كنت احبك وانتظر لحظة لقاك = كنتي اقرب من عيوني للجبين
إجرحيني كان جرحي هو مناك = واهدمي حب ٍ بنيته من سنين
إيه احبك وأعشقك واطلب رضاك = لكن عنادك قتل فيني الحنين
لو جرحتي جرحي الأول غلاك = لأن قلبك قاسيا ً ما ترحمين
داوي غرورك بجرح اللي شراك = والأكيد انك بيوم ٍ تندمين
لان دربك ماشيا ً بك للهلاك = وكل سيء في نظرعينك يزين
والحلا والزين ما يرسم ملاك = في قساوت قلب صاحبها تشين
إنتي مغتره في زين ٍ كساك = تحسبين الكل من حسنك يلين
مهما عذبتي عشيرك ما نساك = ما نساك القلب وإنتي تجرحين
لو هويتك لعنبو قلبن هواك = إيه أحبك بس حنا منتهين