| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| حَفَاوَة اللُقيَا : [ خاصٌ بِالمُلتَقيات الأُسَريّة لِقبيلَة الرُوَلَه ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
|
#1
03-09-2009, 08:28 PM
| ||||||||
| ||||||||
لقاء الشعر والاصاله مع الشاعر الكبير/ سليمان لويزان الكويكبي بسم الله الرحمن الرحيم السلام عليكم ورحمة الله وبركاتة لا أعلم ما سا كتب من مقدمة لهذا الموضوع الذي اعتبره وساماً على صدري أتباها به بعد قبول والدي الشاعر الكبير شــاعر الجزالة وشــاعر روضّ كل الصعاب لقافيته التي كما قال لي أنه أن لم يذكر في قصائدة الشعلان والرولة يعتبر أن قصيدته فيها نقص كبير او كما قال كــ الطعام الذي لاملح به وهــو /// سليمان لويزان الكويكبي الرويلي أطال الله بعمره وحفظه من كل مكروه بدايتاً رحب بنا كل الترحيب وليس هذا الشي غريباً على أبو محمد أطال بعمره  وابدى لنا هذه القصة الممتعة والرائعة وهي كان رجُلاً يدعى /// مزيد ألحجّي الكويكبي الرويلي يوم الطائف شرقت الناس وهو أنقطع من الحلال وضل عند الهمش بالنقره ويوم جاء الشتاء آخر الشتاء قام يتذكر ربعه وين راحوا وين جوا فـــ قصد يـقـول //
وخونت الأجناب ماهم لذيذين = كل ماضحكوا لي همّ قلبي يزودي الله على المسيار بين الفريقين = أبا الوكل والجوخ وأبن الجعودي بين الغويطه والأضارع مشتين = منزلهم بين الجلد والنفودي وتشاوروا بالرأي وقالوا مقيمين =الحشو ترمس والضمارين سودي وأنا عند الهمش والماقع الشين = مع القراده عايزين الوقودي وبعد ماطبّت القصيده على الربع أجمعوا له من الزمل وجابوه عندهم ..... وسلامتكم ,,,,,,,,,  س// بداية أبو محمد نود أن نسألك عن سيرة حياتك ؟ من طلعت وأنا حياة بدوي الى عام الثلاثة والتسعين بعنا الغنم وكتبت عام الخمسة والتسعين بعشرين اثنين ويوم نزلت القريات مامعي غير محمد وأمي وأبوي رحمة الله عليهم والحمد لله الان عـرب .  س// نريد أن نسمع من قصائدك عن الوطـن ؟ هذه من قصائدي عند زيارة // خادم الحرمين الشريفين أطال الله بعمره لمنطقة الجوف أقول فيـهـا //
بديت بأسم الله على كل ما أبديت=الي مايخفى على الناس علام عالم خفي السر في كل ما أخفيت=سبحان من كون سنينه والأيام المملكه صارت على ماتمنيت=من عهد والدكم تجدد بالاعوام شامت لابو تركي ورفع لها صيت=وارسى قواعدها على كيف مارام من حكمته فتت بها الشر تفتيت=للخير بناياً وللشر هدام صقر الجزيرة ثبت الحكم تثبيت=وأنتم على ممشاه بالعدل حكم ويامرحباً حييت ومليون حييت=ياخادم البيتين ياعز الأسلام وتفتحت زهور قلبي وهليت=وبزيارتك نلنا الشرف والسعد قام إن قلت وإن ما قلت ياخادم البيت= حنا لكم بالعهد شعب وخدام وعهد الوفا والصدق له استحقيت=في كل ما يرضيك عهداً لكم دام وملكت قلوب الشعب وبها ستقريت=ومحبتك تزيد عام بعد عام ولبست ثوب الحب وبلبسه تهنيت=حب وغلا ما داخله كذب واوهام انصفت بين الشعب وبالحق وفيت=وفتحت ابواب الخير وحققت الاحلام ولو نبي نحصي مدكم له ما احصيت=ياما عطيت من الضعافي والايتام وبذلت فعل الخير ومعه تقصيت=عطا صخا للشعب ما هو للاعلام واليا حصل بالوقت ميله وتشتيت=ازبن على سلطان مثل البحر زام سلطان خير الخير بلحظه وتوقيت=دايم على فعل الفضيلات جزام فتح ابواب الخير وله التصاويت=ولي العهد سلطان والشعب له