| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| حَفَاوَة اللُقيَا : [ خاصٌ بِالمُلتَقيات الأُسَريّة لِقبيلَة الرُوَلَه ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
|
#1
07-14-2009, 11:57 PM
| ||||||||
| ||||||||
لقاء الشعر والتراث مع الشاعر رويع عبيد النصير الرويلي بسم الله الرحمن الرحيم السلام عليكم ورحمة الله وبركاتة ((من لا يشكر النـــاس لا يشكر الله )) قال الرسول صلى الله علية وسلم / {{ من صنع لكم معروفاً فكافؤه فإن لم تجدوا ماتكافؤه فأدعوا له حتى تضنوا أن قد كافأتموه }} ومن هذا الباب أتقدم بالشكر الجزيل للادإرة الموقره على ماتقوم به من جهد كبير جداً خلف الكواليس ودعمهم المستمر وأخص بالذكر /// روله والريشه والمحجان والبرنس وقاف الشمال والمشرفين قاطبةٍ وفي الجانب الاخر أشكر الاعضاء الذين هم عماد المنتدى ودعمهم المعنوي الا محدود واتمنى أن يحوز هذا الموضوع على أدنى درجات الرضا لذائقتكم ......  ضيفنا هو الوالد الشاعر الكبير / رويع عبيد النصير المرعضي الرويلي 1- البطاقة الشخصية ، والسيرة الذاتية والعمل والحالة الإجتماعية ؟ متزوج وليه سته من الأولاد وسبعة من البنات ولله الحمد . متقاعد من الأمن العام . العمر ثلاثة وخمسين (( ولكن أتمنى عدم ذكر العمر لاني أرغب في الزواج )) 2- نــــريــد قـصيــدة وطــــنـــيـة ؟ بديت بسم اللي قمع كل الاشرار=ربٍ كريم كل حيٍ يساله ربٍ كريم يرزق الطير لا طار=اللي خلق بامره حرام وحلاله من بعد ذكر الله نظمت الأشعار=بأهل الوفاىوالجود وأهل العداله آل السعود مساعدة كل محتار=إما مريض وإلا قليلٍ حلاله لو اتجهت ودرت في كل الأقطار=مثل عبدالله ما لقينا بداله عبدالله اللي كنّه السيف بتار=كلٍ يقول ونعم لا جا مجاله عسى الولي يحميه من كل الاخطار=اللي لجل شعبه بذل كل ماله زاد الضمان وحط مشروع الاعمار=عمره يطول وكلنا في ظلاله بزيادة الراتب تخبرنا الأخبار=مطلاع شمسٍ ما يبيله دلاله كلمة وفا نقولها سر وجهار=أنا فداه وكلنا من عياله وصلاة ربي عد ماهلت أمطار=على رسولٍ نهتدي في مقاله  4- نود أن نسمع من قصائدك عن شيوخ القبيلة حفظهم الله ذخراً لنا ؟ بديت باسم الذي نوره شعاعي=ربً عظيماً عالياً في سماها من بعد تعظيم ذكرت الشجاعي=أبن الشيوخ اللي يذري ذراها النوري الشعلان للخير داعي=بالصلح يسعى والنفوس أحتواها نفخر بفعلك يالكريم الشجاعي=ياللي علومك عالياً مستواها قليل مثلك ياجميل المساعي=الا ألذي بالطيب نفسه هواها تبي الأجر ياشيخ بامً تراعي=لنفس بقتل نفس ربي بلاها صلاة ربي عد رمل بقاعي=على رسول سنة الله مشاها  أبو مفلح هل تحفظ قصائد بشيوخ القبيلة لأشخاص غيرك ؟ نــــعــــم . لــشــاعـر // ملهي أبن نصير المرعضي الرويلي بالشيخ فواز الشعلان عندما توفى جده الشيخ النوري الشعلان رحمـهـم الله جـمـيعـــن يــقــــول فـــيــــهـــا :::  ياراكب فوق مرقومه=ماعلق الخرج وشدادي بين الجناحين ماشومه=ما قالوا سواقها غادي سواقها ناحرٍ دومه=يدعي له البيت وينادي بيتاً مثل الجال وخشومه=مثل العلم يقعد الغادي تلقى به شيخان وحكومه=ناسٍ لفواز ماتشادي يوم أتقى سهيل بغيومه = الله عوضنا قمر حادي ذباح حيل الغنم لومه=ما عدها العبد بعدادي نمشي برايه وتسلومه=عساه دومٍ لنا قادي 6- هل للشاعر مساجلات لبعض شعراء الساحة ؟ نعم . جتني رساله من الاخ // معيض راكح الرويلي أبو جابر يــقــول فــيــهــا :: ياركب اللي قيمته فوق التسعين=توه جديد وظامنته الوكاله نوع الشبح من شركته فل تنكين=يرسي ليامن الطريق انحناله ومحددن موديله الفين وثنين=جيب (ن) ليامن فز يسبق ظلاله غادر بلاد الجوف بين الصلاتين=مع خط دولي والطريق استواله ملفاك بيتن دايم (ن) به دياوين=راعيه للعاني يبهر دلاله بيتن لبو مفلح عسى فاله الزين=كلن يقول ونعم لياجاء مجاله رويع المقصود حر الشياهين=يفرح ليامن المسير عناله عسى الذي شرواه مايلحقه دين=وعساه يسعد مع سعادة عياله المعذره عن نقصها والموازين=وإقبل سلامي في ختام الرساله فــ رديت علـــيه قـائــلاً :: بديت باسم مكون الكون تكوين=ربٍ كريم كل حيٍ يساله من بعد ذكر الله بديت بالسين=ردٍ على الي مرسلٍ لي رساله خطك وصلني يازبون المخلين=أشكرك وأشكر من حمل لي رساله أعطيك يالقرم أنا بعض العناوين=حيث أنت من الي بالزوم نعناله هموم قلبي ياملا بالملايين=الي جنوباً منه ولي شماله جو عد وصاكين المقاطين=والماء ظنين ولا تطوله حباله هنيت منهم يشبهون البعارين=زود الرجال ونقصها مادراله البارحه سهران مانامت العين=عدي على جمر الغضى باشتعاله وصلاة ربي عد ماترمش العين=على رسول نهدتي في مقاله وايضاً أتتني رسالة من الاخ الشاعر والعزيز على قلبي /// غازي عريعر الرويلي يقول فـيـها :: يا أبو مفلح ياعسى أيامك مديه=ياسند منهو شكى ضعفٍ وفاقه ياجعل يفداك كساب الرديه=اللي بالغرات حتى الجار باقه وحياة المعبود خلاق البريه=صيتك وطاريك يحلالي مذاقه ولو أبمدح فيك شكت لي أيديه=ولاكفى حبر القلم وايضاً أوراقه فعايل يمناك ماهي بمخفيه=ومثلك وشرواك من يقدر فراقه ومعزتكم غير عن كل السميه=وأنت عارف صدق قلبي من نفاقه يااللي عند الربع تاخذك الحميه=ما أنت ممن قال ماليّه علاقه فرديت عليه قـائـلاً :: رأكب اللي شركته ماهي خفيه=يعجب السواق ممشاه ومساقه كزه لمن يعتزي بالمرعضيه=وبلغ السلام لجميع الرفاقه الحميه فرض مفروضه عليه=عده أسمي مدخلٍ وسط البطاقه ماني من الي ذل وعلومه رديه=كنه اللي تنتظر بكره طلاقه أنكر أصله والقبيله والسميه=والردي مذكور مبطي كالعلاقه وياغازي ياشوق مجلي الثنيه=الهنوف اللي غدى شوفه شفاقه ماتبي غير أنت ياملحق خويه=ومن طلبها غيركم تبغي أفراقه معزتكم عندنا كالجاذبيه=وأسقه جوى ضميري كالوساقه وكل حيٍ مطلبه في شوف حيه=وقافكم هيض ضميري ثم شاقه ولا أنت من الي يلام في غلطة خويه=والسموحه منك مبداها وغلاقه وأيضــــاً لـه قصيدة أخرى يسندها لي يـقـول فـيـها ::: سر ياقلم وأنثر لي الحبر برفوق=وخلك على بياض الأوراق رفاق أكتب خواطر وأحدٍ حده الشوق=للي له الأشواق تشفق وتشتاق راع أوله ... ماهو عليها بمسبوق=وعلى المكارم دايم الدوم سباق عزيز نفس وهامته شامخه فوق = وصيته من أفعاله تعلى بالأفاق اليا حكى يعجبك في كل منطوق=والحرف يعرفله مناطق ومنطاق ما هو من اللي بالمجالس مطفوق=حكيه كثير وبالسواليف صفاق الطيب له من بدة الناس مسيوق=بيده كما السكان بيدين سواق والجود ماسعّر ولا حط له سوق=ولاهو بضاعه تنوجد وسط الأسواق ناسٍ يصافونه كما الدم بعروق=وناسٍ يعادونه عدا بوش لعراق وصلاة ربي عد ماناضت بروق=واعداد مايرزم رعد كل براق على الرسول اللي عن الخلق مفروق=فرق السماء عن الوطا برفق فراق فرديت عليه قـائـلاً ::: ياراكب اللي كنه الغيم ينساق=ليامشى يلحق ولاهو ملحوق توه جديداً موردينه بالوراق=نوعه شبح يصلح على كل طاروق هو منوت اللي يسهر الليل مشتاق=كزه لغازي يابعد كل مطفوق ياشوق من خده كما ضوح براق=ليا مشى يمشي على هون برفوق طبعي كذا ودي على الطيب سباق=ومن قال أنا سباق أصبح بمسبوق نسعى نبا الطولات والقلب محروق=وهذي تياسيراً من الرب ووفوق وصلاة ربي عد مالاح براق=على النبي الهاشمي خير مخلوق  7- ماهي أول قصيدة كتبها الشاعر ؟ كما تعرفون أن أغلب الشعار اول مايطرق طرق الغزل وهي غزليه أليكم أياها يارأكب اللي مايداني المس=يعجبك لياصرت متعني محلا مرواحه غياب الشمس=وأديارهم قبلةٍ عني واليوم والبارحه ومن أمس=عينّ عيوني ينامني وهمك بقلبي حمسني حمس=حمس المحاميس للبني ومن شان بعدك شرية الجمس=يوم أن مواترك قفني 8- أبو مفلح بما أنك لاتـود أن نذكر العمر (( أطال الله بعمرك وأعطاك الله عزاً على عز )) سوف نطمع بك بأن تطرب مسامعنا في غزليه أخرى ؟  نطيت أنا يالقرم ناب الطويله=في ديرةً مضنون عيني نزلها ورى الحدود ولا بليدين حليه=وهنيت أنا يالقرم منهو وصلها أشكي عليك الحال حالي نحيله=بلاي ناب الردف حالي نحلها أبو جديلٍ فوق متنه يشيله=ريحة جبينه تشتبه من نفلها أبو خدودٍ مثل برق المخليه=ولون الشفا في سبلها ياليتها يالقرم ليه حليله=بنتً هنوف شفتها عند أهلها وسويد محمد مشالي دليله=حاله وماله يالسنافي بذلها ونزال أبن قطران رأعي الجميله=وجمالته يالقرم بيه عملها من مثله شكر الثناء يستويله=في هرجةٍ مكفوله عن زللها  9- أبو مفلح نود أن نسمع غزلاً ممن تحفظ لهم سواء من القبيله او غيرهم ؟ أبشروا كان الأمير // عبدالرحمن السديري رحمة الله طالع للمقناص ومعه القوضي أبن عطيه المرعضي ..... وعندما صادفوا أحد بنات قبيلة الروله عزمتهم بسم والدها للبيت قائلتاً (( تفضلوا حياكم الله على كيس رأعي البيت )) وعندما شاف كرمها وقوة شخصيتها أعجب الأمير في صفاتها النبيلة وأباء أن يدخل البيت وذلك لأن رأعي البيت ليس موجود. وبعد ذهابهم سأل عبدالرحمن السديري خويه القوضي أبن عطيه قائلاً :: منهي بنته هذي ؟ قال :: هذه بنت جرمان الرويلي قال :: وش أسمها ؟ قال :: ضحيه فـقـال الأمير السديري في قصيدته التي لا أحفظ منها الا: بالله بالله يالقوضي=كز الخبر ياصل ضحيه تعرض للقلب عاروضي=من شوفتي لرويليه ترى الحي يحيي الروضي=ويقرب الحي من حيه ملهي المرعضي الرويلي وأيضاً توجد قصيدة لشاعر // يـــقـــول فـــيـــهـــا ::: يام العيون المضاليلي =كتي وأنا أسند الوادي كانه صدق كل ماقيلي =قلبي تنزح بالبعادي تلقين وأنا القاء على جيلي=والكل منا ماهو غادي تري كثير المخاليلي =يابنت عندك هو البادي ودموع عيوني هماليلي =يرويبهن كل ورادي فـ أردف بقصيدة ثانية يقول بها: وش يجمع اللي حلاله خمس = للي حلاله ثمانيني يابنت بين مطلع الشمس = تتلين كثير البعاريني فرد عليه أحد أبناء قبيلة الروله من الكواكبه ولا أذكر أسمه ولاني حافظ من قصيدة سوى بيتاً يقول فيهما :: دونك ذلولي يارأعي الخمس = مني عطيت مسلميني عن الهواء قاطعين الرمس = لياما يكثرن البعاريني  10- مَن مِن الشعراء القدماء يعجبك شعره ؟ واذكر لنا أحد قصائده وما المناسبة أن وجدت ؟ الأسمر الجويعان العنزي قال الذي رأس الطويله وشعها=رأسه طويل ومدهله للقرانيس رجلي تشاتلني على مرتفعها=وقبلي لها عصم الشوارب عواسيس وين الذي قبل زماني طلعها=ماكنهم ركبوا ركابٍ عراميس هبيت ياقلبً تولعت معها=كثر الولع يجعل مصيرك مثل قيس مافيه مخلوقً تجنب ولعها=على النوايا خلق ربي مجانيس ورجلك لياضاقت لياليك طعها=سر القدم عن ضيقت البال لابيس الله خلق دنياء وساعٍ ربعها=ومشيك مع البيداء علاج الحواسيس لاتاصل اللي عنك رجله منعها=مايستويلك في محله مجاليس اللي يمسك زلتك ليا سمعها=خله وتلقى محرقين المحاميس شوفه رمد عينك وقربه وجعها=ومجالسه يبعث لهود (ن) مراميس ترى الرفيق الي يبين جزعها=عندك لياشان الغا وأشرف أبليس الي ليا صارت سباعٍ سبعها=ضرغام يعباء لسباع العضاريس ودارت رحاء الهيجاء وكثرة وقعها=ذخرك لياصكوا عليك المباجيس الي ليا نشقت عباتك رقعها=خلك لعينه عن رمدها متاريس  11- أبو مفلح كما هو معروف أن أهل الخير في كل قبيلة وفي أي زمان ومكان فهل لك قصائد مدح في أحد سواء من القبيلة أو خارجها ؟ (( أقصد بأهل الخير الذي يستحقون المدح أما لمجاورتهم أو ماشابه )) نــعــــم . فعلاً أهل الخير كثر ولله الحمد وكما قلت في كل زمان ومكان فقد قلت قصيدة في قبيلة بني صخر عندما كانت غنمي عندهم بديت باسم مكون المستحيلات=رب كريم وكل حيٍ يساله قال الرويلي من جزيلات الأبيات=ياخذ جزيل القاف ويترك هزيله ياركب اللي صمموه الخواجات=توه جديدٍ واردٍ بالوكاله يلفي لمنهم كاسبين الجمالات=بني صخر بالطيب ياجا مجاله نعمٍ بأبن زبن زبون الونيات=عز الدخيل ألي من الضيم جاله ونعمٍ بأبن فايز نهار المثارات=يخوض حومات الوغى في بساله ونعمين بالخرشان ماهي دعايات=عز الدخيل اللي قصيره حباله وقليل أبن حيدر راع الجمالات=عز القصير وعز من هو عناله مالي هدف يالقرم بنظم العبارات=لاشك نمدح من يحوش الجماله مافيه نقص ولنا قصور وعمارات=في ظل منهم حكمهم بالعداله لاشك شفي بالفياض العذيات=والعصر نشرف مانبا من جباله ومروبعاً بانيه بفروع الدميثات=والفرش زل ونجرهن مع دلاله طرق المراجل يالسنافي صعيبات=ماكل منهو من يبيها يناله ما تحصل الا في دروبٍ عسيرات=بالسيف والا بالكرم والخياله الوقت هذا بالقلم والشهادات=والضعيف اليوم ماحدٍ بحاله لو أقبلت دنياك تجزاك بقفات=تدور دورات الرحى والمحاله وختامها مني سلام وتحيات=على النبي المبعوث راع الرساله  12- أبو مفلح نحن بكل صراحه بحاجة وفي أمس الحاجه لما في ذاكرتك من قصائد وكنوز تحفظها أو قصص توردها لنا ؟ والله أنا لا أحفظ الشي الكثير ولكن سأحاول على قدر المستطاع أن أزودكم بكل ماعندي وأتمنى أن يحوز على رضاكم فيه قصيدة لأحد الشعار عن صيحة حصة ويذكر فيها الدريعي في أول أبياته يقول فيها :: صال الدريعي بالمظاهير والمال=كله لعين صيحة الوايليه وائل على صم الرمك والنضا صال=رغم الجموع اللي يتهزع قويه صلنا من الشنبل ليا قصر شلال=متجندين بالسيوف القضيه السيف شرع بالعلف والحمر سال=والخيل شربت من حياض المنيه والموت شرف والتحم زجر واقتال=وشيل النفوس بعيد شهر الضحيه تسعين يوم بيننا كر وانزال=شهرين والثالث ذبحنا بنيه ياوي خيال على كل خيال=عزي لكم ياعزوة الشمريه ماععاد نركب خيلنا يابن هذال=ولا تلكد بعقوبنا معنقيه لو مافعلنا كلنا حسب الانذال=لا شك جتك جموع وائل سويه تحفلي يابنت ماضين الافعال=وارواحنا من دون ضيمك هديه ** يقصد ببنيه أي الجرباء  وأيضاً سأورد لكم قصيدة الحصنية وأعرف أن الكثير الكثير منكم يعرفها جيداً او ربما تكون مدونه في المنتدى ولكن الهدف من ذكرها (( لعل في التكرار الفائده التي نرجوها من لهم صله بالاعلام )) وذلك لانه في يوم من الايام القربية والتي ليست ببعيد كنت أمام التلفاز أشاهد قناة الصحراء وتبث حفل خاص بالأمير محمد السديري وأورد عمير العتيبي هذه الأبيات وذكرها بانها لأحد أبناء الشرارات وهذا الكلام ليس صحيحاً وليس له أساس من الصحة نهائياً وهذه القصيدة عـام 1389 هـ وهي لشاعر /// ذياب أبن عقيل المرعضي الرويلي ومازال على قيد الحياة ويسكن محافظة طريف فـــقـــال فــي قــصـــيــدتــه :: حصنيتي عرطت بالقاع = قامت تلسن تقل حيه السلف ماينحزم بارقاع = ولاظل بالجيب خرجيه هنيت الي فروته تنباع = يشري قلن زيت واميه فرد عليه // فرحان أبن ملهي المرعضي الرويلي على نفس القافيه قـــــائــــــلاً ::: يالي تبي فروتك تنباع = وتشتري قلن زيت وأميه كانك لنصيحتي سماع = حضراك عن كل حصنيه راع الحصنيه لونه جاع = يصبر ويخسر على أليّه جابها التاجر عليه أشراع = يكثر مديحها ليه هديمةً والخشب لماع = وحتى الكفارات ملويه تقيف بصدرك ولا تنباع = جيزت نصارى ومسيحيه مشوار عودٍ على مركاع = لوهو نهج ماضرب نيه واليكم هذه القصيدة لشاعر /// رمضان أبن ذرب القطعي الرويلي بالشيخ /// ورنس الشعلان رحمهم الله يــــقـــــــول فــــيــــهـــا ::: ياما حلى ركبة الحنتور = منوة غريبً نصى حيه من الطايف متوجه (ن) لجفور = يبغى الحدود الشماليه يلفي على شيخنا المسطور = اللي سكن بالبغاليه خلى الحكومه تهاب الدور = ولا تمشي لضمير دوريه  وسأورد لكم قصة من احد القصص التي حصلت لشخص يدعى /// عارف أبن سره المرعضي الرويلي في السبعينيات جاوروا شمر على احد الجويه وبعد ما حصل