ارتسم طير السعد فيني وبان=وان تغلّى القلب تفضحْهْ العيون
يوم شقّت لهفتي ضحكة ليان=شيطنة شعري رقت عرش الجنون
لاجل ينبوع البراءة والحنان=بي تفجّر لاجلها جُبٍ حنون
يرتسم بعيونها دفء الأمان=ويسكن بأحداقها سحر الفتون
ورمشها سيفٍ ملك جوّ المكان=لاارمشت به حولها ضجّ السكون
والخشم له عندنا مليون شان =كنّه يحادثك إنته من تكون ؟
والشفايف توت عنّاب ولبان=والشهد من سكّرٍ فيها (بدون)
خدّها اربك زهور الأقحوان=والبسه عقب الوَنَس ثوب الشجون
باختصار: اْلهامي لسحر البيان=واسمعوا مااقول ياللي تسمعون
العجايب سبع ( واللّونه) ثمان=طفلةٍ صارت على الفتنه تمون