شام انتم اهل العوجا صقور نواحيت=عدوكم دنياه تبطي بالإظلام وفهد اليانامت عيون الهتا هيت=يسهر من اجل الشعب والليل ما نام ما اغضيت عن الحق يامير مااغضيت=ولا تقبل الميلات والحق منظام مع النظام وباسلوبه تمشيت=تمشي على الطولات بالعزم قدام نفرح الياجيت ونكره اليااقفيت=أميرنا بالجوف بعصور الايام ختمت قولي بالمحبه وصليت=على رسولٍ وضح الدين باحكام  س // أبو محمد نود أن نسمع من قصائدك عن شيوخ القبيلة حفظهم الله ذخراً لنا ؟ فقال لــي //
خمسة جموع واجلاسي= معربين من الساسي مثل الجبال الرواسي = ياشمخ عالي هضابه حنا ياقلنا علياني=وصفينا على الشعلاني يعرفنا القاصي والداني=مانعطي حق لطلابه من قبل عهد الدريعي=ناخذ الحق ولانطيعي وليا لكدنا جميعي=يصغر كبير المهابه شيخ يضيم ولايضامي=يالربع منهو سطامي ماياقف يمشي قدامي=ياشبت والنار لهابه نعمين ليا قلنا خلف=الحايم يرمي له علف يضرب بالسيف ولاتلف=كم شيخٍ قصف شبابه النوري شيخ الجهامه= شيخٍ رفيعٍ مقامه ما احدٍ ياقف قدامه=يوم المغازي واحرابه ياقلنا ورنس وفوازي=كل يروز ولا يرازي مركانا وهم العزازي=ياشان الوقت ودولابه يوم المستشرق رافقهم=يمدح الفعل ونسبهم يغلبون ولاحد غلبهم=من عهد عصور الصحابه كتب لورنس وموزيلي=فيهن أثبات وتفصيلي موجود بهن الدليلي=يامنك قريت كتابه بالجامعات يدرسّن=مهن هرجاتٍ باللسن وكتيبات يدسسن=مايدري منهو جيابه ونعمين بكل القبايل=مانجحد لهم فعايل ياركبوا على الأصايل=كل بالخير تهقابه  س// أبو محمد نود أن نسمع من قصائدك عن القبيلة زادها الله شرفاً على شرف ؟ هذه القصيدة توضح مسار الرولة بالأراضي التي يسيرون معها بالزمان السابق والقبائل التي تحدها من الشمال واليمين, من الشمال: قبيلة السبعة والفدعان والعمور والعمارات ومن الجنوب: قبيلة بني صخر والحويطات ومن الشرق: قبيلة شمر أقول فـيـها //
بديت بأسم الله على الخير وسرور=بسط حثاث القاع ورفع السموات أبرك من الدنيا ليا قبل النور=الركعتين وختمهاً بالتحيات الطيب لأهل الطيب واضح ومذكور=وتبقا علومه شامخات جزيلات حنا هل العلياء ويرجع لنا الشور=والعز لأهل العز ساس البطولات تاريخنا معروف من ماضي العصور=ومتوجينه بالعصور القديمات وشيوخنا الشعلان بيرق وصابور=هل الفعول الطيبه والنزيهات تاريخهم بالجوف واضح ومشهور=ويشهد على ماقلت كاف لنا أثبات ولانثبت التاريخ بشهادة الزور=ولا ندعي بالكذب وكثر الحيالات تحدنا البلقا وسكانها صخور=وما حاشت الصفحه قبايل حويطات ومن الشمال السبعة وفدعان وعمور=وقبايلٍ أخرى لها حدود بالذات ومن بعدها حايل وشمر بها حظور=وشثاثا للهذال ومعهم عمارات ومن أيسر الخنفه ليا أيمن الطور=ومن هضبة الجولان لطعوس حومات ومن أيمن الشنبل يا شفاء لغور=ومن وادي الامياه لجبال السروات ومن حدري الوديان لفروع أبا القور=هذي مراتعنا ماهي خفيات تدوسها قطعاننا شمخ الخور=ماحدة الرطبة ليا جب ولمات وهذي مشاحينا ولحدودها سور=وياما وقفنا دونها من مهمات ولاهو ردى باقي الناس وقصور=كل على حقه حريص الكرامات واليوم حكم السعود ولحداً لهم دور=وبه انتهى عصر الدجل والظلالات خلايف المقرن مشاهير وصقور=وبحكمهم الذيب يرتع مع الشات وصلاة ربي عداد ما هل شختور=على رسول نور الدين بايات  س// أبو محمد هل نال الشباب من النصح شي ؟ نـعـم أقـــول فــيــهـا ///
