| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| أَلِفْ يَاءْ العَليَاَءْ : [ سَيُنِيِرُ هُنَا تَارِيخُ قَبِيْلَتِنَا بِمَوَاضِيعَهُ وأيْضَاً صُورهُ الخَاصّة ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
12-29-2008, 12:23 AM
| #24 | |
|
الكاتب المميز
 | 
[[[ الحلقة السادسة ]]] [[ الجــــــــــــا دة ]] سلسلة جديدة في حلقات ..............منفصلة تبحث في قصص ...................وأمجاد الأباء والأجداد سلسلة....................... لا نتحدث فيها بل يتحدث فيها رواتها .................عن أنفسهم . [[ الحلقة : السادســــــ( 6 )ـة ]] يقول الراوي......(( من السوالف اللي جرت علي وهوالله يرحمه {توفي سنة 1416 هـ } ويقاله(خليف بن صبيح الفريح من المقيبل من الكواكبه من الرولة ), سالفة يومنا قفل يم جهة العراق وبحدا هالشعبان اللي حول نخيب سنة سوقات ,واللي معي قطعة ركاب أربعة وكلنا كواكبه { حديهم حي يرزق } ونبي جهة المشهد (النجف ) ويوم صار وقتنا عقب عقب العصروحنا نوخ ركابنا بلهن مفرش شعيب.. ونحورف بعشانا والعشا جمري ويدامه مريدة قمردين , وهذا هو ماكول الروله ياصاروا طرقيه, والقمردين ماينوجد غير بالشام وخاصة عند الروله ,الزبدة أنا ماني عندهم اخذت الركايب وحطيتهن بلهن مفرش(ن) طيب يعشن يوم أن هاك الثلاث أزوال يومنهم نطوا علينا من جهة مشرق يومنهم ثلاث ركاب وأمد الدربيل عليهم وأنا مكاني يومن الدلال اللي على الركايب والوجيه ماهي وجيه روله (من الشمغ ) عرفت منين هم , يومنهم متنحرين خوياي وتي تي ياما وصلوهم وأنا اخلي الركايب وأجيك يم خوياي يومنهم إيلاغون حديهم بالحكي قلت هاه ياخوان وش النشده , قالوا حنا دوارة سلاح للبيع وهالوليده يقول أن عنده له بارود وباعها علينا,ياهم من لسنهم من شمر العراق ,قلت لا بالله يالربع أنا اخوه الكبير ولايمون ابد ما عندنا بواريد(ن) للبيع , مار أقلطوا مالحوا زادنا والربع خوياي بهالحكي ألياهالحين جمريتهم بالنار ...قالوا لابالله مشكورين يالأجواد وحنا لنا معازيب ماهم بعيد الليلة نروحهم مرواح , وهم يقفون من عندنا ولا مالحوا , قلت : لخوياي يالربع اللي شفتهم تراهم ان ما خاب ظني هالرجال اللي ما مالحوا زادكم ماهم دوارة بواريد صحيح يبونهن بس مايبون يدفعون بهن شين , الليلة هذي الرجال غير يبيتونكم ويسلبونكم اللي معكم والبواريد شافوها بيديكم وعرفوكم أنكم رولة من عشاكم (قمردين ) وجوكم يبون يعرفون وش عندكم ما عندكم وعرفوكم الرجال مارخوذوا حذركم والليلة ما من مبات مسرى مسرى ياروله مابها حكي خلونا نبعد عن حروتهم وأنا متوكد أنهم غير يتبعون لنا,وعقب ما تعشينا من عشانا وحنا نشد على ركايبنا واللي معنا من بعيرات وهاك الليلة مسرى ويومنه قرب حروة نص هالليل قال حدا خويانا خلونا نمرح بهالدبل ربعك ياخليف ماهم لاحقينا كل هالمسافة وبهالليل ماهم لاقينا أبد , والربع يصيرون معه بالراي وحنا نمرح وأنا ماني مشتهن الأمراحه , قلبي موجعني أنهم ورانا وخوياي كل(ن) منهم يتوسد يد ذلوله وهم ينامون,وأنا أنزح عنهم بذلولي واندفع عنهم هناك شوين على جهة دربنا اللي جينا معه وانوخ الذلول وأصير من جهة جيتهم وبارودي بحضني والنار بطنها زاهبه أوماني جديدة تبرعص تبرعص , وعارف(ن) طبع ذلولي وكل ذلول مطولها باركة الليل كله تجرر وأليا حست وإلا أوحت وحي أو أروحت ريحه تترك الجره وتلتفت ناحية اللي شافته , وأحطلك راسي بمنحرها واسند ظهري عليها والبارود بحضني عشان احس بها ياتركت الجره وأقعد بها أليا حركت رقبتها وما قامت تلتفت , وهي تهون عن التجرر وتقوم تلتفت يم جهة القمر وهو مقبل(ن) على الغياب وابحر زين يوم هاك الزولين مدلبحين ويعدون وكل(ن) يتتقا بالثاني تحت ضوح القمر ..