دع عنك من لاشق فيها ولاخاط=ياذا الذي فيها يشق وتخيطي
عمال تسكت ياجت بخرط وهياط=وعمال عن ني السوالف تشيطي
وعمال ياجا اللي به سيور وقشاط=تقفي قبل ينزل بنا بالهبيطي
هي هكذا وشفوف بالي بعياط=من فوق عيط(ن)كنها لك تعيطي
شايح مشاريف ن بها لأحمد بساط=تقول به من دون ماتستحيطي
بسهال ريد ن مابها نجع قرباط=رهراهة(ن )يسكن ثراها الرهيطي
ماهي لقراط العصى وصف مقراط=مشوارها يطلع عباط العبيطي
نسناسها بأيلول كنه من شباط=وكانونها سوط الظهر بالقشيطي
تلك الفقاره مابها الداس لي باط=ولا بسيحة خاطري لي غليطي
ولابها لزاخ مركى ونحاط=شم الحماد المرتكي للنحيطي
بها هشاهيش(ن) تقل عاز ضباط=حصن ن لها عند المراجل عطيطي
معالجين اللي يعيشون الإحباط=ومقلطة ناهي حلال الشريطي
لهم سلامي مستحقين الانواط=الراكزين بعالم الخيط بيطي
يفداهم اللي نوع فهمه بالإسعاط=اللي على ماقيل عفن ونشيطي
والفرق واضح بين قوطي وقيراط=فرق الرسوس من الغزير الوغيطي
أي الذي معه أتحاشى للأوراط=وأي الذي معه يتلاطم محيطي
وأي الذي من شوفه الشق ينخاط=وأي الذي شوفه يشق المخيطي؟!؟