| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| حَفَاوَة اللُقيَا : [ خاصٌ بِالمُلتَقيات الأُسَريّة لِقبيلَة الرُوَلَه ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
|
#1
02-03-2010, 12:41 AM
| ||||||||
| ||||||||
في ضيافة الشاعر القدير محمد معتق العنزي بسم الله الرحمن الرحيم والصلاة والسلام على من لا نبي بعده . قبل أن نبدا في المقابلة أود أن أشكر كل من ساهم في نجاح هذا العمل الرائع من أعضاء الإدارة ومشرفين والشكر الخاص للشاعر الكبير العملاق / محمد صفوق العبدلي لتوجيهاته التي ليس لنا غنى عنها .  هنا صورة للشاعرين العملاقين مع بعضهما حفظهم الله وأطال الله أعمارهم بالخير . [ والشكر أيضاً للطفله التي خلف الكواليس للنطقها روله نت ] شكراً لكي يالدرك . شاعرنا وهبه الله الجزاله التي ليس لها نظيراً في أبياته عميقة المعنى فلله درك يا أبا عبدالاله ونشكرك على حسن ضيافتك ومقابلتك لنا المشرفه رحبوا معي بالشاعر / محمد معتق اليمني الجعفري العنزي  سـ / نريـد قصيدة وطنية وماهي المناسبة التي قيلت فيها ؟ جـ / هذه قصيدة لي عند زيارة خادم الحرمين الشريفين حفظه الله الى شمال المملكة وقلت فيـها ... بأسم شمال المملكة جيت أحييك = يا أعز ضيفٍ حل داخل دياره عسى الولي لنا يتكرم ويبقيك = الدين والأسلام فيك أفتخاره والله يبارك في خطاك ومساعيك = يا رمزنا الأول ورأس المناره هرم وطنا المعتلي يفتخر فيك = ورأس السعودي فوق وأنته شعاره وأنت الملك وحنا بولاكم مماليك = بالمال والأرواح رهن الأشاره خادم بيوت الله والشعب يغليك = وأنته تحب الشعب مابك قماره قلبك نظيفٍ والعقيدة تماشيك = والرجل تعرف نيته من مساره في علم الأسلام ودي أسميك = أنته علمه وضحاه ونهاره وأنته على دروب الفضيله خطاويك = قرنت ماضي تراثنا بالحضاره وبك الرجاء من بعد ربٍ مسويك = يالحاكم العادل بلين وضفاره كم فقيرٍ تفرحه مدة أيديك = وكم من يتيمٍ خير يمناك زاره وكم أرمله لا شافت الضيم تدعيك = وكم شايب شددة له في يساره عسى الولي من كيد الأشرار ينجيك = وخذل أعداك بحنكته وأقتداره ياللي زهيت المدح والمدح زاهيك = جبته لنفسك بالفعل والجداره أمدح وأنا واثق ولا فيه تشكيك = قبل أبتدي صليت للأستخاره وأقول شي يرضي الرب وأوفيك = والمدح بغير أهله ذميم وخساره ومليون بيتٍ بالشعر ما يكفيك = لأنك تفوق لكل بيت وعباره على البسيطه ضافياتٍ حسانيك = بالصلح والأصلاح والأستشاره وخالقك هو اللي على الخير هاديك = ومن يرضي الخالق يفوز بوقاره وذاتك هو اللي لطيب الفكر يمليك = أكرمت شعبك يالكريم بغزاره ولاهي غريبه للمعالي مراقيك = والصعب من بأسك يجيه أنكساره ودورت شي طيبٍ فيه أحليك = لقيتك أطيب من وطى في مداره بملوك جيل اليوم ما أحدٍ مضاهيك = دين وكرامه مع عفاف وجساره ولافيه رئيسٍ بالعداله يجاريك = تحارب الفساد هو والدعاره وأنت الردى له واديٍ غير واديك = ما أنته يمينٍ له والا أنته يساره الله على فعل المكارم معليك = فيك الأيمان وصلب رأي وشطاره ياسيفنا البتار للحق نبديك = يا درعنا اللي مايقرب استاره خلفك أسدٍ بالرجوله موصيك = وشبل الأسد لازم يجي به نماره عبدالعزيز أبوك عرب مجانيك = ولا يندب من قوم الا خياره ولي عهدك صيرمي يباريك = حرٍ ندر بالطيب والطيب كاره سلطان سلطان العرب عز لأخيك =قلبك على قلبه وقرارك قراره وشعبك دعات الحرب للي يعاديك = ودعات سلمٍ للمسالم بشاره ويالمملكه سيري عسى الله يحميك = بقيادة آل سعود ساس الطهاره واللي حكموك رجال ما هم صعاليك = واللي يبيك بسوء هم إنعثاره بهم الوطن متماسكٍ دون تفكيك = والفضل لله زاد بهم إزدهاره العلم والبنيان والطيب يرضيك = غير الزراعه مع مدن التجاره ويا موطني ما عاش من هو يباذيك = واللي يبيك بشر تقلع أظفاره ويالمنحرف عيد البصر عن تماديك = وإفهم من يحاورك وأسمع حواره وأحذر من الشيطان حذراه يغويك = خسر من حط بليس هو مستشاره وأبغى أنصح اللي ناوي أنه يخاويك = قبل تغره ياخبيث الأدإره وأقوله وطنك تراه يغليك = من بيتك لمكه لأعلى وزاره هذي حرمك أن كان تعرف عوانيك = وعمر الرجل ما قام في طعن عاره وأن كان بالاسلام تعلن مباديك = وش غيرك