| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| أَلِفْ يَاءْ العَليَاَءْ : [ سَيُنِيِرُ هُنَا تَارِيخُ قَبِيْلَتِنَا بِمَوَاضِيعَهُ وأيْضَاً صُورهُ الخَاصّة ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
03-23-2009, 11:11 PM
| #41 | |
|
عضو ذهبي
 | 
بطل هذه الحلقة :: جيعفرالصخري ـــ من قبيلة بني صخر ..) وجبل وخوياه ينكسون للعرب .. والبطل جيعفر طب الشام تزاه جعيفر والله ونعم الله يرحمهم تحياتي القلبيه لك اخو صيته | |
 قال الرسول صلى الله عليه وسلم لاصحابه: "الشرك في هذه الأمة أخفى من دبيب النمل فقال أبو بكر: فكيف الخلاص منه يا رسول الله؟ قال: أن تقول: اللهم إني أعوذبك أن أشرك بك وأنا أعلم، وأستغفرك لما لا أعلم" رواه البخاري في الأدب المفرد.  |
|
03-24-2009, 12:29 AM
| #42 | |
|
الكاتب المميز
| [[ الحلقة : الخامســة عشـ( 15 )ــرة ]] قال الراوي والشاعر الإعلامي المعروف: رضابن طارف الشمري ((اللي يعرفه الناس عن الشاعر خلف أبو زويد الله يرحمه أنه راعي قصيد جزل وكل قصيده بالنصايح ومدح الشيوخ والأجواد من الناس وماله بالهوى ناحيه , وهو الله يرحمه عرف بنبقه ( أبو زويد ) وهو من سنجاره من شمر , وبحدى هالسنين يومنه جاك وراد على القليب يبي يسقي ذلوله يمار عليه قطعة بنات شافنه وهو مقبل وحديهن عرفته من وصايف ذلوله وهي تقول لحدى خوياتها سنع تحدي :يّله ياخزنه كمبك يابعد حيي تخلين راعي هالذلول المقبل يلتفت نوحك وأنتي (خزنة الفضيل) زينة بنات العرب , هذا يابعد حين قصيدوه بس مدحٍ وصلخٍ وذبح وسووا هالسواة ولاتسوون هالسواة , هذا أبو زويد تمحرشي به عساه يغير طبعه ونسمع منه بك حكي كمبك , والبنت مزيونه زينها تسولف به الركبان , وهي لك تنطحه قبل لا ياصل الماء وتملئ قربتها بوصلته وهي تصلق مويه القربه بالدلو وتسقي ذلوله , وعقب ما سقت الذلول وهي تسأله : هو أنت يابعد حي خلف أبو زويد , قال أيبله يابعد حي أنا ابو زويد , قالت الشاعر اللي كل قصيده مابوه لوهو وحيدة عن الهوى ولعبه , وهي لك تبسم له وترخي اللثمة وتزين الحكي له , والله أني محضوضة اللي شفتك شوف عين بالساعة يابعد حين , متهولةٍ من هاللي يقولون ماله قلب حي , شنوحه مابوه لوهي قصيدة بالحريم ياللي مثلي , هو أنا ما أستاهل اللي يقصد بي يابو زويد , وتقوم ديره بهالحكي اللين , وابو زويد يابعد حي ماهو ابو زويد راحت علومه من شاف ( خزنة الفضيل ) وهويسمعها هالأبيات وهي قباله :
القلب يبرم بالهواجيس ويدير = من جادل جتنا طوارف اطروشه قام الفهيم وصخر القيل تصخير= قرايض ما ولفوها الدحوشه والله يالولا باقي الناس لا اشير= اخاف من ناس تنثر اقفوشه لااقول عجوا بالبني الغنادير= وعزي لمن له عشقه ما يحوشه مصور منبوز الأرداف تصوير= تصوير وشحا نايشتها اعطوشه لا بالقصار ولا الطوال الطناطير= ولا بالغلاظ ولا دقاق نشوشه خده من الموت الحمر به دواوير= كن الصعيوي دورجن في نقوشه خده عفر واصفر كما ذوبة الكير= والخشم مصقول بلمات هوشه والردف شط امتيه له على ضير= امه جضور وراعية ما ينوشه وإلا يشادي نابيات الحمارير= عقب الهبوب ونايشتها رشوشه وثنيوات الترف غر مغاتير= من شافها يسقم على اردا معوشه والعين عين اللي بروس العناقير= نجل سواد عيونها مع ارموشه على دروب [[ الجادة ]] نلتقي لنرتقي | |
 |
|
03-25-2009, 02:07 AM
| #45 | |
|
الكاتب المميز
