بسم الله الرحمن الرحيم
السلام عليكم ورحمه الله وبركاته

/

\

الشيخ / النوري بن فواز الشعلان
والشيخ / فليح بن مرشد الشريفي

الزياره تاريخ لا ينسى
وحكايه يحفظها الحضور ..للأجيال ..
بكرم الورود على نثر عبيرها بأنفاس المحبين
عندما يكتمل القمر بدراً..
بحضور الشيخ / النوري بن فواز الشعلان ..
تشرف الشيخ / فليح بن مرشد الشريفي /
بإقامه وليمه عشاء بأسم قبيلة الرولة بالقريات ..
بمناسبه خروج ابو دحام من العارض الصحي الذي ألم به
مؤخراً ومنً الله عليه بالشفاء
وقد حضر هذه المناسبه مشايخ واعيان قبيله الروله وقبائل
أخرى .. وحضي الجميع بحسن الأستقبال ..
وكرم الضيافه الأصيله..
وكان.. على رأس الحضور /...
/

الشيخ عفات بن محمد الدرزي
الشيخ حماد بن سعود بن نصير
الشيخ فايز بن مساعد البنيه
الشيخ هزاع مناحي الحمادي
الشيخ عبدالله بن مطير المسعر العنزي
الشيخ / محمد زعل المجيد
الشيخ / على عزام المجيد
الشيخ/ حمود عفات المجديد
ومناحي بن غلمش الرويلي
الشيخ محمد بن فرحان المعجل
الشيخ محير بن عافت ابن جندل
الشيخ محمد بن غضبان المعجل
الشيخ المدي بن حمير البلعاسي
الشيخ محمد مياح الفقير
الشيخ حسين بن علي الأيدا ..
الشيخ مزكي نهار العازمي.
الشيخ سالم رحيل الذمار.
المهندس عدنان بن سليم الذمار
الشيخ عيد محمد ابو ذراع البلوي
الشيخ سلامه بن ولمان العازمي
الشيخ محمد بن ابراهيم ابو شامه البلوي
الشيخ مرزوق الصايل.
الشيخ محمد المذهن
الشيخ سعود الخميس
الشيخ محمد الفندي العنزي
الشيخ احمد بن راشد السهر
وكان من ضمن الحضور
الأعلاميين /..
عبدالله فالح الرويلي
هزاع دحل القهيوي الرويلي
محمد الريض العنزي/ مراسل جريده الجزيره
على العطشان البلعاسي/ مراسل الوطن
وعند وصول الشيخ النوري بن فواز الشعلان..
مقر الحفل يرافقه..
صاحب الحفل الشيخ فليح بن مرشد الشريفي
والشيخ / عفات بن درزي
والشيخ/حماد سعود بن نصير
والشيخ /فايز بن مساعد البنيه
والشيخ/ هزاع بن مناحي الحمادي
ومناحي بن غلمش الرويلي
وكان في استقباله ..
الشيخ مفلح بن مرشد الشريفي
والشيخ داغش بن مرشد الشريفي
والشيخ سعد بن ماجد الشريفي
أستقبال كانت تغمره رائحه البن لتصنع لنا فنجال قهوه الشريفي
التى طاب لنا مذاقها ..
طيله تلك الأمسيه التى أحتفى بها ابناء الروله وكانت بدايه حفلنا آيات من الذكر الحكيم ..

رتلها / عمر عبدالله غضبان الرويلي
وقد قام بإلقاء كلمه الحفل نيابه عن الشيخ / فليح بن مرشد الشريفي
الاستاذ/ عواد عبدالرحمن الرويلي

/

/

وبعدها تقدم / مقًدم الحفل الأستاذ/ سعد ناصر العماوي الرويلي
وكانت البدايه مع الشعر /في قصيدة ترحيبيه
القاها الشيخ/داغش الشريفي

