هذا الذي شيوخ القبايــل تداراه = وهذا الذي له بالمراجل فعايـــــل
وهذا الذي حاش المراجل بيمنـاه =بسيف الأمـلح فوق قبً سـلايــــل
وهذا الذي محداً يقرب على حماه =وياما رمى بالسيف من كـان عايل
وهذا كريماً ما تحـسب عطايـاه = ياما عطـاء من جــاه خيلاً اصـايـــل
شيخاً شجاع ولا يوصـف بحلياه = ورنس بـن الشعلان واف الخصايل
رقاء سنام المجد لو طال مرقـاه=يـامـا وصل بالمرجلــه كـــل طايــل
كم ليلةٍ ضلـماً بها طال مسـراه=سهـيل والــجـدي الـشمالـــي دلايـــل
وليازعل بالكون يمشي على عداه=يمشي على الموت الحمر ولايسايـل
زيزومها يـا صـار يوم الملاقاه =يـاحل ضـــرب مخـلــصـات الفـتـايـل
مرحوم ياشيخاً عزيزاً فـقـدناه =شيخ الـشيوخ اللــــي يشيـل الثقايـل
عسى الولي في جنة الخلد يجزاه =بجـاه من ينشي حـقـوق المــخـــايـل
أورنس مات وحي مامات طرياه =وتـعــزمنـه رويـــل وعـيـال وايـــل
عقب شيوخٍ بالـشجاعه مضراه = عيـالــه اللـــي يـكـســبـــون النفـايـل
هم العوض يوم أخو وشحا فقدناه =مـثل الحـرار ولا بهـم قـول قـايـــــل
عبد الله يمـدحه كـل من جـاه =ومــــداد جـوده لــنـــشـامـا جـزايــل
نعم با بن شعلان وإن حل طرياه = شيوخ الـجلاس اللي عليها الصمايـل
تـاريخهم ما ينحصي لـو كتبناه =أبـطــال من عـصـــر الجـدود الأوايـل
وصلو عدد ما هل مزنن نثرنـاه=وأعـداد ماخـــط القـلــم بـــالـسجـايل
على الرسول اللي على الحق مبداه =شفيعنا المبعوث راعـي الفـــضـــايـل