ثملت من كاس الألم مدري متى اقدر افيق=لاجله معي جودٍ وفيّ عطيّته لي مُجزيَه
شفني بركن الزاويه لاجلي تحديت الطريق=شفني سجين المُلهمه واكبر طموحي أُمنيه
مابيني وبين الزفير اكبر من هموم الشهيق=وعلى مسامع حسرتي يضغط جنوح الأُحجيه
الهم جمهر لي أسى وبحربة جنوده يريق=دم الأمل واطلالته من ضيق ثقب الأغشيه
هذا الجفاف اللي غشا جوّي وجلبابي عتيق=اعطش وبي لفحة ظمى في عقر دار الترويه
وش يجني التبر ان فقد سطوة صفاره والبريق=يسقط كما جيشٍ فقد صبر ارتفاع الألويه
علمني ان كان الصبر لمجالد احزاني يطيق=وعلمني ان كنت احترف وافضح غموض الأغطيه
شفت البواطن مُحبِطه والظاهر الدرّ العقيق=حُسن الزهر في ( بتلته ) والمُعضِله بالأسديه
انت وغيابك والجفا لعبتوا بروح الفريق=لاجل اقتطاع اصل الوفا جذرٍ وقلبي يرويَه
عذراً عجزت القى الوفا شفته بنسيانك غريق=وانا الذي كنت انتظر ترنيمتك بالتلبيه
المشكله وجه القسا في بير حرماني يويق=بس الأكيد ان زارني يمسح حدود التغطيه
نوض الأمل شقّ الألم مدري افيق او ماافيق=من هول وقع فصولها قصة أُفولٍ مُبكيه