خذ بالنصيحه وفتهم كل ماجاك=وترك رفيق السو مالك وماله وحذارك عن رفقة الأشرار حذراك=مهما يقول ويقنعك في مقاله باللسان مثل العسل جابك وداك=ومنصوب لك الفخ في كل حاله اما رماك بشر ولا تبلاك=وحده من الثنتين مالك محاله تبقى حياتك ناقلٍ داك برداك=وانت الضحية صرت بعد الزماله حدرك في بير الندامه ولارقاك=وعلى مقام الطي يقصب حباله كنك خوي مقيط أقفى وخلاك=وحقه عطاه رشاه من راس جاله والإ خوي الخير للرشد يقداك=يقعدك مقعد الشرف والجلاله وليا بدالك لازمٍ ما يتناساك=وزودٍ على المعروف يرخص بحاله ورفقتك للصالح من الشر تاقاك= إحرص عليه ولاتدور بداله يرضى عليك الناس والرب يرضاك=مع سبعة يظلهم ف ظلاله في كل ما يصلح بدينك ودنياك=أتبع رفيق الخير فالك وفاله وأمش بطريق الطيب من حيث مبداك=واشرب قراح الماء واترك حثاله يحماك رب العرش ومدير الأفلاك=عن الخطى يا العبد وطرق الجهاله  س// أبو محمد ما أول قصيدة قلتها ؟ وما مناسبتها ؟ كان في بنت بيني وبينها هواء (( محبه)) الله يستر عليها جلسنا ما يقارب ثلاث سنين وأفترقنا ثلاث سنين ماشفنا بعض وبعد هذه الغيبه رجعت الا وهي متزوجه. وكنا نازلين على طريف وكل مااطلع أنا تطلع هي من بيت أهلها وكانت طموح وأنا أسّير عليها وهي تسـالني قالت وش هـالتيّه؟ قـلـت لـهـا//
يوم شفت زولك وبينت=أعجلت بالرجل وخطاها مادونكم وقفت يابنت= لو أنجرف خف ماطاها يابو أصابع سكاير كنت=ياغايت النفس ومناها الروح ماطبها غير أنت=غير النفس وأنت ماجاها لوني لمحبتك وزنت=ثقل السماء والوطى وماها وهــي تـحـط لنا المده ويوم أخذت لها حول عشر دقائق أو أقل من ذلك وهـي تـقـول//
هالحين ياصاحبي هونت=كل السوالف تركناها والله لوني مثل ماكنت=ما عنكم النفس ننهاها أنا تفاجأت بردها عليّ لاني لم اتوقع انها تكتب الشعر فــقــلـت لـهـا//
ترى اللي يحب ما هو بس أنت=ولا أنت أول الناس وتلاها قسيت قسوا الحجر مالنت=أرحم اللي روحه أهداها ينولك أجر وعليّ أحسنت=وعند أهل الخير تلقاها وحنا نسولف لنا شوي وهي تــقـول لـــي//
العام واللي قبله وين أنت=ثلاث سنين قضيناها واليوم مرت رجل لأهنت=مواضي الحب تنساها فــرديـت عـلـيـهـا قـائـلاً//
مسموح موفّقاً حتى أنت=اليوم مواضيك ننساها ورضيت أنا بحكمكم وأعلنت=لجل خواطرك ورضاها  س// أبو محمد ما القصيدة التي ترددها دائماً ؟ وما مناسبتها ؟ انتقلت عام 1400 هجري من القريات الى حالة عمار بترقيتي الى عريف نقلت لمركز أسمه عمرات وأنا بالمركز سجيت وقلت هالأبيات هذي ///
المركز اللي نقلنا به=صيحة خلا مالها فزوعي كل العذاريب تلقابه=لو العمل عنك مرفوعي عجاج ويذري ترابه=ومن شوف الأزوال مقطوعي عويت أنا بنابي هضابه=تجاوب القلب وضلوعي ما يعيضني بلابتي لابه=لو كثرة الخلف ونجوعي مجلسهم يوم أتقهوابه=يسوى ملايين مشروعي  س// مَن مِن الشعراء القدماء يعجبك شعره ؟ واذكر لنا المناسبة أن وجدت ؟ الشاعر الذي يعجبني شعره هـو // مضحي الضبيع الكويكبي الرويلي هذا كان له عم عازب (( يرعى الأبل )) في أباعره وكان وقت الربيع وعازب عن أهله مايقارب الشهر وجوا أهله رحيل وأنزلوا عليه وكان مضحي صغير وراكب مع أمه على الرحول وقال عمه // عطيني مضحي أسلم عليه ويوم نزلت مضحي من الرحول وهو يبكي وهي ترفعه أمه وقــال///