عن منهجه وأنحداره وياللي على وطنك تعلن تحديك = أبشر بيومٍ تتقي في غباره ربع الفقيهي ما سترك وتنجيك = والقاعده وأرهابها وأنتشاره ويا موطني يعيش من هو معليك = يم الثريا مع كواكب قماره واللي غدر ببناك ما هو معذيك = حرام بيت الله يسكن جواره ومن راق دم أبناك ماهو مزكيك = ولا يرحم اللي صاب بأمه أعياره وطنك يالغدار ماهو يجافيك = وشلون بستانك تموت بذاره تعادي وطنك وتتبع من يعاديك = تدرس لحرب أهلك فنون ومهاره وأمن الوطن بواسله ماتخليك = من ضربهم تبغى تشوف العزاره يا شفتهم عزايمك ما تهقويك = وعدوهم منهم يجيه أنهياره ذولا عيال المملكه تبت أيديك = اللي وطنهم حافظينٍ وقاره وختامها مني صلاةٍ وتبريك = على نبي صار قبره بداره  وهذه أيضاً وطنيه عندما أستقلت من عملي سابقاً في مجال العسكريه ... وقيل لي تعال للأمارات أفضل لك راح يكون لك دور فعال وعندما تدخل على الشيخ زايد وخصوصا بأنك شاعر فقلت قصيدة للشخص الذي يدعيني للأمارات أقول فيها ... قالوا علامك ماتجي للأمارات = فيها الوظايف والفلوس الكثيره في دار زايد مكون المستحيلات = اللي على شعبه نثر كل خيره يسد دينك والمبالغ بشيكات = ويعطيك فيله وبالعاياد بريره قلت ونعم في كاسبين الجميلات = اللي لهم في طاري الخير سيره لكن أنا ماني برجال جارات = من غير بنت العم مابغا عشيره هي بلدي دار الشيم والمروات = فقيري بها ولاغناتي بغيره والفقر ماهو عيب لاتصير شمات = والرجل تمره ضروفٍ حسيره واسمع نداكم لي وتجيني أصوات = لكن بلدي مابدله بأي ديره عندي حصاها ينوزن بالجنيهات = حجر من الخنفه يساوي الفجيره حكام داري هم هل الخير بالذات = اللي حكموا بالشرع شبه الجزيره هم عزنا لاصار بالوقت ميلات = هم نورانا هم الأقمار المنيره أرفع بهم رأسي على كل هامات = واعبى لسمعتهم أسرار غزيره وعنهم أدافع لو تطول ألجدالات = لو ما دروا عني بخافي السريره أولاد من حقق جميع البطولات = بالخير للأسلام قاد المسيره عبدالعزيز اللي فعوله حميدات = نال المفاخر والعلوم الشهيره بلادي وأهلها هم هلي والجماعات = والنق فيها غصب دمي يثيره وأنصحك يامروج لبعض الأشاعات = خالف هواء نفسك تراها شريره وطنك مثل أمك حقوقه كبيرات = وعقوقها عليك ذنب ومعيره وأنا بلدي مابيعها بالملذات = أنا ولدها بالسنين العسيره أبيع روحي لجلها وأرخص الذات = ولا أسمع كلام أهل النفوس الحقيره ماني بهلفوت مفرغ شباعات = كلب يشبع نبح في حجيره أنا سعودي وعلمي فيه آيات = علمي الملك جبريل رافق سفيره جوازي الأخضر يساوي دويلات = به طبعة يازينها مستديره نخله على سيفين به مستقيمات = والتوصيه من الملك بتعبيره ماينتعارض من قبل كل سلطات = يمشي تحت توقيع صقر الجزيره  سـ / نريد من قصائد الشاعر في مدح قبيلتك الخاصة ؟ سـ / ما هي أول قصيدة كتبها الشاعر ؟ جـ / طبعا أول قصيدة هي في مجال الغزل ولا أذكر منها الا بيت او بيتاً اقول فيها شفت خدودك واعجبتني قمت احلي = نور خدك من ورى المغشى يبين خالقك مولاك سكر ونجلتي = تمحن الي ماهو بالهوى فطين  سـ / من هم الشعراء الذي تأثر بهم الشاعر ؟ ومعجب بهم ؟ سواء المعاصرين أم القدامى ؟ جـ / الشعار كثيرين وصعب علي ان أحصرهم ولكن من شعار قبيلة بني وايل هـم .. الشيخ الشاعر / خلف الأذن والشاعر / محدى الهبداني والشيخ الشاعر / سعدون العواجي  سـ / هل لشاعر قصائد في مدح شيوخ الروله وآل شعلان وغيرهم من ووجهائها ؟ ولي أيضاً قصيدة بعنوان [[ قدامة الشعلان ]] أقول فـيـهـا : سر ياقلم وأكتب بيوتاً جديدات = والهزل لاتجيبه ودور بديله وأكتب وانا أمليك علي الكلافات = والشعر ماهو حاجتاٍ مستحيله ويافكر حضر باقين خمس ساعات = او بعد تنقصها دقايق قليله عن موقفاً فيه الفرح والمسرات = لقاء الشيوخ أهل البشوت الظليله ويادر فكري صف صرف الجنيهات = والجزل يكتب له بيوتاً جليله وانا ماعودتك لصرف الضعيفات = أسرج من خيولك بنات الكحيله بيوتن معادنهن جزال وقويات = تليق باللي يكسبون النفيله وبشيوخنا الشعلان تحلى المقالات = أهل المفاخر واليدين الطويله شيوخاً بهم عزه ونخوه ووقفات = للجار والعاني وكل القبيله حماية المركب نهار المثارات = في ساعتن فيه المواقف مهيله