=وش حيلة الساكن اللي بين سكانه

02-07-2010, 07:39 AM

خالد البرمان كلك رائع نقل وشعر واخلاق يعني كلك على بعضك حلو

02-07-2010, 11:14 AM

السلام عليكم ورحمة الله وبركاته

اجواء قطبيه شماليه رائعه

اخي ابو نايف

ركز لي على ام بواري

وعليكم الالتفاف حولها وملازمتها هذه الايام

نتمنى لكم اجواء رائعه على الدوام ياربعنا بطريف ,,,,

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات