سَمْيِتَها يكفي خلص لاتسومون=وش عندهم غير الأماني ولاْحْلام
ماهي (بلحْيَةْ)دندنةْ قوم دلعون=اللي تمادوها غلط من هل الشام
تَرْسي معانيها هِبَةْ خالق الكون=اللي وَهَبْ حكّام واْقْفَى بحكّام
سبحانه الوهّاب يعطي ومن دون=تعداد وحساب وتواريخ وارقام
من لاحدود الحرف والوصف واللون=لين اوّله قبل النقط والترنّام
وهبةْ كريم وتعتلي كل فرعون=كررتها تَفْرَعْ كبر سف الاقلام
ترقا مع السامي وتسمو مع ال(moon)=وتْخَلِّي اللي بدّل الأُمْ لل(mam)
واْنا لكم رب البريه بلا جْنون=يكفخ بي الصعب وجناحين غنّام
تجمع تكركابي وانا الكل ممنون=شتاتي وجمعي صحاصيح واْعْلام
يامزنةٍ غرّا نقا شيخة مزون=ياللي لك الخاطر كفر بالتّوهام
حقوق ديمك يطرب اللي يغنون=على لحن طش المطر والرعد نام
يودع نشاش معورش القاع مزيون=يِنْبِتْ زْهُور وتكتحل لون وانعام
قصرتها رغبه على شان تقرون=تقرون من هَجْرَعْ تراتيل وانغام
ماخالفت للدين ياللي تمرون=سَلْمْ وتوافق مع تعاليم الاسلام
ومن غير رب الكون مانرجي العون=لاجن لاحدُّوثَةْ الجان خشنام

المشاركة الأصلية كتبت بواسطة خلف ضحوي الرويلي الشاعر الكبير / خالد البرمان الله الله وين مخبي كل هالزين صح الله قلبك وروحك

المشاركة الأصلية كتبت بواسطة دحوم رووووووووووووعه يابن برمان

المشاركة الأصلية كتبت بواسطة الصياد صــــح لســـانك اخوي الشاعــر / أبــو يــزيــد .. اللـه لايــهيــنك على هالقصيــده الشامخــه , ولـو اني انا ومــنهم على شاكلتــي مايفهمون كثير بالرمزيــه اللي تنتهجها احيانا ً .. أو مانبي نفسـّر القصيده على كيفنا عشان مانسلب خصوصية رســالـة النـص .. عالعمـوم فيـه رســاله خاصــه ابي ارسلها لمشرفنا القديـر / ابو سامي .. عشان يتفاهم معك اشكــرك علــى نصـك الفـاخــر