يثنون دون حقوقهم والقصيرات = وفعالهم تشفي قلوباً غليله ذولا أهل العليا جبالاً رفيعات = ولحداً ينال من الجبال الثقيله راسين مايرزون مثل السروات = وميزانهم يرجح بوزنه مثيله ذرا الدخيل اللي عليه الطلابات = يصعب على أهل القار منهم حصيله دونه أسوداً يشبعون المجيعات = من شافهم ينهار بأسه وحيله لوهو شجيعاً وله ضلوعاً متينات = يغير نويه يا تذكر قبيله يرد نادم بالقهر والحسافات = لنه ماشفاء من عدوه غليله وقدامه الشعلان ستر العفيفات = أسيوفهم رأس المعادي تشيله وضفارهم تكسر عظام (ن) صليبات = الله حباهم بالفعول الجزيله ولنا الفخر بأهل الفعول النقيات = أجحولنا اللي حملنا ترتكيله وخيالهم ينطح جموع (ن) مغيرات = وبسيفه على جمع المعادي سحيله ولولا قصر وقتي لعبي سجلات = وقول شين مثبتاً في دليله لاكن أقبلوا عذري وهاذي من الذات = ياغيثنا وقت السنين المحيله وعلى محمد كملوه صلوات = عداد ماتمطر مزوناً مخيله وهذه قصيدة بالشيخ :- النوري الشعلان أبو دحام حفظه الله عندما زار الشريفات في محافظة القريات أقول فيها : وهذه قصة وقصيدة يوجد شخص يدعى / عطالله عبيد العنزي .. من أهالي الرياض وضاقت به الدنيا بما رحبت من القل ومن الظروف التي عانا منها وهذي تمر بأي شخص أتجه للمنطقة الجوف وذهب الى الشيخ والشاعر / هزاع مناحي الحمادي الرويلي [[ أبو ممدوح ]] حفظه الله وتبرع له بمائة رأس من الغنم وسيارة مديل سنتها وجلسه بيته والغنم أعلفها في مشروعه [[ المزرعه ]] مدة سنتين أو مايزيد على ذلك وعجبتني القصة وذلك تعتبر من النوادر في وقتنا الحاظر مع أنه لايوجد قل كما في قديم الأزمان وقليل من الرجال الي يسويها فـقـلت هـذه الأبيات :-  أبدي قصيدي بالولي مخضر القاع = مجري السفينه بالبحور الهوايل وشلت القلم بأمره على روؤس الأصباع = والفكر يمليء من بيوتاً جزايل مثايل يطرب لهن كل سماع = بشيخ يحوش الطيبه والنفايل اليا عمست الدنيا وفيها البصر ضاع = ومن جودها ضاقت عليك المحايل أعنز على قرم(ن) مثل صيت هزاع = الشيخ أبو ممدوح وافي الخصايل شبلاً على الطولات يجزم . وله باع = وأسئل وتلقى كل هرجي صمايل جاه الذي من جور دنياه ملاع = قال أسترح حنا نشيل الثقايل قسم له الحلال ووفى له الصاع = وحطه بيته عن سموم الثقايل وعطاه موتر من جديدات الأنواع = أنا أشهد أنه فخر لاولاد وايل والوقت هذا فيه ماكر وخداع = وابن الردي يكبر عيال الحمايل وبعض الرجال ليا نوى الطيب يرتاع = يخشى الفقر . ينسى دروب النفايل ما من برب الخلق بيبانه وساع = هو الذي ماخاب من جاه سايل والا بجيل اليوم قليل الفزاع = فعلاً مثل فعله قديم وسمايل اللي شبع مشقاه غيره ليا جاع = ولا قول أنا هرج(ن) بليا دلايل وقتٍ به الثعالب صارت سباع = ولد الردي يكبر عيال الحمايل عسى يجي ماله من الله نزاع = من لأعطاء العاني وحاش الجمايل ودنياك هذي تتقلب عدة أنواع = لا بد لك يومٍ عن المال زايل ويجيك يوماً للباس ولاقناع = حفيان عريان ولا لك زمايل ماترمش عيونك ولا تحرك أصباع = وميزان سيئاتك شمال أمتمايل تحتاج للحسنه وللمال دفاع = وبه تفتدي لاشك ماله بدايل تشخص أبصار الناس لله هجاع = في موقف مافيه قيل وقايل وختامها صلوا على خير شفاع = على رسولاً جاب أزكى الرسايل  سـ / نريد بعض القصائد التي قيلت في مدح شيوخ عنزه ؟ هذه قصيدة بالشيخ / حمد مطلق المرتعد وهذه قصيدة أخرى بالشيخ / عبدالعزيز الملحم . وهذه قصيدة أخرى وهي عبارة عن مرثية بالشيخ / صالح العواجي  آخر تعديل سالم براك الكويكبي يوم
02-03-2010 في 09:09 AM. |
|
02-03-2010, 01:09 AM
| #2 | |
|
مشرف سابق
 | سـ / نريد قصائد وعظيه للشاعر ؟ طبعاً أقصد أجتماعية أو عن المخدرات وما شابه ذلك ؟  أبشروا عندي قصائد وعظية كثيرة الاولى أجتماعية وهي عن الزوجه وأقول فـيـهـا :  تم وضعها على صيغة أم بي ثري http://uaemusics.com/uploood/images/...qfi0r70khr.mp3 والثانيه عن الأشخاص المغرورين في أنفسهم أقول فـيـهـا :   والثالثه وعظيه كنصيحه لمن يعق والدته أقول فـيـهـا : http://uaemusics.com/uploood/images/...p39vvdeme0.mp3 سـ / ماذا عن جديد الشاعر من القصائد ؟  جـ / عندي قصيدة عن الأشخاص الذين بس يتهولون . ويقولون هذا من أين له ؟ لا ياخلف كثر التهول يعنيك = واللي ماهو لك ياخلف لا يهولك بموال خلق الله ويش اللي مشقيك = بطل شقا عينك وريح ذلولك اللي كتبلك ياخلف غير ياتيك = يجيك لو أن العرب ما سعولك واللي ماهو مكتوب لو كان بيديك = يضيع لو حكمت دونه قفولك أمش بطريق الحق والله يغنيك = وخله على كثر القناعه ميولك كان هقوتك بالناس ضاعت هقاويك = لو أنهم بالمد تنعمولك وكان مالخالق من الناس معطيك = من رزقهم ياصاحبي ماقسمولك بس أطلب اللي ياعطا وجاد يرضيك = وبرعايته حتى الحسد ماينولك سـ / ماذا عن الغزل والحب وشعر العاطفة هل له مكان في قصائد الشاعر ؟ جـ / نعم لا يوجد شخص يخلوا من الحب والعاطفة أما للمعشوقة او لغير ذلك سأسمعكم أياها .  غـزلـيــــه بعنوان (( وقف أصـطب )) أقول فـيـهـا : عزي لمن مثلي جريحاً معذب = علي ضاقت سبلها والدروبي ياناموا المخلوق قمت أتقلب = وأحس أنا فراشي يضايق جنوبي ونار الهوى من الأضلاع تشتب = وأحرق خفوقي جمرها واللهوبي بين الحنايا موقده تاكل اللب = لب الفؤاد اللي علي محسوبي من وأحد حبه علي تغلب = وأخلصت له بالحب وثره نصوبي ولاعمر طراد الهوى يمدح الغب = ماجاب حضه غير كسب الذنوبي وأحاول أنسى وأترك وأهجر الحب = ومن لام لو معكم تغير أسلوبي كثر صدودك ياحلوا مابه الطب = ومن الصراحه مايفيد الهروبي وفرقا المعاضب يابتعد عنك مكسب = ولاني على لاما البعيد مغصوبي ولا ضعيفاً فيه تمكر وتلعب = أنا على العاب أكبر لعوبي وخطوط حمراء عندها وقف أصطب = والشمس ميل نورها للغروبي أول بداية كنت أنا فيك معجب = واليوم أدور مخلصي من نشوبي وأبعث وداعي لك مع النود ياهب = وأقول نوره وصلي ياهبوبي خلاص روحي لاتظلم ولاسب = كنك شمال أنا أتجاهي جنوبي  ولي قصيدة ثانيه غزليه بعنوان (( الحــب والــذوق )) أقول فـيـهـا : أشوف ناسٍ تجهل الحب والذوق = وأقولك جاد الله عليهم براحه مال الهواء بقلوبهم درب وطروق = وظروفهم للحب ماهي متاحه ناسٍ تعشق أموالها والنظر فوق = والحب ماذاقوا طعم من قراحه ورجلاً تولع بالهواء ورجل بالسوق = همه يطلع بالشهر كم أرباحه مفروض أنا أسمي شقي وأنت مرزوق = وكلاً يكون أسمه بموجب كفاحه قلبك ماهو قلبي على نار محروق = عشق العذاراء عن غلا المال زاحه مكحلات الطرف سون به أفتوق = من يجر حنه ماتضمد جراحه قلبي عليهن كنه الطير بسبوق = يكفخ ولاكن مايشده جناحه يبغى العذاراء غاية الفن والذوق = وبهن الوناسه يابغيت الصراحه تحلاء السوالف بين عاشق ومعشوق = معطر الخدين يسعد صباحه اليا ضحك يطرب له البال ويروق = وترتاح يامنه بدء برتياحه به العسل من بين أشافيه مدفوق = لعابي يسيل اليا بدن لي ملاحه وبيض الثنايا كنهن رغوة النوق = ياليت بوستهن لمثلي مباحه وأحب شخصٍ جميلاً ومرموق = ونزله بالقلب أكبر مساحه ولاهو صحيح أن كل مطرود ملحوق = ولاكل زراعاً يعرف الفلاحه ولاكل مخلوق يعيضك بمخلوق = فيه أختلافاً بالوفاء والسماحه قطع علاقة بالعلن ماتهرب = عيب أحسب بناس هم ماحسبوبي أجنب اللي عن طريقي مجنب = وكن تعتبرها عيب هذي عيوبي  وهذه قصيدة غزليه بعنوان (( بنت الخواجه )) بصيغة أم بي ثري أقول فيـهـا : http://uaemusics.com/uploood/images/...owcqkl6bhu.mp3 ولي قصيدة غزليه بعنوان (( بسكال )) بصيغة أم بي ثري أقول فيـهـا : http://uaemusics.com/uploood/images/...zspjevk8x6.mp3 وهذه قصيدة غزليه أيضاً أقول فيها .  يا قبل ظلام الليل يجيني الخوف = محروم بالدنيا ولا لي ونيسي والقلب خايف كن يضرب به أدفوف = ومن حولي أسمع رجيف وحسيسي ولا يرجهن قلباً من الحب مشغوف = كنه بجن الحب مسه مسيسي وكني أسير معصب العين مكتوف = مقهور تسمع في نيابي ضريسي قالوا تجنن قلت السبب نوف = قبل أمس شفته صاعده بتبيسي | |
|
التعديل الأخير تم بواسطة سالم براك الكويكبي ; 02-03-2010 الساعة 09:46 AM |
|
02-03-2010, 01:13 AM
| #3 | |
|
مشرف سابق
