لعيونكم ربعي تطيب الجيّه=ياعزّ شامخ في سما الشرقيه
حقٍ علينا نلفي نشارككم=ركابةٍ وإلا بعد رجليّه
لاجل انكم فخرٍ لنا يالعزوه=والنار في فعل المراجل حيّه
شوفوا فلول الشوق جوّا قلبي=لمعانق ورود الغلا الجوريّه
للملتقى اللي به شموخ الهامه=اللي شعاره (فزعه رويليّه)
فيه التآخي والغلا واللُحمه=ظلٍ ظليل وكل اخو مع خيّه
قاموا به رجالٍ عراض الهقوه=ونفوسهم باغلى الذهب مطليّه
حرارٍ عزيمتهم تفلّ القسوة=وقوة إرادتهم به مبليّه
تحملوا جهدٍ على عاتقهم=بالعدّ واحد والعزم عن ميّه
ايجمعون الشمل في مبسمهم=وبلسانهم كلمة هلا ويا (حيّه)
وبكفوفهم بيت الكرم ورواقه=وبقلوبهم طيبتهم الفطريّه
انتم بحقّ العزّ واهل العليا=والله نفلتوا عزّها وشويّه
يحق للعليا تنومس فيكم=يااهل الفضيه والنفوس الحيّه
ماهو تصنّع طيبكم لا والله= اصلا كذا الطيبه بكم عفويّه
يفداكم اهل الحسد واهل النمّه=ورجلٍ فعوله بالردى مطفيّه
انا اشهد ان المرجله تزهاكم=والمدح لبّسكم مداه وزيّه
آسف ظروفي وقفّت بدروبي=طوّعتها لكنها صخريّه
كلي معاكم بالفكر وشعوري=لو غاب جسمي تحتويه حميّه
ابلتمس عذرٍ يغثّ لساني=من طهركم تقدير ظرف الجيّه
الله يعلم كم لكم بعروقي=ياشمس قلبي وانفراجة ظيّه
والعذرمنكم عن قصور حروفي=تدرون !! هاكم فكرتي وايديّه
وختامها والله والله والله=كلّي فداكم يااهل الشرقيّه

القلب يفزع والجوارح حيّه===على هتافات الفخر والتيّه
ماشفنا منكم يالقرابه سيّه====اكبر فخرنا الفزعة رويليّه
هذي هي العليا تنادي وينك==يارعي العليا وصافي النيّه
جمعه تداوي جرح من لايجرح==ياغير يرمي اعداءه المبليّه
قولوا لبوسامي وانا ويّاكم===ياهل النقا واهل الكرم ياحيّه
قولوا لبو سامي وابو القافيّه===لو انْـك حضرت تصير تاريخيّه
والله يخلي من بدا بالفكره==واللي سعى لجمع الأخو مع خيّه
هذي مشاعرنا وهذي الصفوه==ترجمتها لعيونكم بخط يديّه