| [[ الحلقة : السادسة عشـ( 16 )ــر ]] قال الراوي.....(( من هالسنين فيه ربع كواكبه سفر خويا ثنين كل على ذلوله , وحديهم ماخذله قنو تمر من الجوف ومعلقه على جنب الذلول, وهذا هو يشلخ منه وهم ماشين وجهتهم يم ناحية الطبيق بتالي القيض , وخويه يطلبه من التمر وقاله ما تلسه (يتمازحون ) ووقتهم هاللحين الدماس عقب الغياب , قال له ياعيشنا بلنا سوح تحسى منه , والليل قمرا زريق وهذا هم يتداحمون وكل منهم على ذلوله وعجزعنه , قال له : اسمع هين كانك ما عطيتني منه ترني غير أصوت لأهل مويسن عليك وياخذونه منك غصب , قاله راع القنو : خلني من علومك ألينك ما تلسه من التمرة , وهو يلز الذلول يمه وراع القنو وهو يبطح لك عليها ياهو مندفع هناك شوين , وبالهالحكي ثري فيه ربع يسمعونهم (دغمان ) ضربوا عليهم ولاشافوهم, خويا ثنين معشين وسمعوا كل الحكي اللي صار وما دريوا لهم الكواكبه , قالوا الدغمان لبعضهم نبي ندجل بهم وناخذ حنا القنو منهم , اسمع ياقال ياهل مويسن خلنا نرد عليهم , وهم يتفقون على الراي , وراع القنو قاله خويه ياولد هو انت على رايك الأول وإلا غيرته , قال لا بالله عليه , قال ذنبك على جنبك أليني غير أصوت لأهل مويسن , ترهم حولنا ويسمعونا , قال راع القنو كمبك صوت لهم كان بك خير , قال على طول حسه وبهالليل : ياهل مويسن , وهم يردون عليه (الدغامين) هنهوه وش عندك , وراع القنو وهو لك يخبط ذلوله حيل وهي ترثع به يالقنو طايح , ويحول عليه خويه وياخذه , وقال لحاله: ألينها دجلة بنا , أكيد أن فيه ناس حولنا يسمعون اللي صار بيننا , وهو يصوت مرة ثانية : ياهل مويسن وهم يردون عليه هنهوه وش عندك , وهو يعرف وجهة الوحي ويجيك ناحرهم والقنو معه , ويومنه هف له شوين ياهذا هم هاك الزولين وركابهم مبركات عندهم ممرحين يبون يعشون , يوم جاهم يمار يعرفهم ويعرفونه ويتسالمون وهو يقعد وحدى الدغمان يركب ذلوله ويلحق راع القنو ويصوت له وينكس معه ويتعشون ويتعللون هاك الليلة مع بعض والصبح هم يتفرقون اللي غرب يبي الطبيق واللي شرق يبي قارا ..............)) وعلى درب [[ الجادة ]] نلتقي لنرتقي | |
| |
|
03-28-2009, 12:53 AM
| #46 | |
|
الكاتب المميز
| [[ الحلقة: السابعة عشـ( 17 )ـرة ]] قال الراوي....(( غزا جيش الرولة فوق الألف ذلول والعقيد نواف بن شعلان , والدليلة الصعنون (صلبي ) يومنهم طبوا مكان يقاله الشيحيات اللي غربي القعرة اللي هي مقصدهم , والشيحيات هاذي ريدا سهلة لاحجرة ولا شجرة ولا رضمه , والقعرة اللي يبونها بلها حفرة كود ما تهف عليها , وبالشيحيات وهو يغدي الدليلة الصعنون , وهاك النهار عليهم ديم مطر وغيم تضرب غزيلات (فلج ) وهو يعلم الصعنون أنه غدى , قال ياطويل العمر أنا غديت ومالي حيلة على القعرة اللي أنتم باغين , وهو يوجب الجيش كله الألف ذلول وماهنيا اللي حكى , قال حدى العقدا اللي مع الأمير نواف : ياطويل العمر مالك غير الله الخيار وثم مشعاب العرّيض الكويكبي , وهو يرسل عليه وبس تسمع التصاويت بين الجيش وين مشعاب العريض وين مشعاب العريض , قال : أنا مشعاب العريض قاله نواف : ثلاث ألقحات (يعني شرطه ) قال ياطويل العمر أنا مشعاب العريض, قاله الأمير : الصعنون الدليلة غدى والليلة مالها غير أنت ياراع العليا , قال أبشر بسعدك يابن شعلان كان قالها الله غير تطب القعرة قبل الصبح ينباج , مار خلوكم وراي , وهي تسربل رويل وراه فوق ألف ذلول , يومنه أخذ بهم له دهوه هناك حول (50 كم ) قال مشعاب : يارجال أوقفوا وخلوكم على ذلول ذلول قالوا له بعض العقدا بالجيش : وشوا منشانه هذا يارجل , قال مشعاب : قدامنا لنا راس جال ولا يمشي به الجيش كود على ذلول ذلول هذا اللي عندي لكم , وهو يصطر لك الجيش تقل خرز مسباح , وهذا هم ليلهم كله يتحدرون مع راس هالجال واحد بثر الثاني , قال نواف بن شعلان بهاك الليلة : أيه ياراع العليا لعن أبو بنت ما تلّقح لك يامشعاب العرّيض , ياما نوخ الجيش كله بالقعرة اللي يبون , والصبح وهم لك يغزون العرب اللي هم ناحرينهم ................)) مع درب [[ الجادة ]] نلتقي لنرتقي | |
| |
|
04-13-2009, 03:20 AM
| #50 | ||
|
الكاتب المميز
| اقتباس:
حياك الله ياراعية العليا وقول وفعل والله الله بالخميعا الطيبة اللي سمنها ينقط  وأنا اخوك هذا البيت والخيام والفيضة كلها عشب مربعين ومكيفين وأعزمي اللي تبين من عربانك | ||
| |
|
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
