ابا احتوي جرحي و اسافر مع الشمس =النور نبضي و المجرة فضايه
و جرحي خضر توه و لا يحتمل لمس =و من شين حظي صار دايه دوايه
و اهجر ديارن ذاوية خاويه رمس =حتى و جود الناس فيها جنايه
و اودع احبابي و انا خاطري عمس=و اقفي و قلبي في مكانه و رايه
و ارحل و جوفي جثرته تنحمس حمس=ارحل و لا اسال وش تكون النهايه
و يا الجوذر اللي بالحلا منغمس غمس=ياللي معك تبدا بداية هنايه
ا د لج معي و اياك و مواعد الامس =دام الامل باكر تعيشه معايه
خذني غلا كلي و لا تقبل الـخمس (1/5)=يغنيك عن باقي حياتك غلايه
و اطمس معالم دنيتي يا الغضي طمس =تفداك ارضي و يهتف لك سمايه
و يا من حديث الوسادة غدى همس =من يكترث وش كان اصل الحكايه