ياناس لأوهني مضحي=مايشتهي غير زول أمه أبو ثماناً زاهين وضحي=ماشاف قلبه ولاهمه يرجع مع الناس يفتضحي=ويجري له ماجرى لعمه طلع مضحي وصار رجل كبير وصارت له هويه (( محبوبه )) وشاف اللي يذكر عمه وقــال//
توي لقيته ذكر عمي=أشوف أنا العين سهرانه وقمت أشتهي غير زول أمي=عيني مع الناس شقيانه وتوه شقى البال وهتمي=وتو الشقى حل ديوانه بلاي اللي نهدها زامي=اللي تقل عين شيهانه تعرض للقلب وتومي=ياما تشلع من أركانه عزالله سلم الغلا تمي=خيارهن مابها مانه وبعدين هو يتزاعل هو وهويته وقــال//
قلبي تقل نار تسعربه=بين الصناديق وفؤادي وعيني تقل شب ينثربه=ما طبها نعاس ونوادي ياجيت اللي نشتهي قربه=داف الحشاء غض الأنهادي قل الزعل لايتعذربه=كانه نوى البوق ونسادي أما الزعل بّين دربه=وطيبة النفس مايشادي يبست أنا يبست القربه=بالقيظ وعنها البلل غادي ياعين ريميت التربه=ما حاشها كل صيادي  لَا تَشْكُو لِلْنَّاس جُرْحَا أَنْت صَاحِبُه ...... فَلَن يُؤْلِم الْجُرْح إِلاٌ مَن بِه الْأَلَم |
|
03-09-2009, 08:28 PM
| #2 | |
 | س// أبو محمد هل لك مساجلات بين أشخاص ليسُ من القبيلة ؟ أنا بصراحة سمعت قصيدة الشاعر /// نواف مزيريب الشمري عندما مدح الشيخ /// أورنس الشعلان رحمة الله أقـــول فـيـهـا ///
لك الفخر والمجد ياطيب الفال= الله يسهل مانويت تحصيله حنا معك بالحال والراي والمال=ياللي مدحت شيوخنا والقبيلة ونعم بشمر يابدى المدح ويقال= قصيرهم ظل المعزه مقيله واليا حصل بالوقت ميله وزلزال= يمشون على الموت الأحمر بتهليله وصحيح ماقلته في بطل الأبطال= أورنس ابن شعلان محد مثيله ومن صكته غبر الليالي على الجال=يزبن عليه ولايدور بديله ابراس عيطا عن حامي الشوب بظلال=في ظل اخو وشحا مزبن دخيله مفراص ماص للصعيبات حلال= لقب بسبع البر وهذا دليله وانا أحمد الله شيخنا عقب أشبال=مثله ورايه بالدروب الفضيله يمشون على ممشاه في كل الأحوال= بالمرجله والطيبه والجليله ونعم بعبدالله اليا قيل ماقال=وقت اللزوم ليا حصل فيه ميله مثل البليهي للثقيلات شيال= ايشيل صعبات الحمول الثقيله وأنتم لنا ياحمود في كل ماطال= يابن الذي شكر الثناء ينحنيله درب الشرف بيّن ولك فيه مدخال= مثل شعاع الصبح اليا نجلاء ليله ربعي لهم بالطيب وقفه ومنزال= ومن هو تعدى الحق شقوا صميله أفعالهم تعدها أجيال لاجيال= وعدوهم يسقونه الحنظليله حنا هَّل العليا بالقفى والاقبال= واليا اختلف بين العميل وعميله وحياة من نزل تبارك والانفال= ماننهزم عن حقنا مستحيله وصلاة ربي عداد كاطش همال=على رسول نقتدي في دليله | |
| لَا تَشْكُو لِلْنَّاس جُرْحَا أَنْت صَاحِبُه ...... فَلَن يُؤْلِم الْجُرْح إِلاٌ مَن بِه الْأَلَم |
|
03-09-2009, 08:29 PM
| #3 | |
| س // سبق لي وأن سمعت بقصه لاحد الكواكبه أمضى ثلاثة أشهور بدون طعام ولا ماء فـ اتمنى منك يا أبو محمد ان توردها لنا ؟ فرد عليه قائلاً أنا لاتوجد عندي القصه كامله .