ياشيخ ابو دحام ميّة هلا فيك = ترحيبة الابناء بالوالد البار
باسم الشريفي والقبيلة نحييك = تحية مودين صغار مع كبار
انت الامير ونايفاتن مماشيك = عقب الاسود اوافيين بالاشبار
شعلان يوم الخوف تاطا المداريك = ترعى قفور الدّو بالسيف بتار
انت الامير وواضحاتن مباديك = عز القبيله بين عربان الاقطار
نفرح بشوفك وجميعاً نهنيك = وندعو لك التوفيق بالسر وجهار
تشهد لكم بالطيب كل المماليك = اللي سكن بره واللي بالابحار
عسى السعد فالك وتنور لياليك = وتلحق مرامك يانجل الاحرار
لك الولا منا وفعول ترضيك = سلوم الاهل واجدود ماغيرها خيار
ربعك هل العليا بالروح تفديك = اهل الوفا والطيب من ماضي الادوار
وعاش المليك مفكك الصعب تفككيك = سبع السباع وللمعادين دمار
وصلاة ربي عد نجومن مشابيك = على شفيع الخلق صفوة الابرار

بديت بأسم اللي قمع كيد الأشرار=ربَ كريم كل حي يساله
رب كريم يرزق الطير لاطار=اللي خلق بأمره حلال وحرامه
من بعد ذكر الله نظمت الأشعار=بأهل الوفاء والجود وأهل العداله
آل الأسعود مساعده كل محتار=إما مرض وإلا.. قليلاً حلاله
لو أتجهت ودرت في كل الأقطار= مثل عبدالله .. مالقينا بداله
عبدالله اللي كنه السيف بتار = كلاً يقول ونعم لاجاء مجاله
عسى الولي يحميه من كا الأخطار= اللي لجل شعبه بذل كل ماله
زاد الضمان وحط مشروع الأعمار=عمره يطول وكلنا في ظلاله
بزياده الراتب تخبرن الأخبار = مطلاع شمس مايبي له دلاله
كلمه وفا نقولها سر وأجهار =أنا فداه وكلنا .. من عياله
وصلاه ربي عد ماهلت أمطار =على رسولاً نهتدي في مقاله

بديت بأسم اللي لنوره شعاعي =رب عظيم عالي في سماها
من بعد تعظيمه ذكرت الشجاعي=أبن الشيوخ اللي يذري ذراها
النوري الشعلان للخير داعي =بالصلح يسعى والنفوس أحتواها
نفخر بفعلك يالكريم الشجاعي =اللي علومك عالي مستواها
قليل مثلك ياحميد المساعي =إلا الذي باالطيب نفسه هواها
تبي الأجر يا شيخ بأم تراعي =بنفس بقتل نفس ربي بلاها
وصلاه ربي عد رملً بقاعي= على رسولً سنه الله مشاها

وقفت من فرحتي وابي أتمثليا = في ليلتن من حلاها تشرح البالي
فيها الفرح والسعادة ما تخيليا = عن عزوتي قلت بك ياشيخنا الغالي
وأمر على الحرف ياقف وارفعه باليا = مشان اسوي على كيفي بالامثالي
ولجور الايام نصبر ونتحمليا = والفضل لله دايم كل الاحوالي
واهني النفس وربوعي هل العليا = وربعي بني وايل اللي قدرهم عالي
على سلامة راعي الطولات والعليا = في شيخنا النوري الشعلان من بالي
شيخن فعوله فلا يوجد لها حليا = يوم الايام بين المر والحالي
مزبان من ظامته دنياه مبتليا = الله يديمك لنا ياراع الافعالي

الحمد لله على حكمه وتدبيره = والعبد بامره خلق منهي وماموري
الواحد القادر المعبود ماغيره = زال الغمامه وعافا شيخنا النوري
عم الفرح بيننا وانزاحت الحيره = والكل منا بشوفه صار مسروري
يقولها العبدلي ياصاغ تعبيره = عن القبيلة وقّفت وقايم بدوري
قولوا معي يالرفاقه جعلها خيره = والمسلم المبتلى عساه ماجوري
وصلت لربعي بني وايل تباشيره = على سلامة راعي العليا راعي الشوري
هذا ابو دحام بالتاريخ له سيره = يبقى ذخرنا عن الميلات والجوري
يا بعدها نظرته من حكم تفكيره = انا اشهد انه على الطولات مسطوري
هذا ابن شعلان يوم الوقت به ذيره = تشهد له ايامها وسنين وعصوري
يوم الشدايد وبين انكاف ومغيره = فعله مع المجد ساد البر وبحوري
وراه ربعه هل العليا مناعيره = اهل الفعايل وفيهم كل ممروري
اهل الفضيه وكم مظايق تجيره = وان جاهم المبتلي يعيش مستوري
ينزاح همه ولا تطري مشاويره = يرتاح كانه من العدوان مذعوري
وابذكر اللي جمعنا بفضله وخيره = فليح اللي على النوماس مذكوري
مثله على العين وق الراس تقديره = من يكسب الطيب عند الناس مشهوري

