الخوف والله ماحسبْنا لـه الخـوف=إلاّ مـن الّلـي نعْبـده ياأجوديـّه
وشلون أخاف وعزوتي كلها سيوف=وشْلون أخـاف وعزْوتـي وايليـّه
مْلوك بالدّنيـا وفرسـان وحتـوف=(ذيقـار)مجْـد أجْدادنـا الأولـيـّه
حنّا على أهْل الكون كلّه بنا,نـوف=حنّا الكرم والجود وأهْـل الحميـّه
العيْ لامن شافنا صـار معْسـوف=وأقلّنـا,ماقيـل عـنْـه الـرديـّه
من وين ماسرْنا بنا المجْد,مـرْدوف=ياويل من هزْنـاه يصْبـح ضحيـّه
ترْحب مجالسْنا إلْيازارنـا ضيـوف=ويزيد ترحيبـة شـذى الشاذليـه
حنّا هل الفزْعات مانعْـرف إنْكـوف=وحنّا الصّخى وحنّا جـزال العطيـّه
العزْ,في وايل على كليب موصـوف=مقولـة التاريـخ ماهـي خفـيـه
حنّا هل المعْروف لأصْحابنا ريـوف=ودخيلنـا,لحمـاه نصْبـح فـديـّه
مايوم خنّا,العهْد وإنعـفْ ونعـوف=نعفْ عـن قـوّه وعـن مقدريـّه
مانخْضع لذلـّه ولاضامنا,ظـروف=من وين مارحْنـا,ملكْنـا,الفضيـّه
ننْصب كنّا السّيل من ضايق جروف=لاصاح صيّـاح النخـاوي عنزيـه
سيوفنا نفرّق بها صفوف وصفوف=وأردى عنزي بالكون يحْسب سريّـه
يخاف منّا الدرب لوكـان محفـوف=ويهابـنـا,ثقْلينــــــــــــهـا بالوطـيّـه
تاريخنا سجلّات وأمجـاد وحـروف=من جدّنـا وايـل لتالـي السّميـّه
خل الذي ماشاف يرهي على الشوف=ويتوب ويصلي على أحمـد نبيـّه
أسألك بالله كيف ياصلنـي الخـوف=دامي سعـودي وعزوتـي وايليـّه