(م)اهو غلط يوم أفتخر بالقبيله= قبيلتي وأفخر بها بكل لحظات
(ن)وراً سطع وسط السماء يالجميله= وبرقاً تلالا وسط كبد السماوات
(ت)درين أنك غايتي والوسيله= وتدرين أنك وسط الأعماق بالذات
(د)مي رويلي بالعروق النحيله= تشربه جسمي بكل التجهات
(ا)هل الفضيه أسمنا ونحنيله= ودخيلنا ما شاف غير الوناسات
(ق)امت بفضل أهل السيوف الصقيله= المجد يرقى يم عالي المقامات
(ب)اقي القبايل حقها مانجيله= وفعالهم مسجله بالسجلات
(ي)شهد لنا كافً بعالي الطويله= رمزاً بقى على الحزوم الطويلات
(ل)تحسبنا جاهلين قليله= حنا روله تاريخنا مايبي ثبات
(ه)ات الذي عندك وبين دليله= واثبت بان الي نقوله دعايات
(ا)صغر رويلي لاوقف تلتجيله= وشلون لاصارت جموعاً غفيرات
(ل)يت الزمن يرجع بصبحه وليله= ويلتم شمل قلوبنا بالمسرات
(ر)يح ضميرك دام قلبك مليله= مادام بان المختفي بالمتاهات
(و)الله لو تلبس على الراس شيله= اشوى وتاخذ لك معاها عبايات
(ل)ون سال السيل وادرج مسيله= دربه خضر ممشاه بين الممرات
(ه)بت رياح العاصفه بالثقيله= ولا تزحزحنا رياح(ن) ثقيلات
(ا)لطيب فطنه والردى لرذيله= وحنا كسبنا الطيب بكل العلامات
(ل)له يامسكين واعزتيله= الدم يغلي بالعروق النحيفات
(ر) اح الذي علمه علوماً جزيله= ويسلم لنا الباقين عن كل هفوات
(س)اسً أصيل وساس سيس سبيله= وأسس لنا دوله بكل السياسات
(م)امات شيخ المرجله والفضيله= تراه حي(ن) بيننا مابعد مات
(ي)المنتدى تبقى رموزك أصيله= تبقى لنا حاضر وماضي لنا فات