جينا فرح في شوفتك يابو دحام = واستبشرت بك كاف مع القريات
وبحر الشعر موجه على خافقي زان = وجن مفرداته كالمهار الاصيلات
وقلته وانا حبكه على مثلي الزام = اذا وقفت امام ساس البطولات
وان كان شعري ماوفا بحق مقدام = حرام تنسب لي جزيلات الابيات
لن الشعر مثل الذهب وزنه جرام = وتبقى له القيمة على طول الاوقات
انا لياقلته فيك تراي منلام = الجزل يكتب له بيوتن جزيلات
وبك يفتخر شعري ويلبس بك وسام = وفيك يتقدم عن سطور السجلات
لانك شرف من روس وايل والاعلام = مضرب مثل للمسهلين الصعيبات
بولاد فولاذن ولا جا بك الحام = واضافرك تكسر عظامن قويات
يالنوري الشعلان ياساس الاكرام = مقدم هل العليا نهار المهمات
بياعة الاعمار في وقت الاسوام = ان صار مع رهيمهن عج واصوات
وحمي اللقا بشرورها وطيرها حام = وسال الحمر بين صوباها والاموات
وعدوكم يبي فكوكا ومهزام = ولا هو مطاولكم على كسب طولات
يقصر نويه يوم صرتوا له اخصام = والعج ماهزهز جبالن رفيعات
ومعروف من ا لعملاق تخاف الاقزام = يوم العرب من بين صوله وجولات
وربعك رويل مزبنت كل من ضام = من لاذ بحماهم يشوف المسرات
ياسعد من صاروا على صلبه احزام = في حزتن بها المواقف خطيرات
واليوم بفضل الله ثبت دين الاسلام = صرنا اخوان وراح دور القوامات
وسادوا بها ال سعود قاده وحكام = وفي كل حين رافعين المنارات
وينعم بلدنا في رخاها والانعام = حكومته ماهي بمثل الحكومات
من رادها في سو خشمه به اخزام = ويكلبشون الاربعه بالكلبشات
وحييت يارمز الوفا ضيف الاحشام = وحياك ربي مضيف الشريفات
رجالا لفعل الطيبه عندها إقدام = كرم وطيبن مع نفوسن خفيفات
عند ابو نايف فاعل الطيب جزام = فليح اللي مايهاب الخسارات
وصلاة ربي والتحيه لها ختام = على نبين جاب فرض الصلوات

بديت باللي شاكرينن حميده = فضله على كل المخاليق زايد
رزاق رمل ترابها مع عبيده = محيي غصونن بالياتن همايد
فكري تهيض وانتويت القصيده = وعندي على بدع المثايل شهايد
آخذ جزيل القاف واترك هميده = واتعب على معناه لو كان كايد
ماني زبونن للبيوت الزهيده = افيد واقبل نادرات الفوايد
فليح دعانا والمسافة بعيده = متكلفن للشيخ والقدر زايد
عز الله انك يالشريفي وليده = من وكر حرن نايفن بالصعايد
من لابتن يوم الملاقا عنيده = حمر النواظر بالسنين الشدايد
والشيخ ابو دحام يزهى حميده حكيم راي وماضين له عوايد
له وقفتن ماهي علينا جديده = هرجن صحيح ومثبتن بالوكايد
شيخ الجلاس وقايدن كم بديده = يرسي لها لو قالوا الحمل كايد
الصاطي الضرغام صافي الحديده = يفعل لنا وحنا علينا القصايد
ومن دون ما نقول فعله شهيده = اعتق رقابن سجنت للقوايد
ومن قدره ياعل ربي يزيده = واجب علينا نشكره بالجرايد
الفضل لله ثم دولتنا الرشيده = بظلالها عن حاميات النكايد
بامن وامان مطبقين العقيده = يا عاهدوا مايخلفون الوعايد
من فضلهم كل يحسّب رصيده = خلو لنا جرد الصحاري حصايد
ومن جود ربي كل يومن سعيده = عن الزلازل والمحن والضهايد
تلقابها من كل شين تريده = ما دام ابو متعب على الشعب قايد
رفرف علمها بالسعد كل عيده = قامت تطور كل يومن بزايد