وأزحف من مكاني على كوعتي وانبطح بين لي شجرات وأمدها فوقهم وأثوربهم يوم كنوا وألبدوا إمكانهم وأغير مكاني وأنبطح وأزحف على كوعتي بعد وأجيهم من جهة(ن) ثانية وأعطيهم الثاني يوم أخمروا ونكسوا تحت القمر يتراكضون مدلبحين يتتالون, وأرجع لخوياي وأنوخ ذلولي عندهم يوم كل(ن) منهم باروده بيده وهو ينطحني اللي العصر يبي يبيعهم البارود قال وش العلم ياخليف ,, قلت ما من علوم بس هذولا شراية بارودك ؟, الرجال جوكم يبونها بليا دراهم , واللي هقيته لقيته وأنا راع الخطيلا .وهالحين ناموا زين وأرجهنوا بعد والصباح رباح,وأنا أرمي الجاعد اللي على شداد الذلول وانجضع وانام نوم(ن) صحيح هالمرة وقلبي بارد , ويومنا أصبحنا ونقص أثرهم ونلقى مبارك ركابهم ثلاثة وعندها أثررجال, ياهم ثلاثة وركابهم ثلاثة , قلت لخوياي الحمد لله اللي ظني ماخاب شفتوا يالربع هم هم شراية البارود اللي جونا أمس ...قالوا خوياي لا بالله ياخو العجله ألين ظنك صدق معك,ونركب والعصير ياحنا بأطراف المشهد (النجف ) ويفكنا الله من شرهم...........)) لنا لقاء يتجدد........................بأذن الله كتبه لكم ..........................[[ اخوصيته ]] | |
   |
|
12-31-2008, 07:36 AM
| #26 | |
|
متواصل
|  الرواية أخو صيته عساك على القوة والمعروف على مجهودك التاريخي اللي يكتب بمي الذهب وماشاء الله كلها سوالف من الاولين اللي ترفع الرأس وفيها تعليم لهالجيل الجديد أنت راعي الأولة يا أخو صيته وراعي الأوله ماينلحق بعدين شكلهم حسدوا ربعه هالمثولث اللي في توقيعك لأني حسب ماسمعت أنها أنلطشت بعض غرضانها  ناس ماتعطي خيرمتابعين | |
| قال رسول الله صلى الله عليه و سلم (( كلمتان خفيفتان على اللسان ثقيلتان فى الميزان حبيبتان إلى الرحمن : سبحان الله و بحمده , سبحان الله العظيم )) |
|
01-16-2009, 02:46 AM
| #29 | |
|
الكاتب المميز
|
[[ الحلقة -7 - ]] [[ الجــــــــــــا دة ]] سلسلة جديدة في حلقات ..............منفصلة تبحث في قصص ...................وأمجاد الأباء والأجداد سلسلة....................... لا نتحدث فيها بل يتحدث فيها رواتها .................عن أنفسهم . [[ الحلقة : السا بعـــــــــــ( 7 )ـة ]] عنوان هذه الحلقـــــــة : [[ ماهي من عوايدنا أني أحلف بالكذب لونه نجاة ]] الحلقة.......................... هذي السالفة رواها لي رحمة الله عليه قبل وفاته بشهور, يومنه صار من المطلوبين بدم رجل أقلته.................. (( قال....... وأنا أجيلك يم رحمة فواز الشعلان يوم مجلسه صاك من الأطراف للأطراف بله مخيم بهالوديان , قال لي الأمير فواز هو أنت ربيع بن عيد ؟!(ربيع بن عيد من عشيرة المديغم من الكواكبه من الرولة ) قلت أبيله نعم أنا ياطويل العمر , وهو يخطم شوين قدامي غازي الفطعلي .... قال : ياطويل العمر شفت هذا خويي!! لو أسري على لي أنثى غير هو معي!! هذا خوي لزمه ياطويل العمر , هذا صديق رقبه , تبي تحلفه حلفه ؟! وهو يقولي الأمير فواز : أحلف عن هالسالفة ؟! قلت ياطويل العمر هاذي ماهي من عوايدنا أني أحلف بالكذب !!! وماهي من عوايدي أقول الكذب !! والسالفة هاذي كلها كذب بكذب ؟؟! أنا ما تعذر عنها رجال(ن) صحيح أني ذبحته بيدي هاذي , لكن مثل ماتعرف كفاي شر هو اللي بلاني بشره , ولاني متعذر عنه ! واللي تبون تسوونه سووه !! قالي