كان الحكي يرفع مقامات ويعين=حتى الطفل أنسان مخلوق بلسان
وكان الشعر يكفي لمعانيه ببيتين=أنا أحمد الله دايم الدوم سلطان
الشعر ماهو معجزة له قوانين=ماكل شاعر قاف روّام الأتقان
الشعر وزن وقاف بحر ومضامين=ماكنّه إلا شربة الماء لعطشان
ممكن يُدَرّس للي يبغى بدرسين=دام المشاعر ضمّها كل خفقان
في محكم التنزيل قول وبراهين=معنى لآية في مضامين قرآن
ماعلّم الله الشعر والدواوين=للمصطفى محمد رسوله بالأيمان
يعني إذا يبغى الشعر يدعم الدين=علم رسوله قول الأشعار منّان
لكن لحكمة خالق الانس من طين=ماعلّمه نظم القوافي بالأحسان
هذا دليل ٍ قاطع بلا تخامين=أن الشعر ممكن يُدَرّس للانسان
لكن وش اللي يفرق الزين والشين=هذا اللي لازم يفهمه كل ربّان
واللي يبي غوص القوافي المزايين=أهديه درس ٍ صادق ٍ فيه تبيان
درس أحتراف القاف نفع المجالين=الخبرة واللي باغي ٍ حبك الأوزان
هديّة ٍ من قلب صافي على الدين=ماينتظر ردّ العطايا بالأثمان
ساس القصيدة فكرة القاف بعدين=فكرتك صغها جوهر القاف بنيان
تلقى البحر تلقائي حسب الموازين=والقافية لك بيّنة شوف الأعيان
كرر بحر قافك بالأبيات تلحين=حتّى تعوّد للوزن كرر أحيان
البحر وزن أبيات الأشعار تثمين=الصدر طول العجز مقدار الأثنان
القافية مثال بالتين هي ا (ين)=القافية الياء والنون في آن
ممكن ثلاث حروف أربع أو أثنين=في كل ِ صدر وعجز مقدار سيان
شعر الغزل سلوة قلوب المحبين=ثوّار قلب ٍ ثار ثورات بركان
والمدح باللي يستحق واجب ودين=لأنك تجازي راعي الطيب عرفان
حاول تجنّب الهجاء كيف ومنين=شعر الهجاء سب وشتايم ونيران
شعر الفخر زين ويهمّ الكثيرين=منهاج طيب لناشئ بصيت جدّان
أختر معاني ماطرت للفهيمين=ياكثرها للي يبي أشكال وألوان
جنّب مضامين الردى تركها زين=طبع الكريم يشوم عزّة ونشوان
مايطري الهزلات إلا البخيلين=أهل المبازخ هذرة بكل ديوان
وإلا زحازيح الجزال الكريمين=عيب ٍ يطروّن الهزل لو هو أفنان
شعر الجزل جذّاب شوّاق بخصين=وإلا الهزل نقص ٍ ولو صار ديوان
الطبع نبراس الشعر بالدواوين=شعق المشاعر للمواقف بضيّان
ماضمت حروفك تراها عناوين=لأطباعك وخلّك بخيص ٍ وفهمان
راع العقل مايعجبه كومة الشين=ينشد عن بيوت اللألئ ومرجان
لو أعذب الأشعار قيلت من سنين=الزين واجد غص بالأبداع ولهان
أحرص على ذوق ٍ يسرّ المودّين=صدق ٍ عجاب ٍ غيث جلاّد الأمزان
خل السفاسف وأترك البين والبين=وأفطن ترى بعض التعابير بهتان
أقنع برزقك وأن غدا رزقك شوين=الخيرة فيما أختاره الله بالأزمان
دام النوايا مابها كاش ٍ ودين=صف ّ النوايا والله المعطي جنان
ماكل زاقح أرتفع بالميادين=حتى الحفر تزقح بها شعاب وديان
اللي يتمسكن طامع ٍ بالتماكين=اللي طباعه تشبه أطباع وغدان
اللي يتخفّى في مسمّى العزيزن=اللي بزيف يحاول أرجاح ميزان
اللي يتعلا بالسلالم على يدين=اللي ماطال بدنيته كود نقصان
اللي جهل هيبة حضور العظيمين=اللي لهم بالكون تقدير ٍ وشان
يبي الأساس يباري آثار مقفين=يبيه دايم بآخر القوم شقيان
لو المؤمّن أئمن من الأمينين=لكن لأن صارت لذا بخبث الأعلان
تعامله بالزيف تحديد قوسين=اللي يجازي طيب الأجواد نكران
مسكين لأنه من منابعه مسكين=قلّ الثقة غطّاه أستأسد ومان
الحر حر ٍ في مبادي السلاطين=بالعادي والألوان حر ٍ إذا بان
واثق لو يندّ المشارية جيشين=رغم الجروح ورغم تلويع الأحزان
يبذخ هلا يامسهلا أهلا وسهلين=زاد القنوع ثمار شتّى وصنوان
صلاة ربّي عد ّورد البساتين=على النبي المرسل بخير الأديان
درس أحتراف القاف نفّاع ٍ يعين=خمسين بيت ٍ من مزايين سلطان

المشاركة الأصلية كتبت بواسطة فهد زبن الرويلي أخي الغالي :- أبو عافت تــقــــول :- الشعر وزن وقاف بحر ومضامين ماكنّه إلا شربة المـاء لعطشـان وأنا أقول ماشاء الله عليك الين الشعر مثل شربة الماء عندك يالذيب قصيدة شامخة بــ شموخ عزتك ,,,,,, لله درك يــ أبو عـافـت لله درك يــ أبو عـافـت ســاقف أجلالً واحتراماً لشخص الكريم لــ أصافح يمينك الطاهره على هذا ألابداع والــتــمــيز ..... / / / مودتي لك ,,,,,,