هب النسيم وفاح عطر الشمالي = وغنا الحمام وجاز ليه هديله
ليله ولا هي زي كل الليالي = ليلة عمر حلت علينا جميله
اعيش فرحة جو ليلن صفالي = واعانق اطياف الزمان الجليله
واقول طاب الكيف باصفر دلالي = ومزعفر الفنجال زودت هيله
في واحة الاشعار ماني لحالي = لكني اعشق صوغة المستحيله
آرد حياضه وارتويه الزلالي = اروى صفاه واتركه مع حثيله
اليوم له معنى ومكان ومجالي = ولابه مكانن للحروف الهزيله
دام الهدف عالي وعالي وعالي = الشيخ شيال الحمول الثقيله
نعم هو النوري بقدر وجلالي = حياك ربي يازعيم القبيله
ياللي مكانك فوق روس العوالي = بنيت قصرك فوق راس الطويله
ياسيدي مدحك جميل وزهالي = وقولن على الافعال مابه فشيله
مع احتفال الدار فيك احتفالي = ومن نبع شعري فاض لك سلسبيله
لو كان ما ينصفك مني مقالي = حيث انك اكبر مع كبير الحصيله
فعلك كبير وما بفعلك جدالي = فعلك شفا قلوب الرجال الغليله
حميت روسن هددت بالزوالي = واصبحت عن موته كفيل ودخيله
ومن ماله اول مايجي فيه تالي = ومن لا حلب تطوي الليالي صميله
دامك ولد فواز ياهم ملالي = فواز ما مثله بوقته وجيله
فواز شيخ رويل شيخن مثالي = وانتم على نهجه بنفس الفصيله
وحتى الجلاس بأمرته بالكمالي = اقول هذا وفيه عندي دليله
ومازلت انا وربعي لشخصك نوالي = سوالمه والقول ربي كفيله
وللي جمعنا رآيه اتلالي = شكري لبو نايف بوافر جزيله
وحمر النواظر دوم عندي ببالي = والنعم فيهم كاسبين النفيله
اللي ليا طابوا رخص كل غالي = ولا يذخرون لموقف الطيب حيله

دعانا رفيع الساس من يعمل المعروف = ابو نايف اللي شارة الطيب صايبها
من اسره كريمه عند كل الملا معروف = على العز والنوماس تسموا مراتبها
رويلي من رويلي لهم للسيوف سيوف = اليا ثارت الهيجا وشبت حرايبها
يخوضوا حياض الموت لو الجموع صفوف = زبون الدخيل وريف منهو مطانبها
اقوله على وضح النقا والنقا مكشوف = يوضح خواطر وصفنا ما يعيبها
واهلي وارحب فيك والحاضرين تشوف = وروحي ليازلت ترى الله يحاسبها
اقول الحقيقه من ضميري لحن معزوف= بطرقن جنوبي يوم فكري تغنابها
هلا ياهلا يالنوري ألوف تلو ألوف = عدد مارعد الرعاد وهلت سحايبها
من اسره عزيزه جارهم مايجيه الخوف = تدوس الافاعي سودها مع عقاربها
شعالينن لياحل الحرب دق دفوف = تناخوا هل العليا ثنو دون مركبها
شيوخن ويشهد كاف واللي سكن بالجوف = وجميع القبايل شرقها مع مغاربها
لكم في سما العليا منابر سمت بالنوف = على سالف الازمان لليوم نحسبها
بيوتن تعز اللي دخل والضيوف ضيوف = على دلة البغداد والهيل فاحبها
خلطها العويدي وشفها يبري المشغوف = دوى عين عمسانه تكفت حواجبها
ونزل من جبينه مي وانباح صفو الشوف = وتهلهل عقب جفنن سنا القيض لاهبها
وصياني تقلط منوة الجايع الملهوف = يقلط بها حايل من النوق جايبها
محيطن عليها من الهرافي صفوف صفوف = نقوهن من قرح الضين جالبها
اكرر هم الشعلان مانورهم بكسوف = كما ضو شمسن بعد ما الغيم حاجبها
وعزوة هل العليا مدحي لهم مخلوف = يعدون جار البيت جملة قرايبها
يمينك شمالك طوف ياتي وراهم طوف = سباعن على سرد السبايا مراكبها
زمانن مضى واليوم منهو حذف محذوف = شريعه وخير وعز والشعب عاش ابها
واثني على طيب لدى ربعته مالوف = كريم السجايا خزنته ما يحسبها
من أي البدايد نمدحه والعباد وقوف = اليامن ولد اللاش شاته يشحبها
ليامن جاه اللي شكا قلة المصروف = جبينه بوجهه اللي نصا مايقطبها
كريمن كريمن والردي ماعليه حسوف = لياراحت المايه جلس يوم يندبها
اقوله وانا ماني بوصف الردي مكلوف = رجالن تعرف وسومها من تجاربها
اقوله وانا لي لابتن والسنين بخوف = قضاعه بلي ربعي تنومس مناسبها
لهم منزلن بالطيب مايهزهم عاصوف = رجالن على الطولات تحفى ركايبها
رواسي تذري من مقره على شفشوف = تصفق به الدنيا وصلفن هبايبها
زمانن مضى مافيه كاف ولا مكفوف = حرارا تعشى من فرايس مخالبها
اقوله بدون قصور حرفن تلته حروف = جميع القبايل ثرى النبك حتى ابها
وجميعن ترانا في ذرا الواحد الرؤف = جميع الخلايق والمقادير كاتبها
وثم بذرا حكامنا امنين الخوف = ولحيه ليانوت نيه تحلق شواربها
حجانا اليامن المواطن وطته ظروف = ولو ودي اكتب مانعدد مناقبها
ذرانا عن النكبا ليا ذعذع الشاغوف = وربيع الياتاما اللي طنا الموت صايبها
كلامن صحيحن ماتكلم به الملقوف = قوافي توارد عن هل الملك نكتبها
بجمله صريحه بدون عاطف ولا معطوف = ملوك الجزيره جيش بغداد مارعبها
عسا من نواهم بالبلى ينعمي مايشوف = توارد عليه من الليالي مصايبها
تجيله قبل مايموت بقعا تلوفه لوف = ويفنا وتفنا الشرذمه مع كتايبها
وصلوا عدد منهو صلى بركن الطوف = على الرحمه المهداه للناس قاطبها

