| | |
| لوحة إعلانات المنتدى | |||||||||||||||||||||||||||||
| |||||||||||||||||||||||||||||
.::||[ آخر المشاركات ]||::. |
 الإهداءات | |
 |  |  |
| |||||||
 |  |  |
| أَلِفْ يَاءْ العَليَاَءْ : [ سَيُنِيِرُ هُنَا تَارِيخُ قَبِيْلَتِنَا بِمَوَاضِيعَهُ وأيْضَاً صُورهُ الخَاصّة ] .. |
 |
| | LinkBack | أدوات الموضوع | إبحث في الموضوع | انواع عرض الموضوع |
03-06-2010, 01:32 AM
| #91 | |
|
الكاتب المميز
 |  أخوي صلهام ,,, بيض الله وجهك , أنت وأمثالك اللي نحرص على اللقاء بهم هنا , وعساني إن شاء الله تعالى أوفق فيما تجدونه في هذا المتصفح , والمعذرة على طول الغياب ولنا عودة قريبة خلال أيام لنتابع بإذن الله تعالى المسير مع أولئك الرجال , وعلى جادتهم نسير ويكون لنا اللقاء ,,,, | |
   |
|
06-11-2010, 01:55 AM
| #94 | |
 | اللة يرحمك يا عمى ابو مقبل قليل من الرجال بشا عتك وفطنتك.. يعطيك العا فية اخو صيتة جادتك هذى تووى لقيتهاا ابشرر بالمشابط من هذا وراء..!! | |
| ]  |
|
06-30-2010, 07:21 AM
| #96 | |
|
الكاتب المميز
| الحلقة [ 25 ] وقصة.... جديدة... لأحد أبناء القبيلة دارت ..أحداثها قبل... أكثر من نصف .... قرن .... " قالوا له عليك الله وأمان الله وثق بهم ورمى السيف من يده ... وهم يبوقون به " | |
| |
|
06-30-2010, 07:34 AM
| #97 | |
|
الكاتب المميز
| الحلقة – [[ 25 ]] قال الراوي ......(( من هالسنين سنة يقال لها ربيع اللّبة اللي هي سنة الدفرات عام 1368 هـ, حنا حول الأمحاص والعرب قاسمينهم المزكية قسمين بطن الشعيب , اللي بحدريه ساقوا الزكاة واللي فوقيه مازكوهم وهم بيتهم على الطريق بين العربين , وهو لك يجيلك ساري بالليل راع النعايم ومعه له جهام كلها وضح , وراع النعايم يقال له (جرو بن سعدون بن عودة بن زيّاد النعيجة من الحسن من المقيبل من الكواكبه من قبيلة الرولة ) رجل مات صمل ما أخذ الحريم , وهذا نبقه اللي معروفٍ به عند العرب معروف بنياقه النعايم اللي كلها بنات بعضها ,وهو فحل من الرجال ياصار مقفي ماتفرق راسه من روس أباعره , رجل جبر وعظمته كبيرة , طاحت من هالسنين له حقه من أباعره وبغت تهلفا بلها قليب وهو لك يتميزر بها ويظهرها من فم القليب بس هو , يركب المقام ويسقي نياقه لحاله مسنوي بس هو ماله العوين وحلاله جهام أباعر ويقولون بس تسمع طق الرشا بجال القليب من يقرط الدلو ياهو مظهرها بساع . له مرة دحمه حدا الحشو وهو يندف الحاشي بكوعه ياهو متسلقي على جنبه , رجل داهية ونشيط ولا يبخل على نفسه بشين أبد , وهو صمل تلقى معه عزبه أهل البيت ويكيل مثلهم , حلته أكوام وزبر بها نحو دبس ونحو سمن وفردة طحين وفردة تمن العراق وعدل تمر شثاثا من العراق وعدل تمر الجوبة , وبس هو إلحاله يشيل كل هالحمول على رحليه ولا له العوين اللي يزمل معه العدل , كل فردة يزملها مع خويتها على البعير إلحاله. زبدة السالفة إنه جاك جرو النعيجة تالي الليل ساري متودر عن المزكية عنده رسة علم منهم إنهم حول العرب ويبي يطب على العرب اللي زكوا منشان مايزكي , والمزكيه من خدام عبدالرحمن السديري ويروسهم ابن بليهيد العتيبي أمير الشويحطية بلهم بيت إلحالهم ونارهم تفجعر , يومنه تعداهم راع العليا ويصير فوقٍ منهم بعرجة الشعيب ويمرح ويعقل نياقه وكلها مواليف بنات بعضها ماتعدى الرحول , يومنه حطحط حموله وعقل رحوله وهو يجيلك يدور العلوم يم أهل البيت بهالليل يحسبنهم من العرب , يوم جاهم ياهم موقدين النار قدام البيت والبيت خالي من الفرش سلم عليهم وقلوا له يالله حي راع العليا تناكرها وهو ينشدهم : ماعينتوا هالمنقوصين ؟ قالوا وشم المنقوصين ؟ قال من غيرهم عمال السديري ! قالوا له هذمك عقبوك يم العرب اللي أنت جيت منهم , وهو يسري من عندهم لأباعره وحلته ويسوي عشاه وينام ويومنه أصبح ياهضولا همك العرب والطروش وهضمك بعد العرب , وأهل البيت اللي هو بقصرهم ولفاهم البارح ماعندهم كود ركايب وبيت خلاوي وهو يتيقن أنهم المزكيه اللي هو هارب عنهم كذبوا عليه البارح منشان يتطمن ويمرح وهاللحين الأمر وصار. ويجونه اثنين منهم وقالوا له روح معنا يم الأمير يالقصير! ومارد عليهم ,قاله حديهم أنت ماتوحي روح يم الأمير نقولك , رد عليهم راع العليا جرو: ماني ظانه , وهو واحد يمسك يده من يمين والأخر من يسار وهم لك يشدونه هو أنت أطرم ما تسمع نقولك روح يم الأمير , ورد عليهم بعد : ماني ظانه ! وهم يشدونه يبونه يروح معهم غصبٍ عليه وهو عينه يم نياقه ولا عينه حتى لهم , وهم يقولون له أنت صاحي أقولك أمش أمش يم الأمير , وراع العليا جرو النعيجة يجمع يديه ويطق روسهم بعضهم ياهم تقل رجم فوق بعض عند رجليه , وخلاهم وقام يطلق عقل أباعره , بهالحكي ابن بليهيد وخوياه كل هذا يشوفونه شوف العين قداهم وهم يجونك فزوع معهم بواريدهم يتراكضون يم خوياهم ياهم تسعة رجال وعاشرهم أميرهم , ويتلاحمون التسعة مع جرو النعيجة ويعجزون عنه وهو إلحاله ويقومون ويضربونه بكعوب البواريد على راسه وعلى جنبه ورجليه وعلى راسه تهضد ياما داخ وهم يعقلونه مثل البعير من العقل اللي معه وكل ما عقلوه بعقال ياهو ماتخه اثنين , وهذا هم التسعه كلن يضربه من جهه ياما ولوه من كثر الضرب بالبواريد وهم يكتفونه وهو ماهو واعٍ باللحيل ويخلون واحد منهم مع البل ويجيبونه حادرينه يم الشويحطية . يومنهم جابوه يم المركز وقاموا لصلاة الظهر وهو مكتوف وراهم وهم بلهم دار وهي المضافة بها لها دريشة وحدة صغيرة والباب من جهة القبلة , يومنهم استوا وصفوا وأحرموا بالصلاة ياهذا هو يشوف السيف معلق على الجدار فوق راسه , وهو راع العليا يكرب أيديه ويمتخ العقل اللي مكتوف بهن , ثريه لخسه واحد منهم وهو يصلي قال : مابها حكي الرجل ذبحكم الرجل ذبحكم وهو بوجهه مع الباب وهم لك ربعه بثره يتناطقون ويقطعون صلاتهم وهم محرمين بها , الباب من يمهم وبساع ياهم كلهم من أمس بالحوش وهم لك يردون الباب ويسكرونه على جرو النعيجة اللي أخذ السيف وقعد يومي به وهو يقول لهم : والله لا ألعن أبوكم كلكم ولا أخلي منكم حي يرمش بعينه , هاللحين كسرتوا ضلوعي بواريدكم وخليتم نياقي بالفلاة وترجون من الله الرحمه , ويومنكم شفتم الصملي ولا واحد منك اللي كمل صلاته ! اعقبوا من رجال أنتم رجال أنتم . وهذا هو جرو راع النعايم معه السيف وماله حيلة عليهم الباب مردود والدريشه صغيرة والخدام كلهم بالحوش عينهم له , وهذا هم يقولون له : يابن الحلال أرم السيف عليك الله وآمان الله إنك مايجيك منا خلاف , وإن نياقك ماعليهن شين معفي هالسنة ! بس أنت أرم السيف من يدك وماعليك , قال لهم راع العليا : على هذا الله وآمان الله قالوا له أبداً . وهو يقرط عليهم السيف مع الدريشه وهم لك يغيرون عليه وينوخونه مثل سواتهم به الصبح , عقب ما عطوه الأمان , وعقب شوين قريب العصر تقل صحى له شوين قال لهم وهو مكتوف : ياصار أنتم مالكم ذمة ولا تنشدون عن الله وآمان الله , تدرون اللي تبونه خوذوه ! هاكم هذيلن النيرات مخيوطات بجيب العباه فروه وخذوا حقكم وإنكسوا بي يم نياقي ............)) | |
| |
|
06-30-2010, 12:47 PM
| #98 | |
| يعطيك العافية على هذه القصة الرائـعة من روائـع أهل العـلـيا.. و ننتظـر المـزيـد و الـمـزيــد.. | |
 ..  
•
خربشات على ضفاف المرسى • رسالة عاجـلة لأعضاء و زوار منتديات قبيلة الرولة • ضع طلبك هنا و يشرفنا تلبيته |
|
06-30-2010, 03:36 PM
| #100 | |
| الله يعطيك العافيه ويقويك ياخو صيته ومشكور على السالفه والحقيقة الخط هذا ممتاز لأني بصراحه أطبع الحلقات وكان يبهدلني الخط الأول | |
| الناس كفناجين القهوة .............. << سآآآدة و سكر زياااادة و مضبوط >> .............. |
|
| أدوات الموضوع | إبحث في الموضوع |
| انواع عرض الموضوع | |
|
|
↑ Grab this Headline Animator + ترجاك عيني ديزاين
 |  |  |  |  |  |  |  |  |
|---|
 |  |
العرض العادي