وكان من ضمن الحضور في المجلس لحسن الحظ العضو سالم براك الكويكبي ووالده ووالدي انا ايضاً أطال الله بعمره وحفظه لنا ذخراً فقال أنه أبن عمي وساخبرك بقصته كامله وتوجد لها قصيدة ولكن لا احفظ منها الا أبيات قليلة سأوردها لكم (( بالنسبة للأبيات لشخص أخر قالها بسبب المعركة التي حصلت ))  أسم الشخص الذي حصلت له القصة هو // الطفيحي من العرضان من الكواكبه .... الـــــقــصــــة /// كانوا غزوا مع القراري من عـنزه بالصيف وعاث بهم الضما وتحيزم على الذلول وردت به أبو حفنه الرويشد يامار مافيه الا تالي الماء نوخ ذلوله وبركت وزحف يم الماء وحد علمه بحاله يوم خطم بالغار (( الغار أسمه أبو حفنه )) غيب ومات عن هالدنيا كانت له ناقة منيحه مع أيتام كل يوم تجيه زبديه نوب طعم شكوه ونوب طعم حليب من ديدها . فيه صلبي ذكر له بدن يرد على غار أبو حفنه وكان وقتهم صفري وركب بعيره لبو حفنه يوم جاهن وهن يهربن جهة الجال وبعيره عياّ لا يوالي الجال اللي هوفوق الغار قال أبي أصير بالغار لباكر يامار به هالرجال النسم حي والجثه ميته عليه عباه أخذ العباه وخلاه في مكانه . وكانوا العرب على برقع يوم جاهم الصلبي على برقع وهم يعرفون العباه قالوا له وين راعي العباه هذي ياولد ؟ قال هذي والله لقيتها بغار أبو حفنه على جثه حيتً ميته وهم يركبون فزعه للغار قالوا لهم مجموعة وين تبون ؟ قالوا نريد ان نجيبه قالوا لاتنهجون هالون هذا من يطلع على الشمس يموت لاكن خوذوا معكم نعش وأضلال وضللوه ياما تجيبونه واخذوا ضلال ونعش ومن ضمنهن راويات البل (( اللي هي جلود البل )) قاموا عليها وحطوها نعش وفجوها ورشوها بماء على شان ترطب وتعطي جسمه رطوبه جابوه وشرطوا لصلبي عليه . على أساس أن الصلبية مرته تساقيه وتطببّه قامت تعطيه سمن وعلاج العرب . مشت أموره وقام يفتّح ويتكلم . قال الناقة اللي معطيها للأيتام مع أبو جليل وهو يسأل عن الناقة قال متى أخذتوها ؟ قالوا أخذنها نبي نضحيلك بها . قال قبل تجوني بثلاث أيام أنقطع لبنها عني رجعوها للأيتام اللي منحتهم اياها تروها عطيه ويوم صحى ومشى تزوج وعقب بنت وحده فقط والبنت هذي تزوجت وعقبت ولد وهالحين ماشاء الله عرب .... أسالوه وشلون عشت كل هالفتره ؟ قال يومياً اللبن الي يحلب منها يقطر بفمي رويان ولاني رويان ويوم أترع البن يطلع مع خشمي ...  وهذه الأبيات التي وردت لنا بسب هذه المعركة
غزو القراري روجت=بين الرويشد والجضيع ياغزوةً مافودة=ايتم بها مية رضيع  س// كلمة أخيرة يا أبو محمد تقولها لأعضاء منتدى قبيلة الرولة الرسمي الذين يسعون في جمع تاريخ أهلهم المشرف ؟ أقول أول بادي الله ينصرهم ويوفقهم وهم زهرة شبابنا ويعينهم الله على تعبهم وعلى مايقومون به من جهد وحنا مستعدين بكل مانجيب شي جديد نبلغكم به .  كلمة أخيرة لي أنا من القلب للقلب (( من لا يشكر الناس لايشكر الله )) أحب أن أتقدم بـ الشكر لكافة أعضاء الادإرة على دعمهم الا محدود والغير مستغرب لمثل هذه المواضيع القيمة وكل الشكر لهم لوقوفهم خلف الكواليس ودعمهم الثري. كما أحب أن أتقدم لاخي العضو // سالم براك الكويكبي بـ الشكر لتنسيقة ومساندته لي بكل خطوة قمة بها | |
| لَا تَشْكُو لِلْنَّاس جُرْحَا أَنْت صَاحِبُه ...... فَلَن يُؤْلِم الْجُرْح إِلاٌ مَن بِه الْأَلَم |
|
03-10-2009, 11:06 AM
| #4 | |
|
: الادارة :
| كبير بعطائك كبير بجهودك كبير بآصالتك كبير بآفعالك فهد كل الشكر والتقدير والاحترام على ماتبذله في التعريف بـ شعراء القبيله مهما اشدنا بمواقفك الرجوليه سنبقى مقصرين في حق مقامك القدير وهذا بنر الموضوع اهداء من الاخت المهره وسيتم تركيبه بعد مناسبة الامسيه الشعريه بملتقى الدمام ان شاء الله  | |
| |
|
03-10-2009, 01:43 PM
| #5 | |
|
عَ ـــيـِوِنـَكْ { ..