التزاور بينها واصبحوا عرباً واحده ولا توجد بينها أي تكلفه كم هو معروف ان شمر رجال يزاحمون على الطيب ولا يريدون احد اكرم منهم سواءٍ بالطيب او الشجاعه وهذا امر ليس غريب على قبيلة شمر العريقه .. في يوم من الايام كانوا مجتمعين في بيت من بيوت شمر وقالوا لصاحب البيت بما انه طيب أيهما اكبر صينيتك ولا صينيت عارف ابن سره تخالفوا على ايهما اكبر فقالوا نجيب حبل ونقيسها ونشوف ايهما اكبر فقام الشمري على فلاته (( أي على نيته )) وجاب لهم الصينيه التي يقدم بها الطعام وقاسوها بالحبل قالوا لعارف ابن سره جب صينيتك قال لهم هالحين ماني منقلها من بيتي عشان تقيسونها لكن بكر ان شاء الله تقهوون عندي واجيبها لكم وتقيسونها على راحتكم قالوا زين الوعد بكره ان شاء الله فلما أتوا له على الوعد بعد القهوه وجاب الصينيه فاذا فوقها خاروف على كبره فوق صينيته فقالوا الشمامره هذا الطيب يابعد حييّ ماهو انت جايب صينيتك تنقلها اذانها تلولح .. 13- أبو مفلح ما أخر قصيدة كتبتها ؟ يوم الجمعه الوافق 1430/5/27 هــ سـافرت أنا ومجموعة من الجماعه وهم عبدالله نازل الخطيب وزايد أبن نعوم العطيب ومحمد بن صلف الى هجرة أصفان بدعوة من الشيخ // حماد أبن نصير لحضور أجتماع يخص القبيلة وقلت هذه الأبيات مع خط حايل ناصين أصفان = يم الجماعه مساييري باغين يم ربعنا العوجان = أبغى أعلمك يانصيري بلكون حماية الأضعان = هل السيوف المشاهيري ماتطيع رأي الردي كوبان = اللي يهاب المخاسيري  14- أبو مفلح كلمة أخير تود أن تقولها أو قصيدة لم نسالك عنها تحب أن توردها لنا ؟ بصراحه أحب أن أسمعكم هذه القصيدة لي بـالـعـقـيـد // شـاقـي دخـيـل الــرويـلــي عندما كان بالقريات وكان ومازل أعز الأصدقاء لكن الأيام فرقتنا وأنتقل الى الجنوب ومن ثم الى حائل ومن ثم الى الجوف والان مدير // لشرطة دومة الجندل فأمسي عليكم وعليه بالخير اولاً وقلت فيه هذه الأبيات عـام 1406 هـ وهي تعبر عن نفسها يارأكب من فوق سته وثمانين =جمسً جديد مجهزً بالكلايـــف كزه لشاقي شوق سيد المزايين =بيض الخدود محيمرات الشفايـف ويته وقله يازبون المحلين =لأعاشوا الأنذال هم والهدايــف حيثه عزيزً من ربوعً عزيزين =ومن لاطلع مثله حياته حسايـف قله صوابي ساطين بين ضلعين =يأبن الرجال مزبنين كل خايـف والبارحه سهران مانامت العين =ماهو على المجمول ناب الردايـف مادام جتني من ربوعً قريبين =ماني على الدنياء كثير الحسايـف  15- كلمة أخيرة يا أبو مفلح تقولها لأعضاء منتدى قبيلة الرولة الرسمي الذين يسعون في جمع تاريخ أهلهم المشرف ؟  أقول مشكورين مشكورين ويعجز لساني عن شكركم بعد شكر الله سبحانه وتعالى وأحثكم على هذا الشي وقصائد الخير واما التاريخ من حق كل شخص أن يحتفظ في تاريخه وأشكركم وأشكر مدير المنتدى وكل الموجودين في المنتدى من أعضاء وفقهم الله لكل خير وبلغوهم سلامي الحار عليهم جميع لان هذا أمر يفرح الجيمع ويسعدنا سواء أنا او أفراد القبيلة جميعاً وأكرر شكري لهذا المنتدى وبهذه الطريقة التي يسعون فيها لجمع تاريخهم ولهم من كل الشكر والتقدير والدعم المادي والمعنوي واما انا اقول عن نفسي شخصياً أنا مستعد جميع ماتحتاجونه مني كفرد من أفراد قبيلة الروله ونحن قبيلة كالقبائل الاخرى زاخره بالأفعال وعمل الخير والولاء لدوله أعزها الله في قيادة // خادم الحرمين الشريفين  وهذه الصورة التقطت لذكرى أنا والشاعر القدير وأخي فهد زبن الرويلي .  آخر تعديل فهد زبن الرويلي يوم