الشيخ النوري بن فواز الشعلان
مع مشائخ قبيله الروله

/

الشيخ / عفات بن محمد الدرزي
شيخ عشيره الدغمان من الروله
/

/

الشيخ عفات بن محمد الدرزي
الشيخ حماد بن سعود بن نصير
الشيخ فايز بن مساعد البنيه

/

لم ينسى المشرفين على الحفل
الزحمه باالصاله ..
وتم وضع البروجكتر ..
الذي أتاح للجميع المشاهده بالخارج
كما في الداخل ..
/

\
ضيوف الحفل / والشيخ محمد ابو شامه
اول الصوره يسار..

/

/

الشيخ النوري بن فواز مع الشيخ الشريفي
وشقيقه / داغش الشريفي ..
/

الشيخ النوري الفواز
مع
محمد وريد أبو صلعى
وترحيب بقدومه .

هنا مع /
مطلق بن راجع الدليان..

ننتقل الآن للدحه ..
حيث كان لها حضورها الصاخب
الذي يعيدنا الى تاريخ مجيد

/

وهنا يمين الصور / سعد الشريفي
الذي أبلاء بلاء حسناً تلك الليله ..

/

/

/

هنا ابو دحام بعد مشاركته
باالدحه ..

\

/

/

هنا صوره جماعيه بعد أن تناول الغداء
بمزرعه / الشيخ فليح الشريفي
مع أشقائه ..
مفلح الشريفي وداغش الشريفي
/

/

كما للقاء حلاوته للرحيل مرارته ..
هنا ..
أنتهت تلك الأمسيه التى لن ننساها
على مرً السنين ..

/

حفظك الله يا ابو دحام
إينما حليت ..

/
هنا وهنا فقط ..

تتقدم أداره منتديات قبيله الروله
الرسميه ..
باالشكر والتقدير
للأخوان ..
ناصر الشريفي
عناد الشريفي
مشعل الشريفي
على جهودهم لأخراج هذا الحفل
على الشبكه العنكبوتيه ..

بقلوب يملؤها الحب والوفاء نتمنى للجميع
الود والتقدير ..

أداره منتديات قبيله الروله
الرسميه

عساكم على القوه
شكرا اخونا الريشه على الموضوع الاكثر من رائع
ماهي غريبه عليكم