| سـ / هل للشاعر مساجلات ومعارضات لبعض شعراء الساحه ؟ توجد لي بعض القصائد الي أتتني ورديت عليها والعكس . مثل قصيدتي التي وجهتها للشاعر/ محمد صفوق العبدلي  أقـول فـيـهـا : القلب دكن به هموم ولاويل = والجفن عيا لا يجي له نعاسه من ماتشوف العين بالوقت تبديل = والوقت بين للفهيم أنتكاسه رجالٍ تحسب نفوسها من الحلاحيل = لاشك في وقت النوايب بساسه يالعبدلي من يرتكي لأثقل الشيل = تكويه بالنيران ربعه وناسه وشلون يامحمد نقنع مهابيل = ناس تلمز في دروب الخساسه رجلٍ حكابي يرغب القال والقيل = ولايهمني رجل دروبه طفاسه يقول ذا يمشي مماشي المشاكيل = يبحث عن الشيخه ويبغى الرئاسه وأقول كل لك عيش يارزل ياخبيل = لاتعترض لي خل عنك النجاسه ما أدور الشيخه ولا لي بي لها ميل = توفوا الشيخان يوم الفراسه والشيخ اللي يقطع ظهر الرجاجيل = اللي تخضع الروس من دون رأسه اللي حكم بالسيف ويعدل الميل = ويقصر قياس أطول رجل عن قياسه اللي حكم نجد العذيه بتهليل = وله خضعت من طيب رأيه وساسه وحد وطنا بالعريني على الخيل = وبظله آمنا بجيش وحراسه والآمن ساد بلادنا ونرقد الليل = والكل منا مهتني في نعاسه وشيخات جيل اليوم شيخة درافيل = ياخذ قديم أبوه ويستر لباسه والله مابه راحن ولاجن مقابيل = لو أن ختمه كنه قاع طاسه ولاتنخدع ببشوت بعض الأزاويل = تراه يلبسها يدور لحاسه واليا جاء لسعود تضيع منه الأقاويل = وجهه يبين للحضور أنعباسه ومن ينجم يندل بالجدي وسهيل = والعود بين خضرته من يباسه  رد الشاعر محمد صفوق الـعـبـدلي ::: يالله جنبنا الغثاء والغرابيل = وأهل النميمه والحسد والبلاسه أنت الذي تولج نهارك مع الليل = وتعلم خفايا وقتنا ولتباسه يافاني جيل وياخالق(ن) جيل = يامبدل أيام الفرح والتعاسه من بعد ذكره بادي بالتماثيل = من ما بالي ظيقتي وأنحباسه يمكن يخفف داخلي ولاويل = حيثي شربت من أقشر المر كاسه ومشيت بالدنياء وشفت التهاويل = وأخذت من بعض التجارب دراسه ما دامها دزت علي المراسيل = من واحداً مبني على الطيب ساسه اللي علومه ترفع الراس بالحيل = وعنده على حل المشاكل سياسه قريت خطه واضح بالتفاصيل = صدق الكلام مبينٍ من حساسه يالجعفري دامك صبور وحلحيل = وتعرف بدورات الزمن وأنعكاسه دونك جواب العبدلي بالتحاليل = والأدمي صبره على قو باسه عندك خبر بلي يغز المخاييل = ماينفعه ياجاله الذيب حاسه والنبع يامحمد فلا يشبه السيل = فيه أختلاف ولا المقاس بمقاسه الناس فيها الرأس والوسط والذيل = كلٍ على جسمه يفصل لباسه أترك كلام مبدل الهرج تبديل = شف الذهب مايستوي مع نحاسه والهربدي ماينلقا به محاصيل = مثل السراب وتابعه للفلاسه سوالفه دايم بها شبه تمثيل = والكذب بين راعيه وأختلاسه والحق وأضح مايجي فيه تظليل = والصدق بين دايم من أساسه هذا بعض ماشفت يانافل الجيل = مثل لك مش رأس وداسه خلك على درب الرجال الحلاحيل = اللي لهم بالضيق فعل وناسه وقفاتهم تشفي القلوب المغاليل = والا الردي ماجابه الوقت حاسه  هذه القصيدة أتتني من الشاعر / نادي رضيمان الضوي الجعفري العنزي يقول فــيـــهــا :: عندي محمد ليهبا كل رعديد = ظلمات غبات المدارك يدوسه نزيه ماتدخل عليه المناقيد = علوم الرجال براي فكره سيوسه محمد ضاري لثناء والتماجيد = وهداج تيماء فارقاً عن رسوسه من ربعة(ن) يوم الملاقا صناديد = تاريخهم ماضي وتتبع دروسه يرعون زملوق الزهر بالبواريد = وقطعانهم قفر المخاوف تنوسه الطيب سند والمراجل سراميد = وكلن على قياسه يفصل لبوسه محمد زيزوم المرجله للأواليد =يوم أن بعض الناس همه فلوسه  فـرديـت عليه قـائــلاً ::: يامرحبا عداد طش الرواعيد = ساقه قدر ربي على أرض(ن) يبوسه برسالت اللي خصني بالتماجيد = قرماً على الطولات يطول قوسه شبلاً على الصعيبات يجزم ولا يحيد = وأن شفت فوج الطيب نادي بروسه له بيت بين زاميٍ كنه الحيد = مضيف اللي متعباته تعوسه في ربعته حط الدلال البغاديد = كريم سبلا ميرهن مايعوسه ودايم بيته ياكلون الأجاويد =وكم كبشاً أقرن قط راسه بوسه وكن المراجل سيد نادي لها سيد = مخضرماً صعباً على اللي يجوسه أقولها ولالي وراها مقاصيد = بالطيب اللي نادراتاً جنوسه من ساس ربعاً تردع الخصم وتكيد = والضد منهم مايحصل لحوسه جعافره لاصار بالوضع تهديد = عدوهم بالحرب تقلع ضروسه  وهذه مسابقه أعلن عنها في قناة الساحه من قبل الشاعر / رشيد الزلامي . لمجارات هذه الأبيات يقول فـيــهـا ... ياصاحبي