((يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قوما ً بجهاله فتصبحوا على مافعلتم نادمين...))
و ((اجتنبوا كثيرا من الظنّ ان بعض الظن اثم))
صدّعت راسي بهالسالفه ياللي طريت عليك وسيّرت علي
ياهلابك
تبي تونّسني ولا تفضفض ولا مطلوب وقوفي على رأس قائمة حلاّلين المشاكل
مدري هل يحفظون هذه الآيات الموجوده اعلاه وغيرها ولا لا؟
هم مسيّرين علي بس فيه انّا بالموضوع ياحياكم الله وهذي الساعه المباركه..
واحد منهم مدربي راسه على له عرب يخطب بنتهم اللي طمحت من بيت رجلها
لا والمضحك ان البنت حااااااااااااااااامل وتبي تجيب..
انا لله وانا اليه راجعون
طيّب وانت ياخويّه وش موقفك وش عندك مكتّم ؟
قال :انا اعرف اثنين يشهدون على بياض يحوووووووووووووووول
ياجماعه انتم بمجلس ولا بمصحّه ؟
يالربع اللي يشوفهم يقول اعضاء بمجلس الشورى من اللبس والرزّه وغيره..
طيّب لهالدرجه وصلت طريقة التفكير الى هذه الدرجه فيه ناس هكذا مايخافون الله ولا لومة لائم
اسأل الله ان يكونوا شواذ بمجتمعنا.
ولاطيّر هالسالفه من راسي الا فنجال عند ابن بنيّه بهكالليله اللي مشوا فيها بدري..
اكيد بيمشون بدري..
فنجال عندك يابو فيصل=يجلي عن الصدر ضيقه
في مجلس كنّه القنصل=عند الذي يجهر بريقه
ودلال ماسوّت لفاصل=سوّت على عنايه تفيقه
متواضع للرحب حاصل=جاب المعالي بتحليقه
مع ابن بنيّه بنتواصل=مايكدر الضيف بتدقيقه
طلعت هالابيات مع اول فنجال الظاهر وصلت الصوره..
اتوقع مكانه جلسة حوار بلكي نطلع بلنا فكره تجتث هؤلاء من المجتمع
الإهداءات
02-04-2010, 05:27 AM
هل واجهت هؤلاء او رأيت ايّ منهم؟ 
العرض العادي
