من الضيق هلِّيت القوافي تقل هتَّان=وأنا خابر ٍ حالي إذا ضقت أخرِّبها
قصيد ٍ على معنى ما هو قرقعة ورعان=وشِرْد القصايد هي تجي طول كاتبها
وعروس القصايد ما تهادت مع الفلتان=أبو زرير ما عمره ترى رزْ غاربها
عليها السلام اِعداد ما بكَّر الودَّان=لا لجْ الرعد وأرخت تضاحك سحايبها
مقاديمها - يا ويل حالي - تقل عمدان=ومواخيرها قشْ الزبارة وحاصبها
وسلام ٍ تسلسل يمْ :خالد بن برمان=وعلى نقْوة عيال الجلاسي نزجْ ابها
ربوع ٍ لنا ما كِلْت مدحي لهم بـ أوزان=بهم خاطري حتى الدرر؛ صاح عذربها
وأنا ماني بهتلر وربعي ماهم ألمان=لكن لا تعزوينا إنكلترا نشيبها
لا منَّا تناخينا على الهوش... يا عليان=كسرنا صليبات الكراسي بخاطبها؛
لكن جارك الله يا الوليدة من النيران=ما هي بالطرايد والحرايب نحاربها
يا خالد بحلقي عظم قاسي تقل محجان=ولا أدري وش أتلاها معه يا مهندبها
تعرَّض بحلقي والقضاء ساقه الرحمن=وأنا ما أقدر أبلعها ولا ني بسيبها

المشاركة الأصلية كتبت بواسطة فهد زبن الرويلي أخي الغالي :- خلف ضحوي الرويلي الشاعر المتالق دائماً وشاعر الجزاله ...... شاعريه فذه يتغلغل بداخلها الشكوى لمن هو قدراً لذلك وهو أبو جازم كثر الله من أمثالك وأمثاله بهذا المنتدى ولاهو مهونة ببقية أخواني جميعاً ......

المشاركة الأصلية كتبت بواسطة خالد جازم البرمان وبسم الكريم العالي الواحد الرحمن=وسبحان فرَّاج الكروب ونشايبها هلا بك هلا بك ياخلف وانت عال الشان = عدد ماتواتر طشَّها من سكايبها على كيف جد ام المعاني وانا الطربان = على من تَلَحَّنْهَا موازين طاربها واجي صاحبي يامن نده باْول الركبان = عليك الأِشاره واْعتلي فوق غاربها بعد والكد الضيقه عن الصاحب مسيِّان=واصبح بها عن حضرته شوح واعطبها واجيه الفرح كلِّي وانا كلِّي النشوان=ليامن ضحك سنِّه سعاداتي اكربها بعد والكد الفرحه وانا الجندي الفرحان=على فرحته واصير حارس مضاربها على امرك على امرك ياخلف والفعل برهان=على كل ماتامر تراني معزبها أشر يارجال وخل الباقي عنك واسمح لنا القصور

تلاحى الحمام ولا لقى إلا هشيم أغصان=ودنْدن بها ، والبرد حطَّم جوانبها
ألا ...أحيه يا فرق الحمايم من الحقران=يفطِّر كبود الخلق ويزيد لاهبها
وترى لو بعث لك خالقك صاحب ٍ بطران=ما كان اشتكيتي يا الحمايم هبايبها
وأنا صاحبي : شاعر ، وفارس من الفرسان=رقى بالطويلة والجليلة يلاعبها
مخابيط جدانه :نجوم ٍ برؤوس الجآن=وهو طاولة شعر النبط كود يقلبها
يا خالد ، يا خالد ، قلتها بالفم المليان=للأجواد وقفات ٍ على طول منسبها
كفو يا جملنا لا زمى العايل الفسقان=كفو يا مبعِّد هقوته فوق يرقبها
وتبختر ..تبختر يا (دماغي ) وأنا نشوان=يا كبرك يا راسي من رجال ٍ تعصَّبها
وأنا ضيقتي ماهي من اليوم يا عليان=لها اليوم دور الحول طقْت مناسبها
إلى شفت أنا أمي دمعها ذارف ٍ هتَّان=فجوج البسيطة كلها ضاقت أرحبها
تهل الدموع وترجي الواحد المنَّان=يفك أسر غاليها وينفل حاجبها