كفاني بالحياه اني بقيت بدنيتك معروف=ويكفيك انك لحالك من العالم ملكتيني

جيت ابكتب قلت لحروفي تحمّي=قالت أبشر أيش مضمون الكتابه؟
قلت أبشبع حبٍ استوطن بدمّي=واحتفل في مولده وارسم شبابه
بنت شيخٍ لاطهر ذنوبي تومّي=تعزف بصدر الغلا لحن العتابه
(وكّلتني) في دررها وسط يمّي=واندهشت من الرزانه والمهابه
(بلطفها) لهموم وناتي تغمّي=وعلمتني وش تفاصيل الصبابه
توأمٍ لي ما احتضنها بطن أمّي=وامني اللي عدل سلوك الحرابه
حيرتني بابتكار افكار لمّي=بعد ماطشرني الحزن وذهابه
جبتها للياسمينه قلت شمّي=وشفت في بتلاتها رسم الغرابه
ودي اقهرها بعطرٍ عز كمّي =من دخون انفاسها صافي شرابه
اقدعيني واشربي فنجال همّي=واطعني في بسمتك جرح الرتابه
ودام شوفك لاصغر آمالي ينمّي=بددي في حضرتك غيم الكآبه
اطعنيني وابتسم وآقول سمّي=دام طعنك غيث وضلوعي سحابه
والله ان الذوق بغيابك يدمّي=وان هطلتي انتحر وابل مصابه