يا ملهم الشّعار [ إلهام واشعور ]=ببدي بإسمك يا عظيم العطايا
يا الواحد المعبود يا منزل [ النور ]=عبدك يبي رحماك تنطق شفايا
مشكور .. يا ربي عطاياك مشكور=لو زاد شكري ما يزيدك مزايا
يالله طهرني من اذنوبي اطهور=وارحم ذليلٍ جاك وانخا المطايا
جيتك على بابك وابارد مغفور=مغفور ذنبي لو بلغ في سمايا
جيتك وأنا [ طالبك / طالبك ] بالفور=تبعد عن ادروبي دروب الخطايا
وتبعد عن ادروبي هل [ الكذب والزور ]=اللي لهم بالقلب حقد وخفايا
يمشون في درب الرذيله [ بدستور ]=دستورهم [ مليان ] كذب ووشايا
ما همّهم لا دين .. لا شرع .. لا شور=كل همّهم زود [ الضحايا / ضحايا ]
[ اصقور ] لكن تنهش الحر وتثور=ما هو غريبٍ فعلهم والسوايا
مثل [ المدافع ] لا اضربت بيت مستور=لا بد منهم صابتك من شظايا
درب الرذيله دربهم درب مخبور=وما همّهم يمشون لو هم [ عرايا ]
وان جيتهم [ مسرور ] بترد [ مكسور ]=يا هي بليّه [ والبلايا / بلايا ]
وما قلت زودٍ في كلامي ولا زور=بختم كلامي ما بقى من بقايا
ويا ملهم الشّعار [ إلهام واشعور ]=بنهي بإسمك يا عظيم العطايا

المشاركة الأصلية كتبت بواسطة روح الغلا ماشاء الله عليك يامحمد والله انه قصيده رائعه ومصووره انت مبدع

المشاركة الأصلية كتبت بواسطة !! دحام الرويلي !! وتبعد عن ادروبي هل [ الكذب والزور ] اللـي لهـم بالقلـب حقـد وخفـايـا يمشون في درب الرذيله [ بدستـور ] دستورهم [ مليـان ] كـذب ووشايـا ما همّهم لا دين .. لا شرع .. لا شور كل همّهم زود [ الضحايـا / ضحايـا ] صح لسانك يالذيب قصيده معبره وجزله وأتمنى من الله ان يزول هذا الداء

المشاركة الأصلية كتبت بواسطة فارس الفرسان صح الله السانك لين ترضى رائع كما انت اخي محمد كن بخير

المشاركة الأصلية كتبت بواسطة وردة الحياة ما شاء الله قصيدة جدا رائعة تحمل في طياتها كثير من المواعظ والحكم والفؤائد... يعطيك العافية ،،، دمت كما تحب.. تقبل مروري وودي...