الحب حرب وكثرة الشوق ميدان=واللي محارب فارسك يا الهنوفي
من شان عينك بفتح أوطان وأوطان=يشهد علي القاف بالعين شوفي
الفعل غير القول يا أغلى من الدان=والله لخوض الحرب من غير خوفي
انتي سكنتي القلب والقلب لك زان=واسمك ترى منقوش والخط كوفي
قصرك تعلّا فوق والحب عنوان=حتى زفيري صار ينطق حروفي
مابي بديلك لو تغيّرك الازمان=أبقى أحبك واعتذر من ظروفي
تدري أحبك حب لو وزّع الآن=يمكن يفيض الكون منبع ضفوفي
مافيه منك بالملايين إنسان=ولو فيه منك ما أبي غير نوفي
لحنتك البارح على القاف طربان=والقلب هز الشوق يضرب دفوفي
حتى عيوني بالمواويل هتان=والبال سارح فيك يا أجمل طيوفي
منّي القصايد تنتثر فيك قيفان=يا أعظم قصيده لوّنتها كفوفي
فيك البحر مكتوب موزون باوزان=إقبل وشوف الدار ويّا رفوفي
شيٍ مهّول للبشر وين ما كان=حتى الذي ما كان يعجز وصوفي
شاعرْك ميّت فيك يحلف بالايْمَان=ولشوفتك مشتاق قلبه لهوفي
طيرٍ ترنّم بالمحبه عالاغصان=وده يذوق الموت لجلك رشوفي
يا اللي سكنت القلب مانيب غلطان=فيك الممات أحلى من اثنين "كوفي"
لو ساوموني في محبّتْك الاسبان=بعلن صهيل الخيل واشهر سيوفي
لين اتعدّا واوصل احدود الالمان=واكتب على عرشك لك القلب يوفي
من بعدها برسم حدودك على شان=تبقى لي لوحدي وانضم صفوفي
الحب حرب وفيك مانيب خسران=يا اللي سكنت الجوف في جوف جوفي

المشاركة الأصلية كتبت بواسطة وردة الحياة انتي سكنتي القلب والقلـب لـك زان واسمك ترى منقوش والخـط كوفـي قصرك تعلّا فـوق والحـب عنـوان حتى زفيري صـار ينطـق حروفـي فعلا عزيزي ، انت صورت الحب بالحرب تصوير في منتهى الروعه..لكن للاسف اغلب الحروب التي يخوضها القلب تنتهي بجرووووح عميقه صعب مداواتها.. قيل ما تكون فيها انت الرابح ..هذا هو الحب بلا والعشق سم قاتل... تحياتي لقلمك الاستثنائي..

المشاركة الأصلية كتبت بواسطة عبدالحميد طويرش الرويلي الحب حرب وفيـه مانيـب خسـران يا اللي سكنت الجوف في جوف جوفي صح لسانك اخي محمّد كلمة حرب ثقيله عالحبّ مع انها نفس معنى المعركه لكن كلمة (حرب) تكون مغلقه اما المعركه تحتمل معاني كثيره اخي محمّد قصيده جزله ويستحق الحب هذه الحروب

المشاركة الأصلية كتبت بواسطة عبدالحميد طويرش الرويلي وبعدين لاتقول اخي الكبير تراني بعدي صغير تحياتي لك