يا أم العيون الناعسات اللي تبارق لي وَلَهْ=كم جعتها وأرقبتها قصيدتي وأرقالها
قصيدة ٍ تكتكتها على هواي امسلسلة=بيدي أشد احبالها، بيدي أفل إحبالها
طاروقها لامن طرقْ صدري غداله زلزلة=وأغيب بين أفكارها وأذكارها وموالها
لها بعيني منزلة ما هي بأيَّة منزلة=أما إنها أخت القمر وإلا القمر هو خالها
شربتها يوم إن راسي غارق ٍ هو بجهله=أضمالها وأروابها ، وأروابها ،وأضمالها
يا كره نفسي يا عرب للي بشرع الدَّوْدَلَة=يقرْقَش لها ، وتركض ورى عمَّانها في فالها
وإلاّ يدي غسَّلتها منهم ولو هم ارولة=وأنا العرب مالي ورى إقصارها واطوالها
وأم الرموش اللي فرت صدري وقالت بمْهله=للحين ما صب العلوم ادقاقها واجلالها
يا بنت أنا عديتهم من مرحلة إلْ مرحلة=والمسبحة نظمتها ، والخيل من خيالها
والشعر ما هو راس مال ولو جنيهه واهلله=بيدي تطارخ ماسها واجنيهها واريالها
وأم الدلع لها الدلع لو تلتلتني تلتلة=ولها السلام إشمام من دندوشها إلْ سلسالها