درب العلا عسر بالحيل = ودونه مسافه جرهديه وجردا وقدمك لعكفان الشوارب مداهيل = قطاعة الفرجه على كل سردا وأن كان ماتقدر دروب الرجاجيل = عود وتلقا واحد منك واردا فــرديـت علــيــلـها قـائــلاٍ ... ياصاحبي درب العلا مرتفع حيل = ماتاصله رجلٍ قصيره وحردا وقدمك مصاعد للرجال المشاكيل = اللي رقوله رغم حرٍ وبردا وأن كان ما تصعد طريق الحلاحيل = عود وتلقا لك خوي مانت فردا  وهذه قصيدة أتتني من الشاعر / سلامه زعل أبو شامه يقول فـيـهـا .. الوقت يامحمد تغير مساره = ما ينعرف روس العرب من حوشها الشيخ من يملك رصيد وتجاره = لوهو من أول جثة(ن) في نعشها المال سلمهم حقايب وزاره = من بعد ماكانت تهاواء عششها أصبح لهم بالكون شان وصداره = بعض النشاما ساحته يفترشها  فـرديـت علـيـه قـائـلاً ... خل المغطاء لاتكشف أستاره = تطيح لك في بلشتاً تبتلشها المال للطيب يزود أقتداره = كم طيبه قدام ربعه خمشها ومال الردي لو كان رمل زياره = مابل كبداً ضاميه من عطشها لاعز لا هيبه ولابه نماره = محروم . كبده ناشفه ويهرشها يمناه عن المد مثل يساره = لعل أذانه تنطمس من طرشها والطيب الله حافظ(ن) له وقاره = لو تحت عشه في يدينه عرشها وأهل الرداء ضبان وسط الحجاره = عفوننا عن الازم تلوي خششها وجدك كسبها دون مال وعماره = بيمناه طلع نورها من غطشها والوضع للفهيم بان أندماره = لاتنعرف حصن العرب من كدشها فلوا الكحيله جنب تبع الحماره = ولا لوم نفسك لو يجيها طفشها وتكرم عنه يا نمر يابن النماره = اللي العلوم الطيبه ما فتشها  بالنسبه للشاعر / سلامه زعل ابو شامه ساورد لكم قصه عن شخص منهم في قديم الأزمان يدعى / طلاق أبو شامه يلقب [ براعي الدغماء ] والدغماء شبريه له .. عندما توفي أبوه حيث كان والد طلاق شيخ لربعه وبعد وفاته تردة حالتهم وقاموا ربعه يسرحونه في حلالهم لينتفع . وفي المرات عند رحيلهم ونزيلهم شاهد البيوت وهي تبناء واذا بيت والدته أصغر البيوت فقال هذه الأبيات ... كلن بنت لها بيت وأمي بنت بيت = تقول هذروم(ن) على الدرب بالي أن طول (ن) سمر الليالي وضليت = لابد من بيتتٍ طويل الحبالي  أرسل لي أحد الأشخاص ثلاث أبيات تعجيزيه ولكن لم أجدها وهذا ردي عليها ..... ياركباً من فوق بنزاً رصاصي = لمفضي الحمدان مني موصى خذ الجواب وثم عطه التوصي = وقله صديقك رصه الهم رصي على حبيباً صار بقصى القواصي = ولامن صديقاً لي لداره تنصى وبعده شغل فكري وصار أختصاصي = وجلست كل الوقت به مستخصى وعنه عذلت القلب والقلب عاصي = مدري علام القلب قام يتعصى وزرعة زرعاً لكن أرضه جصاصي = ولا ظن يثمر زرع في وسط جصى والله ماني عارفاً وش خلاصي = بوقت(ن) يخص الناس بالخير خصى وأنا بمرارة شارباً لي قلاصي = سمن يسج الروح ملصوص لصى وأن كان طرد البيض ذنب ومعاصي = أن أشهد أني في ذنوبه موصى وياليتني سواق من فوق باصي = بأدارة التعليم فيهن موصى مبغى شبح ماريد همر وشاصي = أبغى معاهن سايقاً مستخصى | |
|
التعديل الأخير تم بواسطة سالم براك الكويكبي ; 02-03-2010 الساعة 09:59 AM |
|
02-03-2010, 01:15 AM
| #4 | |
|
مشرف سابق
| سـ / ماهي أخر قصيدة قالها الشاعر ؟  أخر قصيدة قبل أسبوع تقريباً . أنني أريد أدعي كبار عنزه للقريات أن شاء الله قال لي واحد عزمته لانت شيخ ولانت غني حتى تدعي أكبار عنزه  فـقـلـت :: يامرحبا عداد ماترزم النيب = وعداد ماجاء البيت طايف وساعي وعداد ذعذاع الهواء بالشناخيب = وعداد مايطرق هواء بالشراعي بقدومكم يارجال شباناً وشيب = يازين لمت طيبين المساعي ساعة تلم بوسط بيتك هل الطيب = تسوى حيات رجال مالهم داعي وإلى حضرو لك كاملين المواجيب = تحس نفسك شامخه برتفاعي لو أن قل المال عيب وعذاريب = كان الذويبي راح فعله ضياعي قل المواشي ماكسر حاجب الذيب = تضرب به ألامثال بين ألسباعي حقق المراجل قبل تعجز من الشيب = لجل تريح ياطويل ألذراعي وتركك لها يلحقك بالنقص والعيب = ولايكال لك بين الرجاجيل صاعي ورزقك على اللي يعلم السر والغيب = مايجيك بالقوة لو أنك شجاعي  سـ / شعراء شباب نالوا أعجاب الشاعر ؟ والله فيه شعراء شباب ماشاء الله عليهم وخاف أني أذكر شخص قريب لقلبي او أني أسمعله دايم يزعلون الشباب الأخرين وكلهم فيهم الخير والبركه ولكن فيه أشخاص مميزين مثل الشاعر / سالم ابن شخير هذا الي يحظرني الأن  سـ / مساحه مفتوحة للشاعر يقول فيها مايريد ؟  جـ / بصراحه عندي قصيدتين أحب أن أذكرهما لكم وهي الاولى إهداء إلى الشيخ / عقلاء شطيط العنزي ( أبو سلطان ) قال الذي فيض بالشعر ياملاه = والي بدايه صخر القاف تصخير أصخره تصخير فارس لشفاه = بثنادي اللي مقفيين مدابير واخذ جزيل القاف وفطن لمعناه = وبداله بعد العسر بتياسير والشعر مايصعب على الفكر ملواه = وركبه جمله مفيده بتعبير والى نويت أشعر وكنت مداه = صكن عليه مثل صف الطوابير مثايلن هزيلهن ماخزيناه = صفيتهن صف الغني لدنانير ونقيتهن مثل الدرر المنقاه = وأهديتهن اللي بنا يفعل الخير عقلا شطيط درعنا لا عدمناه = الشيخ أبو سلطان ريف الخطاطير أن اشهد أنه عز للي تنصاه = له شهرةٍ عند الرجال المشاهير والرجل ينقدر على فعل يمناه = عند الرجال أهل الوجيه المسافير إلى بذلت المال والجهد والجاه = سكرت بيبان الردى عنك تسكير والا الردي مايفيد لو جيت تنخاه = مستحضرن فكره قوي المعاذير إلى نخيته حك أبطه وعلباه = دايم عن اللازم يدور معابير وفي هرجته رجال والثوب ياملاه = ومواصفاته كامله دون تقصير ويعجبك في كبر الشنب يوم رباه = واليا أنتخى تقول ذا سالم الزير لكن يطيع لينت الاجواد ملفاه = بحدود حق البيت يندار مايدير هذاك مايشكى لمثله وشرواه = ماهو كفوا شرواه شبابت الكير عليك بالطيب عسى النذل يفداه = اللي يسرك بالليالي المعاسير عزمه قوي لطيبه ياصل أرشاه = ويسقيك صافي ياوصل جمة البير كنه مهند يوم يسحب من أجواه = له ترتخي روس الرجال المناعير من هيبته محد تجراء على أحماه = ومسورن حقه عن العيب تسوير يخسر عدوه كان قام يتحداه = ويفرح صديقه بالوفاء والتباشير ويطرب لشوفه كل من حصل ارضاه = ويهاب شوفه من قصد نيتن غير رفيق لرفيق سمن على أعداه = كريم سبلا ما يهاب المخاسير وذي المزايا بيوم سلطان تلقاه = عقلا شطيط وافين بالمقادير وختامها مني صلاتاً على طاه = عداد وبل الممطرات المباكير  أما القصيدة الثانيه في [[ توجديه ]] بصيغة أم بي ثري أقول فـيـهـا : http://uaemusics.com/uploood/images/...dnc9botdys.mp3 | |
|
التعديل الأخير تم بواسطة سالم براك الكويكبي ; 02-03-2010 الساعة 10:18 AM |
|
02-03-2010, 01:19 AM
| #5 | |
|
مشرف سابق
| [[ والآن مع أسئلة الأعضاء التي أحبوا أن يوجهوها لشاعرنا أبو عبدالاله ]]  سـ / ماهو البيت او القصيدة التي سمعتها وتمنيت أنك قائلها ؟ جـ / قصيدة الشاعر بركات الشريف ومنها البيت الذي يقول فيها : مخطاك مايصيبك ولو كان راميك = واللي يصيبك لوتتقيت مخطاك  سـ / أستاذي كل شاعر تعرض لموقف طريف فما هو الموقف الذي تعرض له شاعرنا ؟ جـ / تعرضت لموقف طريف ومحرج بنفس الوقت ... وهو في يوم من الايام ضافني أحد شيوخ قبيلة ولد علي من اليديان وأنا لم أجد شي أضيفه وكان لدي سته من الماعز وأولادهن فقط وأستحيت أن أذبح عنز له وطلبت شخص من أهل الاحواش أن يديني ذبيحه جزله (ورفض) ! وحاولت به أن ياخذ كل مالدي من الماعز مقابل ذبيحه وأباء أيضاً وذلك لانه يود أخذ مقابل الذبيحه مالاً . وفرج الله الامر ثم أحد الاشخاص يدعى / عليان قويعان الحويطي وقلت هذه القصيدة ....  البيض تنصاك ياعليان = ولك عادتاً تفعل الطيبي والنعم بسلالت قويعان = نعرفك ذيباً ولد ذيبي ماشح علي بالخرفان = أرخصتهن بالمواجيبي قضيت لي لازمي ياحصان = يالحر شطر المخاليبي وقفت معيه وأنا بلشان = لي ضيف عشاه ماجيبي ومراحي خالي ولابه ضان = والعنز للضيف ماتثيبي ولاتذبح العنز لليديان = تذبح لهم شمخ النيبي وذا سلم لمحمد الفرحان = ذباح حرش العراقيبي في مجلسه يشبع الجيعان = يوماً نجداً شلاهيبي يفرح ليا الفى على الشمسان = يملاله البطن والجيبي ولاني باقي الملا طعان = في ربعنا والاجانيبي والطيب من ماضي الأزمان = حامي وصعب المقاضيبي وقت الشدايد يبين فلان = وباق الملا يروح تسريبي وكرمت ضيفي ماني بلشان = رزقي على عالم الغيبي لو العفن قالي خسران = هرجة لايودي ولا يجيبي ولاحسب الزود والنقصان = لو عشت أنا عيشت الذيبي  سـ / بما أنك ورثت الشعر عن والديك هل من أبنائك بقوة وفصاحة والده ؟ جـ / أبنائي صغار ولكن متأمل خيراً فيهم وأثنان أتوقع يطلعون شعراء .  سـ / من الشعراء الروله الذين أنت معجب بشعرهم وهل تحفظ من قصائدهم ؟ جـ / أنا لا أحفظ شي لشعار الروله ولكن فيهم شعار بارزين مثل / سليمان الويزان الكويكبي وسلمان المرعضي وبدون تقصير بحق الأخرين . لكن هؤلاء الشاعرين المذكورين سمعت لهم قصائد  سـ / ماذا عن الهجيني ؟ جـ / الهجيني متوفر ولكنه راح مع الهجن وأهله.  سـ / هل أخذ الشاعر بيد أحد من الشعار المبتدئين ؟ جـ / لم يأتيني أحد ويطلب مني توجيهٍ وبخلت عليه أو يطلب أبرازه للجمهور .  سـ / ماذا ينقص شعراء هذا الجيل لكي يكتبوا أبيات تستطيع أن تعيش فترة طويله من الزمن وتناقلها بين الأجيال القادمة ؟ جـ / لا ينقصهم شياً ولكن أصحاب المثل قالوا [[ الأولين ماخلوا لتالين شي ]] والشعر مثل الصيد والشاعر صياد والأبيات الجزله يقولها معظم الشعراء المخضرمين ولكن أحياناً تقول هذا البيت يمكن يكون مقيول قبلي وتتركه حتى لو كان جزل  سـ / هل المنطقة التي يسكنها الشاعر لها تأثير على عطاءه الشعري ؟ جـ / نعم الشعر ينبع من الإحساس وكل أنسان نفسيته تتأثر في المكان والزمان الذي هو فيه . جانب من الحضور في مجلس شاعرنا   سـ / نطلب من الشاعر قصيدة عند أنتقاله من الدمام إلى القريات ؟ اليكم هذه القصيدة :  مليت من الدمام لو هي وناسات = جوه عليه صار مثل العقويه وهنا وناسه في ديار الشمالات = ربعي يامن الحرب شبت شبوبه أهل الكرم والخير وأهل المروات = تعرف مواقفهم بوقت الصعوبه طلبت نقلي يمهم لجل حاجات = ابغى التونس بس بالعمر نوبه شمال غرب المملكه بالقريات = بالليل من لبنان ياتي هبوبه وبعد عن دارن كلها ريح غازات = مع حرها الشديد فيها رطوبه ولا أسب اهلها قصدي الجو بالذات = سكانها يلصق على الجلد ثوبه ولا لنا فيها ربوع وجماعات = عقبان في وقت اللزوم محسوبه رجالا توصف بالسيوف الصقيلات = أنجا لها في حزة الضيق شوبه بهم الكرم فيهم شجاعه ووقفات = أنجا نهاراً فيه تغلا الجلوبه ولهم ترا ماني بجاحد جملات = ولابغى كلامي ناقصاً ياحكوبه أعطي الرجال أحقوقها بكل حزات = والرجال مايبخل بشين يصوبه ليا قصدة أجيب جزيل الأبيات = وبداع الشعر علي مابه صعوبه وازن كلامي لايجي فيه هفوات = ولاني ولد خبلاً اعراضٍ جنوبه ومن يعترض للناس يذوق طعنات = من لايحسب حسابهم ما حسبوبه  سـ / هل هناك قصيدة أخذت منك فترة طويلة من الزمن في كتابتها ؟ جـ / لا  سـ / ماهي قصة محاورتك مع الشاعر الكبير ذيب الشمري في الكويت ؟ جـ / عفواً أنا لم أتحاور مع الشاعر ذيب الشمري ولا قابلته ألا في زواج الشاعر/ شاهر العنزي وطلب مني أعادة قصيدتي التي قلتها في مناسبة زواج الشاعر شاهر العنزي .  سـ / أبو عبدالاله ماهي الكلمة التي توجهها لأعضاء منتدى قبيلة الروله الرسمي ؟ الرسالة التي أوجهها لهم أشكرهم واحد واحد من أعضاء ومشرفين وأعضاء أدإرة فلهم جزيل الشكر والتقدير على هذا الجهد الذي يبذلون وأمل من الله تعالى أن يوفقه لما فيه خيراً لدينهم وللوطنهم ولهم وقولهم الف الف الف شكر واخص بالشكر كلاً من الأخوان فهد زبن الرويلي وسالم براك الرويلي بما يقومون فيه من جهد عظيم . أطال الله عمرهم بالخير ... / \ وفي النهاية تسليم الدرع للشاعر المميز / أبو عبدالاله حفظه الله  وهذه صوره من جانب أخر  | |
|
التعديل الأخير تم بواسطة سالم براك الكويكبي ; 02-03-2010 الساعة 10:35 AM |
|
02-05-2010, 02:37 AM
| #8 | |
|
عضو ذهبي
|
أحلى شيء قصيدة الدمام بس ياليت الشاعر يزورها مره ثانيه يمكن يغير رايه ومشكورين على اللقاء | |
|
[align=center]  السماء على كبرها ما لها ظِ ـل |
|
02-05-2010, 08:15 AM
| #10 | |
| السلام عليكم ورحمة الله وبركاته نتقدم بعظيم الشكر والتقدير والامتنان للشاعر الكبير محمد معتق الجعفري على اتاحته لفرصة هذا اللقاء الطيب وكرم الضيافه كما اشكر الاخوه الافاضل سالم براك وفهد زبن على مابذلوه من جهود كبيره وندعو الله بأن يوفقهم ويجزاهم عنا خير الجزاء ,,,,,,,,,,,,,,,,,, | |
| |
|
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
