وكاد اجاري كـل طـارق وطـاروق=واخلِّـي الوعـره بكيفـي رْقـاقـه
واْضْحِكْ وابكِّي كل عاقل ومطفـوق=واْرْكِـزْ عمـود البيت واْضْفـي رْواقــه
واثبِّت اللي فـوق باخلاقهـم فـوق=واشوم عن بعض المهاجـي لباقـه
واسرِّح اهل الحرث والكرم بالنـوق=واْفْلَحْ بـراع النـوق وازْرع نياقـه
ارسم بنص الليل لوحاتـي شْـروق=واغيـر العلقـم واحـلِّـي مـذاقـه
وانقِّي ابداعي عن الظلـم والبـوق=في ريشتي تقديـس حـق الصداقـه
تصمت طْروقي يابدا الحِسْد منطـوق=تسكت حيـا والطـرق هـذا مراقـه
مومن بديـنٍ وافـيٍ مابـه فْتـوق=واْكْفُر بديـن مْسيلمـه مـع براقـه
واْنْ صادف الغربي سحايب مع بْروق=ينتابنـي شـوقٍ لجمـع الرفـاقـه
ومن عقبها (المطرود لابد ملحـوق)=ومن تابع الدنيا شكى الوقـت فاقـه
مالي هدف وش قالوا بْعَرْكَةْ السوق=ولا لي جمل فـي معمعاتـه وناقـه
الرزق رزّاقـه عـلا بالسمـا فـوق=واللقمـه اللـي ماقسمهـا مُعاقـه

المشاركة الأصلية كتبت بواسطة أبو رسيل الله أكبر الله أكبر الله أكبر منين تجيب الكلام هذا والله إنها عين من عيون الشعر كل أدوات الجمال وجدتها هنا صح لسانك وصح فكرك