الأمير فواز وغير هالعلم ؟؟! قلت ماعندي علم ياطويل العمر . ومجلسه كانت كبار الرولة عنده ومنهم بشيتان بن بنيه ونازل الخطيب وعماش الجنيدي , وقلت له الرجال هذولا كلهم يخبروني ويعرفون أقصاي وأدناي ويخبروني خبر(ن) زين , والسالفة اللي ماهي صدق يعلمونك بها , وأنتم يالوجيه الفلحا الله لايخلف عليكم كان تبون تجحدون شين أنا مسويه ولا أعده !! هاذي ديرتكم ديرة كل غانم , وأنا سايق عليكم الله ومحمد رسول الله أن الحكي اللي أبي أقوله ما حد يتعرضه منكم غير بالصحيح ياما أنهيه , ........أنا قبل قاعد(ن) بأول المجلس من يم الباب وكل هالحكي قلته وأنا بأخر المجلس , والمخيم طويل عريض وكله مليان رجال , قالي الأمير فواز تعال أقرب جاي وهو يقعدني على لي مركى على يساره ماعليه أحد , قال وش عندك غير الحكي هذا ؟؟! قلت ماعندي غير ماسمعت شين ياطويل العمر , ماعندي غير هو اللي سمعت , وأكثر هالرجال كلهم خابرين اللي قلت كاني مخطي يقولون وكاني كذوب يقولون والله لايخلف على كل واحد(ن) يجحد اللي هو خابر , قال عماش الجنيفي : أيبله ياطويل العمر ترا كل ماعد هالرجل صحيح , كل ماقاله صحيح ياطويل العمر , كل اللي عده صدق به , وهو يشهد لي بعد شهود ثنين من اللي بالمجلس , وهو يسمح عني الأمير وقال لكل الحاضرين اللي عنده من شيوخ الرولة يالربع تروه مسموح عنه والشين اللي يتم عليه حنا مستعدين به ونسده عنه باللي يصير عليه ....وأسلم من سالفة هالرجل ويدفع عقب لهم الشيخ فواز الدية اللي طلبوا .....................)) لنا لقاء يتجدد.................معكم بأذن الله كتبه لكم .....................[[ اخوصيته ]] | |
| |
|
01-16-2009, 03:25 AM
| #30 | |
|
الكاتب المميز
|
[[ الحلقـــــــــــــــــة - 8 - ]] [[ الجــــــــــــــــــــــادة ]] سلسلة ................قصصية في حلقات ........منفصلة سلسلة ........تبحث في قصص.......وأمجاد الأباء والأجداد .....لانتحدث فيها بل يتحدث فيها رواتها.............عن أنفسهم [[ الحلقــــــــــة : الثامنــــــــــ( 8 )ـــة ]] يقول راوي السالفة وهو: زيد بن قشرا الله يرحمه (زيد بن قشرا من عشيرة الصوالحه من الدغمان من الرولة ) ,واللي سولفها عليه رجل ظفيري يقول يومنه عرف أني رويلي وهو يضحك !!قال:آآآه رويلي؟! قلت أيبله رويلي(القائل زيد) ليه تضحك وهو الرويلي يضحك ؟؟! قال لابالله ياولدي والنعم بالروله أهل الفضية اللي يضحكي سالفة جرت عليه أنا ياماحاكيك مع الرولة بالزمن الفايت حول السنة اللي يقال لها كون الأشقر والأشيقر . ((أنا يامحاكيك.... هاك الأيام توني ولد على حين طلعتي وبس أدور العلوم الغانمة والكسب , وهو يجينا العلم أن فيه غزو مقبل علينا من الظفير وجهتهم للرولة , وأحوف على ذلول(ن) لأبوي من أطيب الهجن لها صيت بالحيل عند كل الظفير تراكض الخيل , وهو يعيي لا يخليني أخذها قال: ياولدي سالفة هاذولا ربعك(غزو الظفير) تراهم ماخوذين وأنت تبي تقلع الفلانه(الذلول) يم الرولة !! لا لا ياولدي لا ياشين لا تقلعها للروله لا يلد بالك لربعك تراهم خايب(ن) تعبهم وسعدهم !! هذولا الروله ماهم حياة وهاللحيه ؟!. ويومنه نام وأسردها وطلب الغزو وأمر بطريقي عرب(ن) لنا وأتوشعهم وأدغف لك صفحة الذلول منشان ترغي ويحسون بي العرب عندهم لهم بنات أبي أعرض عندهن وواريهن حالي أني غزاي مع الغزو!!