| كــ م آن ـــت رآئــ ع آيها الفهد ربي ي ـطول بـ ع ـمر ابوم ـحمد ويـ خ ـليه من زم ـآآآآآن ماشفته ... // | |
 × شكـراً لمصـممـتنا آلـ م ـهره × |
|
03-10-2009, 01:44 PM
| #6 | |
| والله تعجز الكلمات أن توفيك حقك ياأبو حنين جهود جباره وعطاء بلا حدود نتمنى أن نقد جزء الجزء مما تقدمه الوالد أبو محمد حياك الله بمحلك وفخورين فيك ونشكرك على هذه القصائد التي أتحفتنا بها وزينت بها مجلسنا الله يعطيك الصحه والعافيه وصح لسانك العضو سالم براك كل الشكر لما قمت وتقوم به شكراً من القلب وبلغ تحياتنا لوالدك الذي هو والدنا جميعاً شكراً لكم جميعاً | |
| الناس كفناجين القهوة .............. << سآآآدة و سكر زياااادة و مضبوط >> ..............  |
|
03-10-2009, 01:45 PM
| #7 | |
|
عضو ذهبي
| ماشاءالله تبارك الرحمن جهود يفتخر بها جميع أعضاء الكرام شكرا من القلب مشرفنا القدير واخونا العزيز فهد زبن الرويلي على استضافة شاعر كبير جدا ًمن شعراء قبيلتنا العزيزه سليمان لويزان الكويكبي وتشريفه لمنتدانا العريق و العامر وبضيوفنا الكرام والف شكر لأخواني /سالم براك الكويكبي والذي اعتبره الجندي المجهول وايضا اختنا الغاليه / المهره والى اخي الغالي والقدير/ روله وكل من ساهم بإنجاح هذا الموضوع الكبير والمفاجأه اكبر مما كنا نتصوّر تحياتي وتقديري | |
| المُشرف العام على جوال : AL ALYA |
|
03-10-2009, 02:21 PM
| #8 | |
 | / منُـور / شاعرنا القدير / والدنا (ابو محمد ..) وأهلا وسهلا بك وبصحبك الكرام .. الأخ العضو / سالم براك الكويكبي ووالده القدير كم أمتعتنا أخي الفاضل / فهد زبن المرعضي الرويلي وجهودك محل أهتمامنا .. بيض الله وجهك وماقصرت يا الغالي .. / ومنٌُورين وهلا وغلا .. / | |
| |
|
03-10-2009, 02:33 PM
| #9 | |
|
وعليكم السلام ورحمة الله .. اخي ابو حنين بيض الله وجهك ورفع الله قدرك .. كل الشكر لك ولضيفك الشاعر الكبير سليمان بن لويزان الكويكبي الرويلي.. | |
 |
|
03-10-2009, 02:58 PM
| #10 | |
|
مشرف سابق
| احب ان اتقدم بالشكر والعرفان الى كل الاعضاء بالاداره الكريمه والى كل من ساهم او اطلع على هذا اللقاء مع شاعرنا ووالدنا / سليمان لويزان الرويلي اما ماقمت به فهو ليس سالم بل فؤاد سالم الذي ينبض بحبه للقبيله العريقه وعلى راسهم الشيخ ابن شعلان وتعجز الكلمات حين ابدا اكتب عن حبي للجميع وتقديري لهم . ولكن هذا البيت يحمل معي كل الحب
ان كان حبي للقبيله مذله = افخر بها دام المذله حياتي
ودمتم بالف خير | |
| |
|
| الكلمات الدلالية (Tags) |
| مضحي الضبيع, الجوف, الروله, الرويلي, الكويكبي, سليمان لويزان |
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