07-25-2009 في 10:01 PM. |
|
07-16-2009, 11:23 PM
| #2 | |
 | وألف نعم بضيفنا الكريم وياهلا ومرحبا فيه بمحله عز الله أبو مفلح كتاب من التاريخ وثروه صح لسانه مليون ونشكر أخونا العزيز أبو فاطمه على هذا الجهد المميز وهذا اللقاء الشيق الممتع جهود مشكوره وليتنا نقوم بنصف ماتقومون به | |
| |
|
07-17-2009, 01:38 AM
| #3 | |
|
عضو ذهبي
| الله يعطيكم العافيه جميعا وهذه اللقاءات الرائعه هي مانريده وكما قال ابورسيل ليتنا نقوم بنصف ماتقومون به جهد ممبز للغاية ماقصرت ياسالم ولقاء مبار ان شاءالله وبلغ سلامي لابومفلح والله يمد بعمره ويخليه | |
 |
|
07-17-2009, 08:49 AM
| #5 | |
| والله ونعم بأبو مفلح ونعم بكم وعساكم على القوة دوم جهود في صفحات التاريخ أخوي سالم وأبو حنين والي خلف الكواليس خالص شكري وتقديري وآحترامي 00 | |
| الهاجس اللي يوم صديت خلاك يعينه الله وآنت حاسب ضميرك  |
|
07-17-2009, 09:45 AM
| #6 | |
|
متواصل
| راكب اللي زاهيه برم الحنيـّه=ماركة ( جي أم ) يعجبك انطلاقه مدفوعٍ به كاش ميّه فوق ميـّه=من حفيزه جيب ‘ مضمون البطاقه بالمواتر ما اذكر لي جيب زيـّه=صنع الأمريكان ‘ مصنوع برواقه لا سحب مع السّهال الجرهديـّه=لغاية السّواق يزداد اشتياقه ما قطع راعيه وسط المهمهيـّه=غير حكمة ربنا ما شي عاقه ما يوقّف دون ابو مفلح ‘ بفيـّه=ذاك اللي يمناه ‘ ميزتها الطلاقه طيّبٍ طيبه كما وبل ابرديـّه=ترعد وبرّاقها زاد انشعاقه ما مدحته مقصدي نيل العطيـّه=لـكن الموضوع يسمح لي سياقه من اربوعٍ وصفها بأهل الفضيـّه=يوم بعض الخلق يشكي من ضياقه بالحرايب ما يهابون المنيـّه=يشربون العذب من قبل انطراقه والله ونعم بأبو مفلح .. وانا اشهد انه ما توفّيه حروفي مهما كتبت عنه .. فأحب أن اقدم له الشكر الجزيل على تطرقه لقصائدي هنا .. وهذا ليس بغريباً على ابو مفلح .. عسى الله يطوّل بعمره ويخليه . كما احب أن اشكركم على جهودكم المبذوله .. وفقنا الله واياكم ِلما يحب ويرضى . دمتم بخير ،، اخـوكم / غــازي الــرويــلي ‘ | |
|
من اربوع(ن) نزلها بروس الهضاب=ما رضت تنزل مسيل اشعابها صيتها امن افعالها وصل السحاب=باللقى كل(ن) يعمل احسابها على حياض الموت تدحم ما تهاب=ويوم عصر السيف كل(ن) هابها لو ارماح أعدائها مثل الضباب=ما رجع .. ؛ من حاجته ما جابها ما عرفوا كلمة هزيمه وانسحاب=والمنايا .. ؛ ما خذوا بأسبابها! |
|
| الكلمات الدلالية (Tags) |
| معيض راكح, الجوف, الروله, الرويلي, ابن نصير, حماد النصير, رويع عبيد, غازي عريعر |
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