وألحقهم وخاويهم ويومنا طبينا على ديار الروله بأطراف الديرة وحنا نحل بهم ونلم لك بهاك العرب منهم وهم خيالتهم يهفونا ويردون البل منا وننوخذ أخيذت(ن) قشرا ؟! آخذو الذود اللي مع الغزو كله وذلول أبوي هي الأوله منهن! وحنا نجيك ناكسين ماخوذين وخايب(ن)سعدنا مثل ماقال أبوي !! وهذا أنا بس أتغمض وألوم حالي على الذلول آآآآآه وويلاه أأأويحي لوا حلا لات يالفلانه ولي توفت وحكي على حالي طول ماحنا بطريقنا لأهلنا . ونجيك يمهم وهو ينطحني أبوي: ول خاب سعدك قلعتها للروله !! ماطعت شوري ياقليل البخت ! من أول قلت لك ألينك تبي توديها لهم !! ياولد والله ماأنسى غميضتها ابد ابد ,يقوله ابوي لي . وتجينا علوم جيوش المنتفق وجموعه اللي يجمع بها لغزو الروله وأنها جموع مالها عدد من كل بد بها ؟!! واللي يروسها الشيخ ثامر ولد الشيخ سعدون بن منصور باشا , وأعزم على خوت المنتفق وأبوي عارف(ن) رايي مبطي أني لا أسمع ولا أطيع أبي أجيب له ذلوله اللي عند الروله بأية وسيله ؟! المهم تجي هذا كل همي هاك الساعة , يامار أخت ذلول أبوي عند عمي ووصايفها مثل وصايفها, ويفطن أبوي للي براسي وهو يحذر عمي: خلك حريص من بناخيك لا يسرد منك الذلول ويلحقها بأختها للروله تراه عازم(ن) على غزو الروله مع جيوش المنتفق وهقوتي أنه غير يخاويهم على ذلولك !! مارهاه خلك حريص ,ومانفع عمي حرصه تحيلت به وأسردها منه وأخاوي ربع لنا هدفهم مثل هدفي !!. ونجيك وجهتنا جيوش المنتفق جهة العراق وناصلهم ياهم قوم(ن) مالها تعداد,وكل هالجيوش والأمم لهم حداة محدة :
يابو ثامر ياسعدون = ياشوق ملولحة الردن ونقولها معهم ونصير نحدى مثلهم , ويمشي بنا ثامر السعدون للروله قلت بقلبي أيه هالمرة ماهي مثل هاك المرة يالروله جيناكم جيناكم بقوم(ن) حمرا ماهم غزو(ن) شويين !! ويصير الكون المعروف كون الأشقر اللي راحت به رجال(ن) مالها تعداد واجد والجنايز ملي لها حفرة بلها قاع , ويهم يحلون راعين العليا بنا وهاته هاته وربعي من الظفير اللي ما ذبح وخذ وسلم برقبته وأنا منهم هو البخيت !!وأول ماوخذت الذلول !! وأهرب على رجليه من المعاره وأجيك يم هاك الروض اللي النزع غاطيه ماينشاف اللي بوسطه وأطيح بوسطه وأخمر أبي أنام متوسدن الليه بويريد(ن) معي ! أبي يامنه جا الليل اسري واهرب لديرتي ونواحيها.الركايب حفايا = عن بيت النوري ينشدن الروله سردوا اللي سردوا من جيوش الأشقر وماتلملم عليها من رجال القبايل , وأنا على مجضاعي يومني اسمع طق حذيان الفرس وأرفع لك راسي شوين ياهذا هو جايك راعي العليا على هاك الشهبا تهذبه خلاوي وتي تي ياما وطت الروض اللي أنا بوسطه مخمر , ويومنه بغى يجنبني وهي الفرس تشوح براسها وهو يلتفت ويشوفني يانا عنده بس أني ماني تحت رجليها !!قال: يله قم وهات اللي معك عده البارود الملويه ويحول عن فرسه وياخذ بارودي ويحطها على متنه وباروده مشهلها بينماه , قال: وش جايبك هنيا ؟؟ أكيد انك هارب مع اللي هربوا من جيوش المنتفق ؟! قلت أيبله يارويلي اللي قلته هو الصحيح وأبي منك السلامة لرقبتي , قال هي لك كانك تعاهدني عهد باللي اقوله لك؟؟! قلت اعاهد قبل ماعرف وشهو ياراعي العليا !! قال أبيك ماتبول طول منت حي يم جهة ديار الروله ...أنت سمعت أنت سمعت ! ماطير الشراب وجهك صوب جهة الروله تعاهد على هذا !! وأعاهده قلت عليك الله وأمان الله أنها لك يارويلي .......وهو يتركني . وهذا ترى هو اللي أضحكني يوم عرفت أن رويلي يارويلي !! ومن هاك الساعة أليا هالساعة هاذي ياولدي ماعمري طيرت الشراب صوب ديرتكم!! )يتجدد اللقاء بكم ................بأذن الله تعالى كتبه لكم ....................[[ اخو صيته ]] | |
| |
|
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
